Genese 2:2 - Iaai Bible 1901 (New Caledonia)

² Ke haba hnyi bong a seveniny Khong ame oumo anyin ta je huliwa waleji e ame ânyâ.

Genese 2:2 ပူးပေါင်းရင်းမြစ်များ

Genese 1:31

Ke Khong ame wâ ta je ûnyi hia thithö e ame ânyâ, ke wâ bi, e so hmönyin. Ke e hu sahac me e hu hnyomakatu, wale bong a siksiny.

Genese 2:3

Ke haba Khong ame hahnahicâ bong a seveniny, me okabâ e: anyin a e ame menâ hnyin, ûnyi hnyi anyin ta je huliwa hia thithö waleji Khong ame op me ânyâ.

Esodo 23:12

Hnyi ta bong a siks u ma he ka ânyâ je hûdrâm, ke haba hnyi bong a seveniny u me he ka menâ: me me hnyi menâ halem bolok, me halem asina, me me he ka ohwegiâ hmeto nokon athnyabaem a momo, me atkanyua.

Esodo 31:15

Siks je bong hnân huliwa; ke haba bong a seveniny, me, wale sabath hnân menâ, e kap hobi kö Iehova: ke haba at ame he ka bi huliwa hnyi bong sabath, me, adre me he ka hlingâ.

Esodo 31:17

Wale ke haten könya me lakon Isaraela nyiele balua anyin a hnyi je bong a siks Iehova ame op drany me hmeledrany, ke hnyi bong a seven e ame menâ, me me hunyin hmetu.

Isaia 58:13

U je ne thawâ cam hnyi sabath, me ca ânyâ bi wem hnyi anyik bong ae kap; ke u me he ka ha ge sabath a bonginy senyin, me ha ge hna okabâ hnö Iehova a hnân ogânâ; ke u je ne ogânâ e, me ca vheno dem je gethen, me ânyâ ûnyi hnân osenyini u, me ca ha bi hwâm bi je hofuc:

Ioane 5:17

Ke haingö Iesu kodra, ka habe, Ame huliwa Cica ke ne o but hnyi bong ang, ke oge me huliwa bi nya.

Deuteronomi 5:14

ke haba bong a seveniny, me, wale sabath anyi Iehova Khongom: ke ba huliwa u me he ka ânyâ hnyin, a u, me nokom baga, me nokom hlu, me athnyabaem a baga, me momo, me halem bolok, me halem asina, me halem je meno hia, me atkanyua unyâm hnyi je homagöulem; me me tha menâ möu athnyabaem a baga, me momo.

Heberu 4:10

Anyin a haba at ame hia but dit ka hnyi anyin hna menâ, me e ame hia but menâ minya hwaban anyin ta je huliwa, helâ me Khong hwaban anyin ta je huliwa.

Heberu 4:4

Anyin a e ame ha hnyi ke hofuc, ame ha ge bong a seveniny, ka habe, Ame menâ Khong hnyi bong a seveniny hwaban anyin ta je huliwa;