Genese 22:8 - Iaai Bible 1901 (New Caledonia)

⁸ Ke Aberahama ame thu, ka habe, Nökuk, hamen Khong he ka penapena hobi kâu bi ke nokon mamoe hnân hut adre le: me ödru me tha he.

Genese 22:8 ပူးပေါင်းရင်းမြစ်များ

Genese 18:14

Ewa ke ûnyi ae hmak kö Iehova? Haba hnyi bong adre thu oge me he ka hmetu köu, e ka o but ûen, kʼ ame he Sara ka hnokoâ nokon da.

Genese 22:14

Ke Aberahama ame hwenyi ien dok e, ka habe, Iehova-irae: helâ me hnödra hna labö ha ke ne o but hnyi bong ang, ka habe, Adre me he ka penapena e hnyi bucen anyi Iehova.

Genese 22:7

Ke Isaaka ame ha kö Aberahama a kamen, ka habe, Cica lö, me haingen ka habe, Nökuk lö, inya ang. Ke haingen, ka habe, Wâ bi meic me thi ot: ke ewa nokon mamoe hnân hut adre le?

Genese 22:9

Ke ödru me o but ka hnyi dok Khong ame ha kâu; ke Aberahama ame otilâ eling taben hut, me khutâ inyâ, me co Isaaka a nokon, me ip e hon ûtoiny taben hut.

II. Je Than 2:6

Haba Elia ame ha kâu, ka habe, Ö u laba biju ang; anyin ame kunö nya Iehova Joridano ai. Ke haingen, ka habe, kia inya Iehova, ke kia inya u, a oge me ca he ka hnö u. Me ödru me tha he.

II. Man Ûlabainy Je Than. 25:9

Me haingö Amazia ka aten Khong, ka habe, Ötin e he ka kâmâu ta je talan a wan haded waleji o ge ham ka deo vat anyin Isaraela? Ke haingen aten Khong, ka habe, E khanö Iehova he ka ham gânâ köu hon e.

Mataio 19:26

Haba Iesu ame ō ʼdrin me ha, ka habe, E ca khana bi e hnen at; ke ba ke ûnyi ae pason ka Khong.

Ioane 1:29

Nyi e ame ō Iesu ame he kâu, me haingen, ka habe, Wâ bi Arenio anyin Khong at ame hijen monu anyin hmeledrany!

Ioane 1:36

ke e ame ö Iesu ame he, me haingen, ka habe, Wâ bi Arenio anyin Khong!

Hna Omanenâ 13:8

Ke ame he ka khudrung ju kâu ödra hia adre me laba eang hmeledrany, waleji tavat adre ca set je iödra hnyi tusiny möt anyin Arenio waleji adre hlingâ hwân hnyi hna bi taben hmeledrany.

Hna Omanenâ 5:12

ke adre me ha hnen ifucin ae gan, ka habe, E ûcû ka Arenio waleji adre hlingâ he ka kap man, me tang omjeû, me metâ, me tang hwege, me hna ogöranyâ, me hna ogânâ, me hna haisoâ.

Hna Omanenâ 5:6

Ke oge me wâ hnyi wanben theron, me vak ta ûnyi ae möt, me hnyi wanben wahingat, ame tot ke Arenio, helâke adre hia but hlingâ, seven je faoiny, ke seven je emakan, wale je Hanon Khong a seven, adre kunâ ka hnyi hmeledrany hia thithö.

Hna Omanenâ 7:14

Ke haingök kâu, ka habe, Than lö, e khanö u. Me e ame ha könya, ka habe, Ödra ang adre me he but ûnyi hnyi vec ae gan hmâ, ke adre me hneû anyidra je ûkhaû, me ohaûâ hnyi dren Arenio.