Genese 22:12 - Iaai Bible 1901 (New Caledonia)

¹² Me e ame ha, ka habe, Ca ip hnyamâm hon da, ke ca ânyâ ke ûnyi kâu: anyin a oge wâ but walang ang a u me outen Khong, anyin a u je ca behânâ gak nokom, wale nokom a khaca.

Genese 22:12 ပူးပေါင်းရင်းမြစ်များ

Genese 20:11

Ke Aberahama ame ha, ka habe, Oge me ûnykûme bi nya, ka habe, e ba ot ka Khong hnyi dok ang; me ödrin e he ka hlingö nya can öiök.

Genese 22:13

Me Aberahama ame bwele me wâ, ke wâ bi, e hnyi hoton ke mamoe baga, ame vhet li faoiny hnyi hnyot: ke Aberahama ame he me hom mamoe baga, me hudo biju hnân hut adre le, me hwaban nokon.

Genese 22:16

me ha, ka habe, Haingö Iehova, ka habe, Oge hia but khemanyin gak bi, anyin a u je hia but ânyâ ûnyi e, kʼ u je ca behânâ nokom, wale nokom a khaca:

Genese 22:2

Ke e ame ha, ka habe, Hom dö nokom, a nokom a khaca, at u me betenge gan, jia Isaaka, me he thö ka hnyi hnyei Moria; me hudo thö e me hnân hut adre le, hon ke bucen oge me he ka ha köu.

Genese 26:5

anyin a löng hoton hok hofuc Aberahama, me tuö hnök hna otilâ, me hna hûna, me hna owisa, me anyik ta je hnanyibu.

Genese 42:18

Ke haba hnyi bong a kuniny Josefa ame ha ködrin, ka habe, Ânyâ thʼ öbun ûnyi ang mʼ öbun e möt; anyin a iny outen Khong:

Nehemia 5:15

Ke haba je gavena ehac, ödrin e ohmakâ tavat, kʼ ödrin e hom ûnyi gadrin jeû me waina, me fâte je sekel sileva; eke, ke lathnyabaidrin minya ödrin e muso tavat: ke oge me ca ânyâ helâe, anyin a iny outen Khong;

Jobu 1:1

E HU ke at hnyi hnyei Uza, Jobu ien; ke bekhot me wisa hwakecin, e at ame outen Khong me ûsâkâûö me hulo.

Jobu 28:28

Ke e ame ha ka at, ka habe, Wâ bi, haba hna outen Than, me wale metâ; Ke adre me ne degec hulo, me wale wâ ûnykûme.

Jobu 5:19

E ame he ka omeli u hnyi je vec a siks; Eke, ame ca he ka kalö u hnen hulo hnyi seveniny.

Salamo 1:6

Anyin a haba Iehova ame wâ gethen deny tavat ae wisa: Ke haba gethen deny tavat ae monu, me ame he ka ba but.

Salamo 111:10

Haba hwân metâ wale he ka ot kö Iehova; Ke adre me wâhmakhmeto wia hnen tavat hia adre me ânyâ hoton e: Ame tethmâ hna ogânâ e nyiele balua.

Salamo 147:11

Iehova ame senyin ka tavat adre me outen e, Tavat adre me gejon anyin ibetengiö.

Salamo 2:11

Bi athnyaba ju kö Iehova me ot, Ke senyin dö me öbubuny.

Salamo 25:12

Ie at ame outö Iehova? Me e ame he ka nâ e ge gethen e ame he ka ûca.

Salamo 25:14

Haba ûbnenamö duöng ûnyi ga Iehova me wale unyin tavat adre me outen e; Ke e ame he ka omanenâ kodra anyin ûhihinyköu.

Esodo 20:20

Ke haba Mose ame ha ka tavat, ka habe, Ca ot bi: anyin a o but Khong me me cubic öbun, mʼ öbun e he ka outen e, mʼ öbun e ca he ka monu.

Ta je Vejec 1:7

Haba hwakecin he ka ot kö Iehova, me wale hwân he ka wâhmakhmeto; Haba tavat ae monu me adre me hmiôdra meta me hna ûne.

At Khet 12:13

Walang obiny ûnyi e; adre hia but long hia: outen ju Khong ke vheno anyin ta je hnanyibu; anyin a wale hanymen ae bekhot ge tavat hia.

Jeremia 19:5

me op je dok ae gorany anyi Baala, he ka thong je lakudra ge meic hnân hudiny leû kö Baala; waleji oge ca hûna, ke oge ca ha, ke oge ca ûnykûme;

Jeremia 32:40

ke oge me he ka ânyâ mödra ûhihinyköu a nyiele balua, a oge me ca he ka hwiö gadra, wale he ka ânyâ kodra so; ke oge me he ka ip eû hnyi hnyekudra he ka ot könya, mʼ adre me ca he ka digic nya.

Malaki 4:2

Ke haba öbun tavat öbun e outen iök, me ame he ka o köbun seûnöiny hwakecin ae wisa, me ûnyi hnân ometo hnyi li labenyin; ke öbun e he ka he but me ututut helâ me nokon kau ûheny hnyi haginy.

Mataio 16:24

Me Iesu ame ha ka laten, ka habe, A ne ke at ame weny he ka he hotuk, e so e ame hokhnyok, me hom anyin satauro me he hotuk.

Mataio 19:29

Ke haba at ame he ka hna but uma, ke liamekeiny, ke haniny, ke kamen, ke hinyen, ke lakon, ke hnyei, can iök, me e ame kap wan haded ûsehiainy, me ame he ka hu minya möt ae ca ba balua.

Mataio 5:16

Helâ ju e öbun, omelamâ thö melamibun hnyi hnyimakan tavat, mʼ adre me wâ anyibun ta je huliwa ae so, mʼ adre me he ka ogânâ Kamöbun ethö hnyi drany.

Ioane 3:16

Anyin a Khong ame betenge ge hmeledrany, me e ame ham but Nokon a khaca thibi, me me ca he ka mok ke at ge tavat adre me labageju kâu, ke ame he bi ka hu möt ame ca ba balua.

Ta je huliwa 9:31

Ke hnahic ut ekalesia hnyi je ke keihen Juda hia, me Galilaia, me Samaria, kʼ ame khulelau bi; ke adre me labö he me ot ka Than, kʼ ame kahwa je hnyekudra ûnyi ge Hanu Kap, kʼ adre me osehia but.

Roma 5:8

Ke Khong ame omanenâ kötâ anyin ibetengiö, anyin ame mok Keriso me hnân hwabʼ öta ke öta tiga monu.

Roma 8:32

Hawa, ame ca he ka ham bâûâ köta ta je unyi hia, hnen at ame ca behânâ Nokon, kʼ ame hna but e hobi köta hia?

I. Korinito 10:13

Ame ca o bi köbun ke ûcûbic, waleji ae ca ûcû ka at: ke e hnathu Khong, at ame ca he ka hnʼ öbun ka hnyi ûcûbic hon hnobun hna khana; ke so bi e ame he ka bi deny kec ûheny hnyi ûcûbic, me me khanʼ öbun he ka hokhnyokâ.

II. Korinito 8:12

Anyin a ne hu hnyok ae weny, adre me he ka kap e hoton hna hu hnen at, ke ca hoton bi hna ca hu gan bi.

Heberu 11:19

ke e ame ûnykûme, ka habe, e khana Khong he ka omelö hmetu, ame ne mok ut at; ke e ame kap hmetu e ûheny e hnyi ûhoûcû.

Heberu 12:28

Anyin a wale, ate me kap dokhu ae ca khanʼ ödra he ka obwebwelâ, me so ate me he ka hu ibe-tengiö baû, mʼ ate me he ka ânyâ huliwa ame he Khong ka senyinâ, me ogânâ e me ot:

Iakobo 2:18

Eke, ame he ke at ka ha, ka habe, E hu but gam labageju, ke hu but inya gak ta je huliwa: omanenâ thö könya ânyâm labageju ae ba huliwa hnyin, ke oge me he inya ka omanenâ hnen anyik je huliwa.

Hna Omanenâ 19:5

Me ame o but hofuc ûnyi hnyi theron, ka habe, Ogânâ thö Khonguta öbun je lathnyabainy, me tavat adre me outen e, tavat ae ûhnyûkong, me tavat ae gan.

I. Samuela 15:22

Haba Samuela ame ha, ka habe, Hawa, e hu senyin kö Iehova ge je hudiny leû me je hut, helâ me hna löng hoton hofuc ho Iehova? Wâ bi, e beönua hna löng hon hut, me beönua, hna hnu hoton, hon pipikhenyainy je mamoe baga.