Genese 2:9 - Iaai Bible 1901 (New Caledonia)

⁹ Ke Iehova Khong ame okûâ ûnyi hnyi kânâ ta je ûö hia thithö ae hmanenang at ka wâ, me so hnân han; me ûöiny möt minya hnyi wanben hnyei, me ûöiny wâhmakhmeto so me kong.

Genese 2:9 ပူးပေါင်းရင်းမြစ်များ

Genese 2:17

ke haba ûöiny wâhmakhmetoâ so me kong, me, u me ca he ka han ûnyi hnyin: anyin a haba hnyi bong u me he ka han hnyin, e hnathu u me he ka mokcu.

Genese 3:22

Haba Iehova Khong ame ha, ka habe, Wa bi, e ûcû but at mötin, ame wâhmakhmeto so me kong; ke haba walang ang, wâ e nye hinôbeny me hom minya ûnyi hnyi ûö hnân melen, me han, me möt bi nyiele balua:

Genese 3:24

Waleling e ame obö Adamu but; ke e ame ip eiö hnyi hnyei Edena ta je Kerubi, me hele vat ae ubâhlâ ame wiwia ka hnyi je ke keihen hnyei hia, me hnân tuö gethen ka hnyi ûö hnân melen.

Genese 3:3

ke so bi haba wan ûö waleji hnyi wanben hnyei, a hia but ha Khong, ka habe, Ca he öbu ka han wan, ke haba khaca, ca he öbu ka kâlâ, wâ öbu nye mokcu.

Genese 3:5

anyin ae khana Khong a haba hnyi bong öbu ma han hnyin, wale ame he ka metâ but li emaköbu, mʼ öbu me he ka helâ but me Khong, ka wâhmakhmeto so me kong.

Ta je Vejec 11:30

Haba wan at ae wisa me ûöiny möt, Ke haba at ae metâ, me ame ohmehmela ta je hanu.

Ta je Vejec 3:18

Obiny möt e, ka tavat hia adre me kât e: Ke hnahic tavat adre me kât hmâ e.

Isaia 44:25

inya at ame oûnyibaûâ je haten anyin tavat ae thoi, me omono tavat bi khong; me ohmeto tavat ae metâ, me omono anyidra wâhmakhmeto:

Isaia 47:10

Anyin a u je hia but labageju ka ânyâm je hulo; u je ha, ka habe, E ba at ame ö nya; ame omono u hnen ânyâm metâ me ânyâm wâhmakhmeto: ke u je ha eû hnyi hnyekom, ka habe, Inya thibi, ke ba minya ju ke at.

Ezekiela 31:16

Oge me oöbubunyâ ta je hnyei ge hwan ûtainy, hnyi ûen oge me khûâ e ka hnyi hedis tha e me tavat adre me dit ka hnyi thop: ke haba je ûöiny hia Edena, je hna ûca me soiny Lebanona, a tavat hia adre me ic köiö, adre me tubet bi eû hnyi kânâ.

Ezekiela 31:18

U hmanenang ke gan helâ me ia unyin je ûöiny Edena? ke so bi adre me he ka tha hum u me ta je ûöiny Edena kâû ka hnyi kânâ: ke u me he ka mokut hnyi wanben tavat adre me ca peritomonâ, tha u me tavat adre me hlingâ ge hele vat. Wale Farao me anyin tavat hia ae se, haingen Than Iehova.

Ezekiela 47:12

Ke haba hnyi li baten wagewe hnyi ke keihen me ke keihen me ame he ka kû ta je ûö hia hnân an wan, ae ca meleca lan ke ca ba wan: ame he ka wa wan ae teb ûnyi hnyi je tehi hia, anyin ame hingölö köiö ûnyi hnyi dok ae kap; ke hnân an je wan, ke hnân bubuny je lan.

Ioane 6:48

Inya ang aretoiny möt.

I. Korinito 8:1

KE haba ta je ûnyi adre hudo ka ta je hnatheat: E khanʼ öta a öta hia ate me wâ ûnykûme. Haba wâ ûnykûme ame obigânâ, ke haba ibetengiö ame okahwâ.

Deuteronomi 6:25

Ke ame he ka hnân hwakecita ae wisa ate me ne wâ wia he ka ânyâ hna hûna eang ae bekhöt hnyi hnyimakö Iehova Khonguta, hoton hnen hna hûna köta.

Hna Omanenâ 2:7

Haba at ae hu hnyikonyen löng ju hna ha hnen Hanu ka ta je ekalesia. Haba at ame ton, me oge me he ka ham köu he ka han ûnyi hnyi ûöiny möt, walethö hnyi Paradaiso anyin Khong.

Hna Omanenâ 22:14

Hnahic hnen tavat adre me hneû anyidra ta je ûkhaû, me me ûcû kodra he ka he ka hnyi ûöiny möt, me he ka dit ka hnyi je homagöuleiny taun.

Hna Omanenâ 22:2

hnyi wanben getheniny. Ke e hnyi li baten wagewe ûöiny möt, at ame wa wan a twelv je bongon, ke ame wa hnyi je tehi hia: ke haba ta je lan ûö me hnân omelö ta je hnyei.