Genese 21:9 - Iaai Bible 1901 (New Caledonia)

⁹ Ke Sara ame wâ nöku Hagara, momo Aigupito, waleji nöku Aberahama, kʼ ame hiâ.

Genese 21:9 ပူးပေါင်းရင်းမြစ်များ

Genese 16:1

HABA Sarai öiö Aberama ame ca hnoköa, ke e unyin ke athnyabainy a at Aigupito, Hagara ien.

Genese 16:15

Ke Hagara ame hnokoâ da nöku Aberama: ke Aberama ame hwenyi ien nokon, a hnokoâ Hagara, me Isamaela.

Genese 17:20

Ke so bi oge hia but ling u ga Isamaela: wâ bi, oge hia but hahnahicâ, me oge me he ka ohâtâ e, me ösiâ gânâ but e; e ame he ka hnokoâ ta jo taben a twelv, me oge me he ka wia e me me kamen ta je hnyei ae se hia.

Genese 21:8

Ke ame hûhûö thö wanakat, kʼ adre bnebaiö but: ke Aberahama ame ânyâ bijeû ae gan hnyi bong adre hnebaiö Isaaka hnyin.

II. Man Ûlabainy Je Than. 30:10

Ke haba je hnyat hom tusi, me ödrin e ve he ka hnyi ke taun me ke taun hnyi hnyei Eferaima me Manase ke ne o but hnyi Zebulona: me ödrin e hlumʼ ödrin me hiʼ ödrin.

II. Man Ûlabainy Je Than. 36:16

Ke so bi ödrin e hluma je uthumetu anyin Khong, me hûkotiâ hwan hofuc, me hiâ anyin je perofeta, ke ne o but ame okûâ hmonyin anyi Iehova ka lakeiny, ke ne o but ae ba ûnyi hnân omelö.

Jobu 30:1

KE walang ang ame hlumö nya dö a biliny, Hnyat oge me höcö ip lakamödrin unyin je kuli a hanen halek je hnahat mamoe.

Salamo 22:6

Iny biget thibi, ke ea at bi; Wale hna haikongoâ hnen tavat, ke hna hmiân hnen tavat.

Salamo 42:10

Je iwahnaihmiony mönya adre me hiö nya, helâke e hu hele vat eû hnyi je jeieök; Me labö ha könya hnyi je bong, ka habe, Ewa Khongom?

Ta je Vejec 20:11

E manen wanakat bi ge hnen hna ânyâ, Ame ne so, ame ne wisa anyin huliwa.

Ta je Vejec 22:10

Obâ but at ûhiö, me ame he ka hia minya û; Eke, ame he ka ba ivino me hmehma.

Je tenge anyi Jeremi 1:7

Hnyi bonginy vec me hmak, Jerusalema ame ûnykûme Ta je ûnyi gan ae kese hwân hnyi je bong kâû ehac: Hnyi ûen ame ta anyin tavat ka hnyi hnyamen iwahnaihmiöny, ke ba at ame hadruâ e, Ame wâ e hnen je iwahnaihmiöny, adre me hlumâ ta je hna okongoâ e.

Galatia 4:22

Anyin adre sihnalimen, ka habe, lo li laku Aberahama, haba khaca me nokon momo adre ûco, ke nokon momo ame he baû khaca.

Galatia 4:29

Ke haba ehac me ame okongoâ at adre me hnokoâ ûnyi hnyi Hanu hnen at adre me hnokoâ ûnyi hnyi unyin, ke helâe minya walang ang.

Heberu 11:36

kʼ adre me cubec keihen ge ûhiö me ûkûc, eke, adre me cö ʼdra me ip ödra hnyi uma ceat: