Genese 21:14 - Iaai Bible 1901 (New Caledonia)

¹⁴ Me Aberahama ame vesâkong, me hok areto me kaia ae lup, me ham kö Hagara, me ip hon bajebenyin, me wanakat minya, me kunâ but momo: kʼ ame he but me he monu hnyi hnyebuba Bere-seba.

Genese 21:14 ပူးပေါင်းရင်းမြစ်များ

Genese 16:7

Ke ame ö e hnen angela anyi Iehova hnyi an ame pupua hnyi hnyebuba, wale ame pupua hnyi gethen ka he Sura ai.

Genese 19:27

Ke Aberahama ame vesâkong me he ka hnyi dok e ame labö tot hnyin hnyi hnyimakö Iehova:

Genese 21:13

Ke oge me he bi nya ka wia nokon momo adre ûco me hnân hnyei, anyin a e mâtrânâm.

Genese 21:15

Ke a hme thö kaia, me momo ame ip ju wanakat eû hmelen ûö ae okhulit.

Genese 21:31

Anyin a wale e ame hwenyi ien dok e Bere-seba, anyin a ödre ûkhemanyin eling.

Genese 21:33

Ke Aherahama ame ta ke ûö tarfa e Bere-seba, me hâwâ iö Iehova eling, Khong a Nyiele balua.

Genese 22:19

Ke Aberahama ame he hmetu ka li hidröu a anyin, me ödrin e tot, me tha he Bere-seba ai; ke Aberahama ame labâ Bere-seba.

Genese 22:3

Me Aberahama ame vesâkong, me ip tap hon haleny asina, me hom ke li at ûnyi hnyi je hidröu unyin, me Isaaka a nokon; ke e ame khe utö hnân le hut, me todrö me he ka hnyi dok Khong ame hia but ha kâu.

Genese 24:54

Me ödrin e han me ic, e me tavat unyin, me mokut eling; ke ödrin e hmak dö hnyi hnyomakatu, me e ame ha, ka habe, Hnö nya but ka tuhök.

Genese 25:6

Ke Aberahama ame ham ta je bwihlany ka lakon li momo anyi Aberahama; me kunʼ ödrin ka hnyi hnyei e deiö, me me ûsâkâûö me Isaaka a nokon, ke e tiga möt.

Genese 26:31

Ke ödrin e vesâkong me ûkhemanyidrinköu: ke Isaaka ame kunʼ ödrin, me ödrin e he but ûhedrin unyin hnyi ûsoköu.

Genese 26:33

Me e ame hwenyi ien e Seba: waleling me me ien taun eling Bere-seba ke ne o but hnyi bong ang.

Genese 28:18

Ke Jekob ame vesâkong me hom veto e ame hunâ, me otilâ e hnân haten, me hû hon ge wakaco.

Genese 37:15

Ke a wâ but e hnen ke at, ke wâ bi e ame he baû hnyi hnyei: ke ame hnö e hnen at, ka habe, Ieû u me elâm?

Genese 46:1

KE Isaraela ame he me anyin lap hia, me o hnyi Bere-seba, me hudo eling je hut ka Khongu Isaaka a kamen.

I. Je Than 19:3

Ke e ame long e, me todrö, me ie kec anyin ae be möt bi, me e ame o hnyi Bere-seba hnyi hnyei Juda, me ip eling athnyabainy.

II. Man Ûlabainy Je Than. 29:20

Me haba Hezekia than ame vesâ hnyi hnyomakatu, me ûkhacaköuâ tavat muso taun, me he ka hnyi uma umö Iehova.

Salamo 107:4

Adre me ngenu monu hnyi hnyebuba ae ba getheniny; Adre me ca wâ taun hnân labâ.

Salamo 119:60

Oge me mweimwei me ca bec bi, He ka tuö ânyâm ta je hnanyibu.

Ta je Vejec 27:14

Haba at ame vesâ hnyi haolany me haisoâ ihuminy ge hofuc ae gan, Me adre me he ka ha hofuc e, me hnân hangâ.

Ta je Vejec 27:8

Helâ me meno ame gâ monu ûnyi hnyi hâûen, Helâe at ame he monu ûuyi hnyi hnen.

At Khet 9:10

Haba hna wâ hnen li hnyamâm he ka ânyâ, ânyâ thö hnen hwegiâm; anyin ae ba huliwa, me ûnykûme, me wâhmakhmeto, me metâ, hnyi erkemok, u me he ka hnyin.

Isaia 16:8

Anyin a ut ame kot je utkânâ iny Hesebona, me vine hnyi Sibema; je thaniny je hnyei adre me hia but thu je ûöiny ae so; adre me o ke ne o but Jazera, adre me vheno hnyebuba; ke ame hlau je vheiny, me hanyâûâ köiö.

Ioane 8:35

Ke haba aten, me e ame ca laba hmâ bi hnyi hnyaba: ke so bi nokon ame laba hmâ.

Josua 3:1

KE Josua ame vesâkong, kʼ adre me he ûheny Sitima me he hnyi Joridano, a e me lakon Isaraela hia thithö; ke adre me mokut eling kʼ ödra tiga ca hanyâûâ.

I. Samuela 15:12

Ke ame vesâkong Samuela he ka ûkhanö me Saulo hnyi hnyomakatu: ke adre me thumetu Samuela, ka habe, A o thö Saulo hnyi Karemela, ke wâ bi e ame otilâ haten hobi kâu, kʼ ame hwio thö, me he but, me utut Gilegala ai.