Genese 22:17 - Iaai Bible 1901 (New Caledonia)

¹⁷ anyin a wale oge me he ka ti ohnahici u, me ti osiâ je mâtrânâm, me me helâ me ta je okhûiny drany, me helâ me öny hnyi haten köiö; kʼ ame he mâtrânâm ha hu homagöuleiny ta je iwa-hnaimiöny më;

Genese 22:17 ပူးပေါင်းရင်းမြစ်များ

Genese 12:2

ke oge me he ka wiö u me me dökhu ae gan, ke oge me he ka ohnahici u, me ogânâ iâm; ke u ma he ka hnahic:

Genese 13:16

Ke oge me he ka wia ta je mâtrânâm, me me helâ me sesâiny kânâ: waleling me a ne khana ke at he ka aû sesâing kânâ, me adre me he minya ka aû ta je mâtrânâm.

Genese 15:5

Me e ame su e kâ û, me ha, ka habe, Bwele thö hnyidranyai, me aû thö ta je ohkû, ame ne khanö u he ka aû e: me e ame ha kâu, ka habe, ame he ka helâe ta je mâtrânâm.

Genese 17:6

Ke oge me he ka ti öei u, ke oge me he ka oâ ta je hnyei ûnyi gam, kʼ ame he ka o ûnyi gam ta je than.

Genese 24:60

Me ödrin e ha hnahici Rebeka, me ha kâu, ka habe, Hanihmun lö, e so u ma he ka hinyen ta je thauzan me je libenyita ta je thauzan, ke so ame he je mâtrânâm ka laba hnyi ta je homagöuleny tavat adre me hûköti ödra.

Genese 25:11

Ke hwaban dö mok a Aberahama Khong ame ohnahici Isaaka a nokon; ke Isaaka ame laba e Bere-lahai-roi.

Genese 26:24

Ke Iehova ame manen dut kâu hnyi hnyinghet eling, me ha, ka habe, Inya Khongu Aberahama a kâmâm: ca ot, anyin a tha inya möu, ke oge me he ka ohnahici u, me osehia ta je mâtrânâm can athnyabaik a Aberahama.

Genese 26:4

ke oge me he ka osiâ ta je mâtrânâm helâ me ta je okhûiny drany, me ham ta je hnyei hia thithö ang ka ta je mâtrânâm; ke adre me he ka ohnahicâ ta je hnyei hia eang hmelen ûnyi ge ta je mâtrânâm;

Genese 28:3

Ke e so ame he Khong Ataekhanahia he ka ohnahici u, me odedu u, me osi u, me me se hia em je hnyei;

Genese 28:4

me ham köu hna hahnahici Aberahama, köu, me ka ta je mâtrânâm; mʼ u ma he ka hu bi hnyei u me laba kanyua hnyin, waleji hnen Khong hna ham kö Aberahama.

Genese 32:12

Ke u je hia but ha könya, ka habe, E hnathu oge me he ka ânyâ so köu, ke oge me he ka osehia je mâtrânâm me me helâ me Önyin köiö, wale me me ca hnân aû anyin ae se hia.

Genese 32:13

Ke e ame mokut eling hnyi hnyinghet; me e ame hom ûnyi hnyi anyin ta je ûnyi hnân bwihlany hobi kö Esau a tuhan:

II. Samuela 17:11

Anyin a wale inya oge me ûnö he ka ûkhacaköuâ Isaraela hia unyâm, hwân Dana ke ne o but Bere-seba, helâ me je ûnyin köiö ûseiny; me u me he ka hnyi vat.

I. Je Than 4:20

Ke e se hia at Juda me Isaraela, helâ me önyin köiö ûseiny, adre me han me ic me senyin.

I. Je Than 9:26

Ke habâ Solomona than ame tibet je hu hnyi Eziona-gebera, ae hakekenyâ Elath, hnyi hobatköiöiny Köiö ae Dra hnyi hnyei Edoma.

I. Man Ûlabainy Je Than. 27:23

Ke a ca öû ödrin Davita tavat a twente huna me ûhnyûkong hon e: anyin a ga ha Iehova a e ame he ka osehia at Isaraela me me he ka helâ me je okhûiny drany.

II. Man Ûlabainy Je Than. 1:9

Ke walang, Iehova Khong lö, ö u ohmâ ju hwâm hofuc kö cica Davita: anyin a u je otilö nya he ka than hon tavat ae se helâ me sesâiny hmeledrany ûseidrin.

Nehemia 9:23

Ke u je osehia je lakudrin helâ me je okhûiny drany, me hum ödrin ka hnyi hnyei, waleji u je ha ka lakamödrin, mʼ ödrin e he ka he ka hnyin he ka hu.

Esodo 32:13

Ûnykûme ju kö Aberahama, me Isaaka, me Isaraela, a lathnyabaem, waleji hnyat u je khemanyin gam bi ködrin, me ha, ka habe, Oge me he ka osehia je mâtrânibun helâ me je okhûiny drany, ke haba hnyei hia eang waleji oge ha köbun, oge me he ka ham ka je mâtrânibun hnân idrin nyiele balua.

Isaia 48:19

ke helâ me öny ta je mâtrânâm, ke haba wan hnyekom me helâ me ûseiny je waöny: adre me ca he ka subâ degecâ me ohia ien hnyi hnyimakök.

Jeremia 32:22

ke u je ham kodra hnyei ang, waleji u je khemanyinâ ka lakamödra he ka ham kodra, hnyei ame di hnyin debai me hani;

Jeremia 33:22

E ca khanʼ ödra he ka aû ta je ûnyi ethö hnyi drany, me tuluto je önyin köiö; ke helâe oge me he ka osehia je mâtrâni Davita athnyabaik, me at Levi a anyik tavat huliwa.

Hosea 1:10

Ke so bi haba numerainy lakon Isaraela, me ame he ka ûcû me ûnyin köiö, wale ae ca khana bi ke at he ka tuluto me aû numerainy; ke haba hnyi dok wale adre me ha kodra, ka habe, Ca lakeik ut öbun, me adre me he bi ka ha kodra, ka habe, Öbun lakon Khong ae mot.

Hosea 2:1

HA thö ka je liamekeiny möbun, ka habe, Ami; me ka je lahanibun, ka habe, Ruama.

Mika 1:9

Anyin a ca hnân eny ta je aat gan: anyin a o but ke ne o but hnyi Juda; kʼ ame o ke ne o but ka hnyi homagouleny ik hnyei a Jerusalema.

Roma 4:13

Anyin adre ca habânâ bi kö Aberahama me je mâtrâniny a gʼ ame he ka hu hmeledrany me hwajekhon, ûnyi ge hnanyibu, ke so bi ûnyi ge hwakecin ae wisa hnyi labageju.

Roma 9:27

Ke haba Isaia ame hâiâ at Isaraela, ka habe, A ne helâ me önyin köiö ûseiny at Isaraela, me adre me he ka omelö kolon:

I. Korinito 15:57

Ke oleâ ka Khong at ame ham köta dokhu ûnyi ge Tuhöta Iesu Keriso.

Efeso 1:3

Haisoâ Khong me Kamen Tuhöta Iesu Keriso, at ame hia but ohnahici öta ge ta je hnahicin hanu hia hnyi ta je dok hnyi drany ûnyi ge Keriso:

Deuteronomi 1:10

hnö Iehova Khongubun hna osehiʼ öbun, ke wâ bi, helâ me je okhûiny drany ûsehiaibun hnyi bong ang.

Deuteronomi 1:11

E na he ju Iehova Khongon lakamöbun ka osehi ʼöbun a je thauzaniny, me ohnahici öbun hoton hnen hna ha köbun!

Deuteronomi 10:22

Ame he lakâmâm Aigupito ai ehac a ödrin sevente tavat ke walang ang Iehova Khongom ame wiö u mʼ u me helâ me je okhûiny drany ae se hia.

Deuteronomi 13:17

Ke e so ame ca he ka kece ka hnyi hnyamâm ûnyi adre ohnauhangoâ: me me he Iehova ka degec ûbâhlâiny hmönyin, kʼ ame he ka betenge gam, me hnyok köu, me osehiö u, helâ me hnen hna khemanyin ka lakâmâm;

Deuteronomi 13:18

u ka he ka löng hoton hofuc ho Iehova Khongom, he ka tuö anyin je hnanyibu, wale oge me hûna köu hnyi bong ang, he ka ânyâ ûnyi ae wisa hnyi hnyimakö Iehova Khongom.

Deuteronomi 21:19

me ame he ka kât e ge kamen me hinyen me hom e ka wahingatiny anyin taun, hnyi homagouleny dok e ame labā;

Heberu 11:12

anyin a wale ame o but ûnyi ge at a khaca, ke helâke me e at ae mok, ödra se hia helâ me ta je okhûiny drany, ke helâ me önyin köiö, a ca hnân aû.

Heberu 6:14

haingen, ka habe, E hnathu oge me he ka ti ohnahici u, me ti osehia je mâtrânâm.

Hna Omanenâ 11:15

Ke adre tûâ trutru anyin angela a seveniny; me ame o je hwan hofuc ae gan hnyi drany, ame ha, ka habe, Haba dokhu dokhon hmeledrany, me adre hia but wia hnân hobi kâu Tuhöta me Keriso a anyin: me e ame he bi ka musi nyiele nyiele balua.