Genese 22:1 - Iaai Bible 1901 (New Caledonia)

¹ KE hwaban ta je ûnyi e, haba Khong ame cubic Aberahama, me ha kâu, ka habe, Aberahama lö; me e ame thu, ka habe, Inya ang.

Genese 22:1 ပူးပေါင်းရင်းမြစ်များ

Genese 15:1

HWABAN ta je ûnyi e ame o thö hofuc ho Iehova kö Aberama hnyi hna omanenâ, haingen, ka habe, Aberama lö, ca ot: inya ang becâm, me troban hobi köu ae ti gan hmâ.

Genese 21:11

Ke a vec gan hmâ Aberahama ge hofuc eling, can nokon.

Genese 22:11

Ke haba angela anyi Iehova ame hawâ e ûnyi hnyi drany me ha, ka habe, Aberahama, Aberahama lö: me haingen, ka habe, Inya ang.

Genese 22:7

Ke Isaaka ame ha kö Aberahama a kamen, ka habe, Cica lö, me haingen ka habe, Nökuk lö, inya ang. Ke haingen, ka habe, Wâ bi meic me thi ot: ke ewa nokon mamoe hnân hut adre le?

Genese 37:13

Ke haingö Isaraela kö Josefa, ka habe, Hawa ame ca han hnahat meno hnen je latuhâm, hnyi Sekema? aiö u, oge me he ka kunö u ködrin. Ke haingen kâu, ka habe, Walönya eang.

Genese 46:2

Ke Khong ame ba kö Isaraela hnyi hna omanenâ hnyi hnyinghet, ka habe, Jekob, Jekob lö. Me e ame ha, ka habe, Inya ang.

II. Samuela 24:1

KE ame ubâhlâ hmetu thö hmonyin anyi Iehova kö Isaraela, ke e ame kunö Davita ködrin he ka ha, ka habe, He thö ka aû at Isaraela me Juda.

II. Man Ûlabainy Je Than. 32:31

Ke so bi haba hnyi hwakecin ge je ûthumetu anyin je than Babulona, waleji adre me ûkhûnöng kâu he ka hnö e ge ûnyi hnân lâiâ adre ânyâ hnyi hnyei, me haba Khong ame hna e, he ka cubec e, me me wâ bongon hia hnyekon.

Salamo 11:5

Iehova ame cubec at ae wisa: Ke e ame hûkotiâ at ae kong, me at ame beûokonguny eû hnyi hnyekon.

Esodo 16:4

Ke haba Iehova ame ha kö Mose, ka habe, Wâ bi oge me he ka ota köbun jeû helâ me we ûnyi hnyi drany; kʼ ame he tavat ka thigâ e hnyi je bong ae ûcû ka hnyi bong, mʼ inye he ka cubic odra, adre me ne he ka vheno anyik hnanyibu, ame ne ba.

Esodo 3:4

Ke a wâ but Iehova, a e ame saû ka wâ, me haba Khong ame hawâ e ûnyi hnyi ûö ae ûdedö, me ha, ka habe, Mose, Mose lö. Ke haingen, ka habe, Inya ang.

Ta je Vejec 17:3

Hnân leû sileva öt, ke hnân leû gol meic: Ke Iehova bi at ame cubec ta je hnyok.

Isaia 6:8

Ke oge me long ifuci Iehova ame ha, ka habe, Oge me he ka kunö ia, ke ie at ame he ka he hobi kötin? Me oge me ha, ka habe, Inya ang; kunö nya thö.

I. Korinito 10:13

Ame ca o bi köbun ke ûcûbic, waleji ae ca ûcû ka at: ke e hnathu Khong, at ame ca he ka hnʼ öbun ka hnyi ûcûbic hon hnobun hna khana; ke so bi e ame he ka bi deny kec ûheny hnyi ûcûbic, me me khanʼ öbun he ka hokhnyokâ.

Deuteronomi 13:3

awe, u me ca he ka löng hofuc hwan at eling, ame ne perofeta, kʼ ame ne at bwi: anyin a Iehova Khongubun ame cubic öbun he ka wâ öbun e ne hnyok kö Iehova Khongubun ge hnyekubun ae bekhöt, me hanubun ae bekhöt.

Deuteronomi 8:16

at ame hâm ge mana hnyi hnyebuba ûnyi a ca wâ hnen lakâmâm; me me oûhnyûkongi u, me cubic u, he ka ohnahici u hnyi obiny:

Deuteronomi 8:2

Ke u ma he ka ûnykûme gethen hia waleji a hum u hnyin Iehova Khongom, hnyi je huna a fâte hnyi hnyebuba, me me oûhnyûkongi u, he ka cubic u, me me wâhmakhmetoâ ûnyi eû hnyi hnyekom, hawa, u me ne he ka tuö hnen je hna hûna, kʼ u je ne höcö bi.

Heberu 11:17

Hnen labageju Aberahama ame hudi Isaaka, hnyi hna cubec e: eke, waleji at ame hia but kap senyinâ ta je hna ha bânâ, e ame hudo nokon a khaca;

Iakobo 2:21

Hawa, adre ca haiwisai Aberahama a kamöta ge ta je huliwa, hnyi hnen hna hudi Isaaka a nokon hnyi hon tap?

I. Peteru 1:7

mʼ adre me he ka wâ hna ohnathoâ anyibun labageju ae ûnyi hnathu hon gol, ke so bi adre cubec e ge meic, mʼ adre me he ka haisoâ me ogânâ me olungâ e ka manen dut Iesu Keriso:

Owisa 2:22

mʼ oge me he ka cubec at Isaraela ûnyi gadrin, hawa, adre me he ka tuö gethen de Iehova he ka vheno e, helâji me lakamödra ame ânyâ, ame ne ba.

I. Samuela 3:4

me waleling haba Iehova ame hawo Samuela: ke haingen, ka habe, Inya ang.