Genese 21:2 - Iaai Bible 1901 (New Caledonia)

² Ke ame erkin dut Sara, me ame hnokoâ nöku Aberahama baga ka hingat ut, hnyi hing ûen Khong ame hia but ha kâu.

Genese 21:2 ပူးပေါင်းရင်းမြစ်များ

Genese 17:19

Me Khong ame ha, ka habe, Ca me ha, ke ame he Sara âiâm ka hnokoâ nokom a baga; ke u me he ka hwenyi ien Isaaka: ke oge me he ka ohmâ anyik ûhihinyköu më, me ta je mâtrâniny hwaban hnân ûhihinyköu nyiele balua.

Genese 17:21

Ke haba anyik ûhihinyköu me, oge me he ka ohmâ e me Isaaka, at ame he Sara ka hnokoâ ûnyi gam hnyi ûen eang hnyi huna ame he ka o.

Genese 18:10

Ke e ame ha kâu, ka habe, Oge me he ka o hmetu köu e ka o but ûen; ke, wâ bi, ame he Sara âiâm ka hnokoâ da. Kʼ a löng ut Sara hnyi hwanumen uma mano hnyi hoton.

Genese 18:14

Ewa ke ûnyi ae hmak kö Iehova? Haba hnyi bong adre thu oge me he ka hmetu köu, e ka o but ûen, kʼ ame he Sara ka hnokoâ nokon da.

Luka 1:36

Ke wâ bi, haba liamekeiny möu a Elisabeth e erkin dut, ka someca but: ke siksiny ju ang je tehiny, waleji adre me ha me toûnyi.

Ta je huliwa 7:8

Ke e ame ham kâu ûhihinyköu, wale peretom: me e ame hnöku Isaaka me peritomonâ e hnyi bong a eitiny; ke haba Isaaka ame hnöku Jekob; ke Jekob ame hnokoâ je pateriaka a twelv.

Roma 9:9

Anyin a walang hofuc adre ha bânâ, ka habe, Hnyi ûen ang bi, oge me he ka o, ke ame he ka hu da nöku Sara.

Galatia 4:22

Anyin adre sihnalimen, ka habe, lo li laku Aberahama, haba khaca me nokon momo adre ûco, ke nokon momo ame he baû khaca.

Heberu 11:11

Hnen labageju adre ham man kö Sara he ka erkin me ame hnokoâ wanakat ka someca but, anyin a e ame ûnykûme ae hnathu e at a ha bânâ:

Josua 24:3

Ke oge me hom kamöbun Aberahama ûnyi hnyi ke keihen Wagewe, me lelö e he ka vheno hnyei Kanana hia thithö, me osehia je mâtrâniny, me ham kâu Isaaka.