Genese 22:7 - Iaai Bible 1901 (New Caledonia)

⁷ Ke Isaaka ame ha kö Aberahama a kamen, ka habe, Cica lö, me haingen ka habe, Nökuk lö, inya ang. Ke haingen, ka habe, Wâ bi meic me thi ot: ke ewa nokon mamoe hnân hut adre le?

Genese 22:7 ပူးပေါင်းရင်းမြစ်များ

Genese 22:8

Ke Aberahama ame thu, ka habe, Nökuk, hamen Khong he ka penapena hobi kâu bi ke nokon mamoe hnân hut adre le: me ödru me tha he.

Genese 8:20

Ke Noa ame otilâ ke taben hnân bi hut kö Iehova; me hom ûnyi hnyi ta je meno hia a vak can ae bo so, me ta je meno hia ame gâ ae bo so, me hudo ta je hut adre le hon taben hut.

Esodo 12:3

Ha thʼ öbu ka tavat Isaraela hia adre ûkhaeaköu, ka habe, Haba hnyi bong a libenyitainy tehi ang, adre me he ka ve hom nokon mamoe hoton je lap anyin lakamödra, ûsa khaca nokon mamoe hobi kâu ke lap me ke lap:

Esodo 29:38

Ke walang ûnyi u me he ka hudo hon taben hut, a lo li lakon mamoe a khaca hunainy hnyi ta ogo bong hia.

Mataio 26:39

Me e ame he ka hnyi dok ae hakekeny, me ta ju hnyikânâi, me hic, me ha, ka habe, Cica lö, a ne ca pason, ö u ohia but utk… eang gak: ke so bi e ca hamök, ke ka… mâm bi.

Mataio 26:42

Ke e ame he hmetu ka hic me ha, ka habe, Cica lö, a ne ca khana he ka hia but utköiö eang, iny ka ca ijem, ânyâ thö wem.

Ioane 1:29

Nyi e ame ō Iesu ame he kâu, me haingen, ka habe, Wâ bi Arenio anyin Khong at ame hijen monu anyin hmeledrany!

Ioane 1:36

ke e ame ö Iesu ame he, me haingen, ka habe, Wâ bi Arenio anyin Khong!

Ioane 18:11

Haba Iesu ame ha kö Peteru, ka habe, Inâ hmetu ju hele vat ka hnyi umen: hawa, oge me ca he ka ijem kaia a ham könya Cica?

Roma 8:15

Anyin a öbun e ca kap hanon hwenbâ mʼ öbun e he ka ot; ke so bi öbun e kap hanon hna wia me me lakon, wale mʼ ate me ha, ka habe, Aba, Cica.

Hna Omanenâ 13:8

Ke ame he ka khudrung ju kâu ödra hia adre me laba eang hmeledrany, waleji tavat adre ca set je iödra hnyi tusiny möt anyin Arenio waleji adre hlingâ hwân hnyi hna bi taben hmeledrany.