Genese 20:5 - Iaai Bible 1901 (New Caledonia)

⁵ Hawa, a ca ha könya, ka habe, Hanik at e? ke haba momo, e ame ha minya, ka habe, Hanik at ang: me oge hia but ânyâ ûnyi ang ge hnyekuk ae hnathu, me li hnyamök ae alai.

Genese 20:5 ပူးပေါင်းရင်းမြစ်များ

Genese 12:13

Me ö u ha thö, ka habe, U hanik, mʼ inye so ûnyi gam, me me möt bi hanuk ûnyi gam.

Genese 20:13

ke haba hnyi ûen Khong ame ohei nya ûnyi hnyi hyaba cica, me oge me ha kâu, ka habe, Walang ânyâm ibetengiö u me he ka ânyâ könya, a haba hnyi ta je hnyei ötu me he ka o hnyin, u me he ka haiö nya, ka habe, Hanik ang.

Genese 20:16

Ke haingen kö Sara, ka habe, Wâ bi, oge hia but ham ka hânâm ta je ong sileva a khaca thauzan: ke wâ bi, haba ûnyi e me hnân tube hnyimâkâm, mʼ ödrin hia a tha ödrin möu; mʼ u me he ka wisa hnyi hnyimakan tavat hia.

I. Je Than 9:4

Ke haba u, u je ne he ka he hnyi hnyimakök, helâ me hnö Davita a kâmâm hna he me hnyekon ae bekhot me wisa, he ka ânyâ ta je ûnyi hia oge hûna köu, me tuö anyik je hnanyibu me hnok je hna owisa;

II. Je Than 20:3

Iehova lö, oge me khöû köu, Ö u ûnykûme ju walang ang hnok hna he hnathu hnyi hnyimâkâm, me hnyok ae wisa, me ânyâ ûnyi ae so hnyi hnyimâkâm. Ke Hezekia ame tenge hwege.

I. Man Ûlabainy Je Than. 29:17

E khanö nya, Khonguk lö, a u at ame elâm hnyok, me senyin hnyi hwakecin ae wisa. Inya oge hia but ham ta je ûnyi hia ang ge wisainy hnyekuk: ke walang ang oge me wâ lakem ang me senyin, kʼ adre me ka hamödra hna köu.

Jobu 33:9

Iny kalaöt, anyin ae ba hnok hna hanyâûâ; E ba hnyikonguk, ke ba hulö eû hnyi hnyekuk:

Salamo 24:4

At thibi ae kalaöt li hnyamen, me hnyekon ae ba hnyikongon; At ame ca ogöranyâ bi hnyekon ka hnyi ûnyi ae ûnyi baû, Me ca khemanyin thoi.

Salamo 25:21

E so he ka otilö nya hmâ hnen hwakecin ae ba hnyikongon me wisa, Anyin a inya oge me laba halubahingâm.

Salamo 26:6

Oge me he ka hinyem hnyi hwakecin ae ba hnyikongon; Ke helâe oge me he ka igigilo ânyâm taben hut, Iehova:

Salamo 7:8

Iehova ame owisa ka ta je hnyei: Iehova lö, owiso nya ju helâ me hwakecik ae wisa, me hwakecik ae ba hnyikongon,

Salamo 7:9

E na hu obiny ju monu anyin tavat ae kong, ke otethmâ ju at ae wisa: Anyin a Khong at ae wisa ame elâm ta je hnyok me ta je ûnykûme.

Salamo 73:13

E hnathu, e ûnyi baû hnok hna okhalaötâ hnyekuk, Me hinyem hnyi hwakecin ae ba hnyikongon;

Salamo 78:72

Me e ame haödra hoton wisainy hnyekon: Me su ödra hnen metâiny li hnyamen.

Ta je Vejec 11:3

Ame he hwakecidra ae ba hnyikongon ka su tavat ae wisa: Kʼ ame he hwakecin ae hwali ge tavat ae kong ka ohiʼ ödra.

Ta je Vejec 20:7

Haba at ae wisa, wale at ame he hnyi anyin wisa, Me hnahic bi lakon hwaban.

Daniela 6:22

Haba Khonguk ame kunâ anyin angela, me obuhlumo hnyimen je liona, mʼ adre me ca okongu nya: anyin adre me wâ ae ba hnyikonguk hnyi hnyimakan: ke haba khaca, than lö, e ba monu oge me ânyâ hnyi hnyimâkâm.

II. Korinito 1:12

Anyin a walang anyihmun sēnyin, a gʼ ame ohnathoâ hnen ûnykûmenöhmun ae hnyi hwakecin ae wisa me hnathu ûnyi ge Khong, ke ca ûnyi bi hnyi metâiny unyin ke ûnyi hnyi ibetengiö baû anyin Khong, öhmun e ânyâ hwakecihmun eang hmeleʼ drany, ke ti gan hmâ bi köbun.

I. Thesalonika 2:10

Öbun hnyat ohnatho, me Khong minya, a öhmun e ânyâ hwakecin ae kap, me wisa, me ba hnyikongon köbun tavat labageju:

I. Timoteo 1:13

ke haba bi ehac, me, iny at bi gan, me ûöveci, me at ame okongoâ: ke e ame betenge gak, anyin a oge me ânyâ hnyi ca khanö nya, me hnyi hnok hna ca labageju;

Josua 22:22

Haba Iehova Khongon ta je khong, Iehova Khongon ta je khong, me e at ame wâhmakhmetoâ, ke ame he at Isaraela ka wâhmakhmetoâ bi; a gʼ adre ne ânyâ ûnyi hnyi khikhin, ke ame ne ûnyi hnyi hwakecin ae kong kö Iehova, (ca he ka omeli öhmun hnyi bong ang,)