Genese 21:16 - Iaai Bible 1901 (New Caledonia)

¹⁶ Kʼ ame he momo me laba sâkâûâ cicö e, helâke hna fana ka hnyin: anyin a haingen, ka habe, Iny na ca wâ imekiny wanakat. Ke momo ame laba cicö me tenge hwege goranyai.

Genese 21:16 ပူးပေါင်းရင်းမြစ်များ

Genese 21:15

Ke a hme thö kaia, me momo ame ip ju wanakat eû hmelen ûö ae okhulit.

Genese 27:38

Ke haingö Esau ka kamen, ka habe, Cica lö, hawa khaca thibi hnahic unyâm? Hahnahici nya minya thö, walö nya ang. Ke Esau ame tenge hwege göranyai.

Genese 29:11

Ke Jekob ame ûcimhnyimak me Rakela, me tenge hwege göranyai.

Genese 44:34

Anyin oge ma kâmâu ka he kö cica ke hia biju unyik da? wâ inye wâ thö kong ame he ka o kö cica.

I. Je Than 17:12

Me ame thu momo, ka habe, Kia inya Iehova Khongom, ae ba ong arete unyik, ke khaca thibi hna auk falawa hnyi taben, me ong wakaco hnyi kaia: ke wâ bi, oge me thigâ li ong utö, me inye he ka didro me le hobi könya me nokuk, mʼohmu me an dö kʼ ohmu mokcu.

I. Je Than 3:26

Haba momo hinyen wanakat ae möt ame ha ka than, anyin a e ame hnyok ka nokon, ka habe, Than lö, ham kâu wanakat ae möt, ke ca he bi ka hlingâ. Ka ame ha bi ke at, ka habe, Awe me me ca nökuk bi me ca nokom, kave luâ but.

Esetera 8:6

anyin oge me he ka kâmâu ka wâ hna okongoâ ame o ka hnyi hon ik hnyei? ke oge me he ka kâmâu ka wâ hnödra hna he ka ohia lahanök?

Isaia 49:15

Hawa, ame he mono ka hnying nokon ame asen, me me ca he ka betenge ge onyen hnyekon? eke, e khanʼ ödra he ka hnying, ke so bi oge me ca he ka hnying u.

Jeremia 6:26

Nokon ik hnyei a hlu lö, oweikö u ju ge mano ae gan nân, seset ju hnyi hnabadröu: tenge thungaû thö helâ me at ame tenge ge nokon a khaca, ame tenge thungaû hwege; anyin ame he ka ie o köta at sei.

Amosa 8:10

Ke oge me he ka wia anyibun je bijeû ka hnyi tenge, me anyibun je khumöng hia ka hnyi, tenge thungaû; ke oge me he ka oâ ka hnyi ta je hnyin hia mano ae gan nân, me ohadreûâ ta je ban hia; ke oge me he ka wia e helâ me hwatenge can nokon a khaca, me obiny e helâ me bong vec.

Zakaria 12:10

Ke oge me he ka hingâlâ hon lap anyi Davita me aten Jerusalema, hanuiny ibetengiö baû me hanuiny khöû; ke adre me he ka ō nya waleji adre dâ: ke adre me he ka tenge gan, helâ me at ame tenge ge nokon a khaca, ke adre me he ka vec gan, helâ me at ame vec ge nokon a bân.

Luka 15:20

Me e ame tot, me he ka kamen. Ke kamen ame wâ, ke tiga sâkâû, me e ame betenge gan, me wadring, me ta ju hon nyin, me ûcimhnyimak mē.

Owisa 2:4

Ke angela anyi Iehova ame ha ta je hofuc eling, me haba tavat adre me tenge gan hmâ.

Rutha 1:9

E so ame he Iehova he ka omenʼ öbu hnyi hnyaban laöiöbu. Me e ame ûcimhnyimak mödru, me tenge gan hmâ.

I. Samuela 24:16

Ke a hia but Davita ha ta je hofuc eling kö Saulo, me haba Saulo ame ha, ka habe, Hawa ifucâm e Davita, nokuk? Me Saulo ame tenge goranyai.

I. Samuela 30:4

Haba Davita me tavat unyin ödrin e tenge tot goranyai ke ca khanʼ ödrin hmetu he ka tenge.