Genese 20:2 - Iaai Bible 1901 (New Caledonia)

² Ke haingö Aberahama ga Sara a âiân, ka habe, Hanik at ang: me Abimeleke thaniny Gerara ame ûkhûnöng ka hum Sara.

Genese 20:2 ပူးပေါင်းရင်းမြစ်များ

Genese 12:15

Ke a wâ but hnen je than ûnyi Farao, me ödrin e haisoâ e kö Farao: ke ödra adre me hom dö momo ka hnyi hnyaba Farao.

Genese 20:12

Ke haba khaca, e hnathu, hanik e, ke nöku cica, ke ve hinyöhmu bi; kʼ ame wia me me öiök bi:

Genese 21:22

Ke haba hnyi ûen eling Abimeleke me Fikolo tuhan anyin je deö vat, ödru me ûhnenamö me Aberahama me ha, ka habe, E unyâm Khong hnyi ta je ûnyi hia u je ânyâ:

Genese 26:1

HE hmiâ thö hnyei, ke ke hmiâ ehac hnyi bong bongu Aberahama. Ke Isaaka ame he Gerara ai kö Abimeleke thaniny at Filisiti.

Genese 26:16

Ke Abimeleke ame ha kö Isaaka, ka habe, He thö gahmun, anyin a u gan hmâ hmönyin huhmun.

Genese 26:7

ke haba aten hnyei adre me hnö e ge âiân; ke haingen, ka habe, Hanik at ang: anyin a e ot ka ha, ka habe, Öiök ang; haingen wâ e nye he aten hnyei ka hlingö nya but ca Rebeka, anyin ae so hmainy at ka wâ.

II. Man Ûlabainy Je Than. 19:2

Ke haba Jehu nöku Hanani at wâ ame he me ûkhanö më, me ha kö Jehosafata than, ka habe, Hawa, e so köu he ka hadruâ at ae kong, me betenge gadrin adre me hûkötiö Iehova? anyin a wale e hu hmonyin anyi Iehova köu.

II. Man Ûlabainy Je Than. 20:37

Ke haba Eliezera nöku Dodava ûheny Maresa ame perofeta kö Jehosafata, me ha, ka habe, Anyin a u je hia but tha e me Ahazia, a hia but Iehova ohia ânyâm ta je huliwa. Ke ame hmouca but ta je hu me me ca khanʼ ödrin he ka kec Tasesa ai.

II. Man Ûlabainy Je Than. 32:31

Ke so bi haba hnyi hwakecin ge je ûthumetu anyin je than Babulona, waleji adre me ûkhûnöng kâu he ka hnö e ge ûnyi hnân lâiâ adre ânyâ hnyi hnyei, me haba Khong ame hna e, he ka cubec e, me me wâ bongon hia hnyekon.

Ta je Vejec 24:16

Anyin ame oseven ta ju at ae wisa, kʼ ame tot hmetu: Ke ame he bi tavat ae monu ka hia hnen vec.

Ta je Vejec 29:25

E ka ot at, me hnân e hnewe: Kʼ ame he ka laba khötkic at ame labageju kö Iehova.

Ta je Vejec 6:29

Ke helâe at ame he ka âiân ke at; Ame ca he ka ba hwaban ka at ame kâlâ momo e.

At Khet 7:20

Anyin ae ba at ae wisa eang hmeledrany, a at ame ânyâ so kʼ ame ca ânyâ hulo.

Efeso 4:25

Anyin a wale, degec ut öbun thoi, ke ve ha ju öbun hnathu ka at ae hakekeny köbun: anyin a öta ang je ong outhunyin ke at me ke at.

Kolose 3:9

ca uthoiköu bi, anyin a öbun e hia but uny degecâ at adrem me ta je hwakecin,