Genese 21:23 - Iaai Bible 1901 (New Caledonia)

²³ anyin a wale e so u ma khemanyinâ ien Khong könya eang, a u me ca he ka iyawö könya, me nokuk, me nokon nökuk: me u me he ka ânyâ könya, me ka hnyei u me laba kanyua hnyin, helâ me hnök hna betenge köu.

Genese 21:23 ပူးပေါင်းရင်းမြစ်များ

Genese 20:14

Ke Abimeleke ame hom ta je mamoe me kâu, me athnyaba baga me momo, me ham kö Aberahama, me hnö Sara âiân hmetu kâu.

Genese 21:24

Me haingö Aberahama, ka habe, Oge me he ka khemanyin.

Genese 24:3

me oge me he ka ha köu he ka khemanyin könya hnyi hnyimakö Iehova, Khongon drany, me Khongon hmeledrany, a u me ca he ka hok âiân nökuk unyin je hlu lakon at Kanana, wale oge me laba unyidra:

Genese 26:28

Ke haingödrin, ka habe, Öhmun e wâ wia thö a tha Iehova möu; me haingöhmun, ka habe, ötin e he ka ve khemanyin, a öhmun möu, ke öhmun e he ka ûhihinyköu möu;

Genese 31:44

Aiö u walang ang mʼ ötu me ûhihinyköu; ke wale hnân ohnatho kötu.

Genese 31:53

E so e he Khongu Aberahama me Khongu Nahora minya, a Khongon kamödru ka owisa kötu. Ke Jekob ame khemanyin me ha Hna outen hnö Isaaka a kamen.

Genese 39:3

Ke a wâ but tuhan a tha Iehova mē, ke levoha ame ohnahicâ hia ta je ûnyi e ame ânyâ.

Genese 47:31

Me haingen, ka habe, Khemanyin dö könya: me e ame khemanyin kâu. Ke Isaraela ame nom dut hon hageny; hna mokut.

Jeremia 4:2

ke u me he ka khemanyin hnyi hnathu, me owisa, me wisa hnyok, ka habe, Kia inya Iehova; ke ame he je hnyei ka ha hnahici ödra gan, me ohobeluâ gan.

II. Korinito 1:23

Ke inya oge me hawâ Khong he ka ohnathoâ hon hanuk, a habaji kʼ iny tiga ca mwi bi Korinito, me, inya oge me betenge gabun.

Deuteronomi 6:13

U me he ka outö Iehova Khongom; me bi athnyabainy, me khemanyin hnyi ien.

Heberu 6:16

Anyin a hwakecin tavat he ka khemanyin ge at ae gan: ke haba ûhihi-nyköu me wale obiny hnân ohnatho hnyi anyidra ta je iwatretra hia thithö.

Josua 2:12

Ke walang ang ö öbu khemanyin könya hnyi iö Iehova, a öbu me be ka betenge ge lap anyi cica helâ me oge me betenge gabu, ke ham könya haten ae hnathu:

I. Samuela 20:13

Ke so Iehova ame ânyâ helâe kö Jonathana, me bi hanen minya, ame ne so kö cica he ka okongu u, me oge ne ca omanenâ köu, me kunö u, me u me he ka he hnyi hnahic: ö e tha Iehova mou helâ me hnen hna tha e me cica e hac.

I. Samuela 20:17

Ke Jonathana ame kunö Davita hmetu he ka khemanyin, can anyin ibetengiö gan: anyin a e ame betenge gan helâ me hing hanon bi.

I. Samuela 20:42

Ke Jonathana ame ha kö Davita, ka habe, He thö me hnahic, anyin öte hia but khemanyin hnyi iö Iehova, ka habe, Ame he ka e wanbötu Iehova, me mâtrânitu nyiele balua. Me e ame tot me he: ke Jonathana ame hmetu ka hnyi taun.

I. Samuela 30:15

Ke Davita ame ha kâu, ka habe, Hawa, u me he ka su nya ka hnyi deö vat eling? Me haingen, ka habe, Khemanyin dö könya unyin Khong a u me ca he ka hlingö nya, me hnö nya hmetu ka tuhok, me oge me he ka hum u kâe ka hnyi deö vat.