Genese 23:2 - Iaai Bible 1901 (New Caledonia)

² Ke a mokcu Sara hnyi Kiriath-areba (wale Heberona) hnyi hnyei Kanana: ke ame o but Aberahama he ka hnyamok me tenge ga Sara.

Genese 23:2 ပူးပေါင်းရင်းမြစ်များ

Genese 13:18

Me Aberama ame oc umen uma mano, me o but me laba hnyi sawajo anyi Mamere, wale hnyi Heberona, kʼ ame otilâ eling ke taben hat kö Iehova.

Genese 23:1

KE khaca haded ke twente seven ta je hunai Sara: wale ta je hunainy anyin möt.

Genese 23:19

Ke hwaban dö e Aberahama ame könim Sara âiân hnyi op hnyi utkânâ e Makepela cicö Mamere (wale Heberona), hnyi hnyei Kanana.

Genese 24:67

Ke Isaaka ame su e ka hnyi uma mano umo Sara a hinyen, me hum Rebeka, me me âiân; ke e ame betenge gan: ke Isaaka ame hnyibû ju hwaban imekiny hinyen.

Genese 27:41

Ke Esau ame hûkötö ga Jekob, can hnahic a ham kâu kamen: ke haingö Esau eû hnyi hnyekon, ka habe, E hakekeny jut ûen ka hnyamoki Cica, me oge me he ka hlingö Jekob a keik.

Genese 35:27

Ke Jekob ame o kö Isaaka a kamen e Mamere, hnyi Kiriath-areba (wale Heberona), waleji hnö Aberahama me Isaaka hna laba kanyua hnyin.

Genese 37:14

Ke e ame ha kâu, ka habe, He thö ka wâ, hawa, e sot latuhâm, me hnahat meno; ke u hmetu thö ka thumetu nya. Wale e ame kunâ e ûheny hnyi hnyigöulen bucen e Heberona, me e ame e but Sekema.

Genese 50:1

ME Josefa ame ta hon hnyimakan kamen me tenge hon, me ûcimhnyimak mē.

Genese 50:10

Kʼ ödrin e o but ka hnyi hnahuje hwit anyi Atada, wale hoton Joridano, me ödrin e hnyamok eling me tenge hwege: ke e ame otilâ je bongon hnyamoko kamen a seven.

II. Samuela 1:12

ke ödrin e tenge, me tenge gan hmâ, me ca han ke ne o but sahac, ca Saulo me Jonathana a nokon, me tavat anyi Jehova, me lap anyi Isaraela; anyin a ödrin e ta but ge hele vat.

II. Samuela 1:17

Ke Davita ame tenge ge utengien eang ca Saulo me Jonathana a nokon:

II. Samuela 2:11

Ke haba ûen ame musi hnyi Heberona Davita hon lap anyi Juda, me seven je huna ke siks ta tehi.

II. Samuela 5:3

Ke ame o but wahingatiny at Isaraela hia thithö ka than hnyi Heberona; me Davita than ame ûhihiny-köu mödrin hnyi Heberona hnyi hnyimakö Iehova: me ödrin e hû Davita me me tuhan Isaraela.

II. Samuela 5:5

E ame musi Juda hnyi Heberona seven je huna ke siks je tehi: ke thote theri je huna e ame musi Isaraela me Juda hia hnyi Jerusalema.

I. Man Ûlabainy Je Than. 6:57

Ke adre me ham ka laku Arona je taun hnân laba duöng hnyin, a Heberona; me Libena me je hnyaban igigilo, me Jatira, me Esetemoa me je hnyaban igigilo;

II. Man Ûlabainy Je Than. 35:25

Ke haba Jeremia ame khumöngö tenge ca Josea: ke haba tavat khumöng obaga me omomo hia, me, ödrin e haiö Josea hnyi anyidrin tenge ke ne o but hnyi bong ang; ke adre me otilâ hmâ bongon e hnyi Isaraela: me wâ bi, adre hia but sihnalimen hnyi je khumönginy tenge.

Nehemia 11:25

Ke haba ge je taun ae ûhnyûkong me je utkânâiny, me ame laba ke je laku Juda hnyi Kiriath-areba, me je tauniny, me Dibona me je tauniny, me Jekabezel me je tauniny;

Jeremia 22:10

Ca tenge bi can at a mokcu, ke ca mâng bi gan: ke tenge hwege bi thö ge at ame he; anyin a e ame ca he ka hmetu, me wâ hnyei adre hnokoâ e hnyin.

Jeremia 22:18

Anyin a wale, walang hna ha hnö Iehova ga Jehoiakima nöku Josea, than Juda, ka habe, Adre me ca he ka tenge gan me ha, ka habe, Ekölö ge keik! Ke ekölö ge hanik! ke ekölö ge anyin hmanenang!

Numera 13:22

Ke ödrin e ölö hnyi Hwaiöu, me o hnyi Heberona; wale Ahiman, me Sesai, me Talemai, a laku Anaka. (Ke haba Heberona, me adre bödra ka op e ehac seven ta huna e tiga ca op Zoana hnyi Aigupito.)

Numera 20:29

Ke e khana but ûkhacaköu hia a ga mok Arona, me haba lap Isaraela hia adre me tenge thungaû thöte ta je bong, ca Arona.

Ioane 11:31

Ke haba at Juda adre tha laba mē eiö hnyin uma, a hnyat otubwelâ, adre me ō Maria ame ie tot me he hnyou ai, me adre me he hoton, adre me ûnykûme a gʼ ame ke ka hnyi erkemok he ka tenge eling.

Ioane 11:35

Iesu ame tenge.

Ta je huliwa 8:2

Ke haba tavat adre me outen Khong adre me konim Setefano, me tenge thungaû gan hmâ gan.

Deuteronomi 34:8

Ke haba lakon Isaraela, me adre me tengiö Mose hnyi je dok ae tha hon hnyi Moaba, hnyi je bong a thote: me adre me um dö je bong bonginy hnyamoki Mose.

Josua 10:39

ke e ame hûgûnâ e, me thaniny, me je tauniny hia thithö; ke adre me kuc ödrin ge hele vat, me ti ohia tavat hia thithö hnyin; e ame ca hna but ke kolon: helâji me hnen hna ânyâ ka Heberona, helâe minya e ame ânyâ ka Debira me thaniny; ke helâji me hnen hna ânyâ ka Libena me thaniny.

Josua 15:13

Ke e ame ham kö Kaleba nöku Jefune jekhon unyin laku Juda, helâ me hnö Iehova hna hûna kö Josua wale Kiriath-Areba, haba Areba kamö Anaka (wale Heberona).

Josua 15:54

me Humeta, me Kiriatha-areba (wale Heberona), me Ziora; nain je taun, me je tauniny ae ûhnyûkong.

Josua 20:7

Me ödrin e kû Kadesi hnyi Galelaia hnyi bucen Nafatali, me Sekema hnyi hnyei ae hut hnyi Eferaima, me Kiriatha-areba (wale Heberona), hnyi hnyei ae hut hnyi Juda.

Josua 21:11

Ke adre me ham ködrin Kiriatha-areba, haba Areba me kamö Anaka (wale Heberona), hnyi hnyei ae hut hnyi Juda, me je utkânâ igigilö e.

Owisa 1:10

Ke Juda ame he ka at Kanana adre me laba hnyi Heberona: (ke haba ien Heberona ehac me Kiriath-areba:) me odrin e kot Sesai, me Ahiman, me Talemai.

I. Samuela 20:31

Ke hnyi ta je ûen hia thithö e ka tiga möt bala bi eang hmeledrany nöku Jese, u me ca he ka tethmâ me dokhom dökhu. Ke ûkhûnöng dö walang ang me hom e könya, anyin e hnathu e ame he ka mok.

I. Samuela 25:1

HABA Samuela ame mokcu; me ame ûkhacaköu Isaraela hia thithö, me tenge gan, me konâm e hnyi umen uma hnyi Rama. Ke Davita ame todrö me he ka hnyi hnyebuba Parana.

I. Samuela 28:3

Ke ame mokcu Samuela me a hia but tenge gan Isaraela hia thithö, me konâm e hnyi Rama wale anyin taun. Ke a hia but Saulo ohia hnyi hnyei tavat ae tren biobotkong me je at bihihwakecin.