Genese 22:11 - Iaai Bible 1901 (New Caledonia)

¹¹ Ke haba angela anyi Iehova ame hawâ e ûnyi hnyi drany me ha, ka habe, Aberahama, Aberahama lö: me haingen, ka habe, Inya ang.

Genese 22:11 ပူးပေါင်းရင်းမြစ်များ

Genese 16:7

Ke ame ö e hnen angela anyi Iehova hnyi an ame pupua hnyi hnyebuba, wale ame pupua hnyi gethen ka he Sura ai.

Genese 21:17

Ke haba Khong ame löng hwan da; me angela anyin Khong ame hongot hnyi drany kö Hagara, ka habe, Hagara lö, ieû gam? ca ot bi, anyin a löng ut Khong hwan da hnyi hnen hna mokut.

Genese 21:18

Tödro, kap dö goranyai da, me kap hnen hnyamâm; anyin a oge me he ka wia e me me hnyei ae gan.

Genese 22:1

KE hwaban ta je ûnyi e, haba Khong ame cubic Aberahama, me ha kâu, ka habe, Aberahama lö; me e ame thu, ka habe, Inya ang.

Genese 22:10

Ke Aberahama ame inâ but hnyamen me hom hele he ka hlingâ nokon.

Genese 22:12

Me e ame ha, ka habe, Ca ip hnyamâm hon da, ke ca ânyâ ke ûnyi kâu: anyin a oge wâ but walang ang a u me outen Khong, anyin a u je ca behânâ gak nokom, wale nokom a khaca.

Genese 22:16

me ha, ka habe, Haingö Iehova, ka habe, Oge hia but khemanyin gak bi, anyin a u je hia but ânyâ ûnyi e, kʼ u je ca behânâ nokom, wale nokom a khaca:

Genese 24:7

Haba Iehova, Khongon drany, waleji at a hum nya ûhek hnyi hnyaba cica, me ûnyi hnyi hnyei adre hnöku nya hnyin, at ame ha könya me khemanyin könya, ka habe, Oge me he ka ham hnyei eang ka ta je mâtrânâm; haba at eling ame he ka kunâ anyin angela hnyi hnyimâkâm, ke u me he ka hok ûnyi eling âiân nökuk.

Genese 31:11

Ke haba angela anyin Khong ame ha könya hyni bwi, ka habe, Jekob lö: ke haingök, ka habe, Inya ang.

Genese 37:13

Ke haingö Isaraela kö Josefa, ka habe, Hawa ame ca han hnahat meno hnen je latuhâm, hnyi Sekema? aiö u, oge me he ka kunö u ködrin. Ke haingen kâu, ka habe, Walönya eang.

Genese 46:2

Ke Khong ame ba kö Isaraela hnyi hna omanenâ hnyi hnyinghet, ka habe, Jekob, Jekob lö. Me e ame ha, ka habe, Inya ang.

Genese 48:16

waleji angela at ame omeli nya ûnyi hnyi ta je kong hia, e so e ame ohnahica li thöth; ke so adre ip hudru iök, me ien lakamök Aberahama, me Isaaka; ke so ödru me he ka ti si eang hmelen.

Esodo 3:2

Ke ame manen kâu angela anyi Iehova hnyi bâhlân meic hnyi wanben ûö ae ûdedö: ke ame wâ, me wâ bi, ame hlâ meic hnyi ûö, kʼ ame ca aû but ûö.

Esodo 3:4

Ke a wâ but Iehova, a e ame saû ka wâ, me haba Khong ame hawâ e ûnyi hnyi ûö ae ûdedö, me ha, ka habe, Mose, Mose lö. Ke haingen, ka habe, Inya ang.

Isaia 6:8

Ke oge me long ifuci Iehova ame ha, ka habe, Oge me he ka kunö ia, ke ie at ame he ka he hobi kötin? Me oge me ha, ka habe, Inya ang; kunö nya thö.

Ta je huliwa 26:14

Ke ohmun e ta hia ju eû hnyi kânâ, me inya oge me long hofuc ame ha könya, me ha hnyi hwen Heberu, ka habe, Saulo, Saulo lö, ieû gam u me okongu nya? u me ka oveci u me hûke je homakan ö.

Ta je huliwa 9:4

me e ame ta but ka hnyi kânâ, me ame long ke hofuc ame ha kâu, ka habe, Saulo, Saulo lö, ieû gam u me okongu nya?

Owisa 2:1

KE ame o hnyi Bokim ûheny Gelegala angela anyi Iehova. Me e ame ha ka habe, Oge me kunʼ öbun ûheny Aigupito, me hum öbun ka hnyi hnyei waleji oge khemanyin ka lakamöbun; ke oge me ha, ka habe, Oge me ca he balua ka oûnyibâûâ anyik ûhihinyköu möbun:

I. Samuela 3:10

Ke ame o but Iehova, me tot, me hongot helâ me eja, ka habe, Samuela, Samuela lö. Ke haingö Samuela, ka habe, Ha thö, anyin a long ut athnyabaem.

I. Samuela 3:4

me waleling haba Iehova ame hawo Samuela: ke haingen, ka habe, Inya ang.