Genese 2:17 - Iaai Bible 1901 (New Caledonia)

¹⁷ ke haba ûöiny wâhmakhmetoâ so me kong, me, u me ca he ka han ûnyi hnyin: anyin a haba hnyi bong u me he ka han hnyin, e hnathu u me he ka mokcu.

Genese 2:17 ပူးပေါင်းရင်းမြစ်များ

Genese 2:9

Ke Iehova Khong ame okûâ ûnyi hnyi kânâ ta je ûö hia thithö ae hmanenang at ka wâ, me so hnân han; me ûöiny möt minya hnyi wanben hnyei, me ûöiny wâhmakhmeto so me kong.

Genese 20:7

Anyin a wale, he thö u ka hna hmetu momo ka âiân: anyin a e perofeta, kʼ ame he ka hic hobi köu, me u me he ka möt: ke u je ne ca he ka hna hmetu, wâhmakhmeto ju a u me he ka mokcu, u bi, me je waem hia.

Genese 3:11

Me e ame ha, ka habe, Ia thumetu u mʼ u me he thu? Hawa, u je hia but han ûnyi hnyi ûö waleji oge me hûna köu, a u ma ca he ka han?

Genese 3:17

Ke e ame ha kö Adamu, ka habe. Anyin a u je hia but löng hoton hwan âiâm, me han ûnyi hnyi ûö waleji oge me nyibu u gan, me ha ka habe, Ca he ka han ûnyi hnyin; awe hnaûhangö but kânâ ûnyi gam; ke u ma he ka han ûnyi hnyin hnyi vec hnyi ta je bonginy ânyâm möt hia;

Genese 3:19

ke u me he ka han ûnyi ge khuniny hnyimâkâm, ke ne o but ûen u me he ka hmetu ka hnyi kânâ; anyin adre hum u ûnyi hnyin e; anyin a u sesâiny kânâ, ke u me he ka hmetu hmetu ka knyi sesâiny kânâ.

I. Je Than 2:37

Anyin a hnyi bong u me he ka he didrut me hanyâûâ wagewe Kideron, wâhmakhmeto ju a u me he ka mok: ame he ka mokut hon bâm drâm bi.

I. Je Than 2:42

Haba than ame ûkhûnöng he ka hum Simei, me ha kâu, ka habe, Hawa, oge me ca kunö u he ka khemanyin kö Iehova, me ha hwegiâ köu, ka habe, Wâhmakhmeto ju a u me he ka mok hnyi bong u me he ka he hnyou ai, me he monu me ngenu? ke u je ha könya, ka habe, E so hofuo oge me long.

Jeremia 26:8

Ke a hia but Jeremia ha hia hna hûna kâu hnö Iehova he ka ha ka tavat hia, me ame kât e hnen tavat bihut, me ta je perofeta, me tavat hia me ha, ka habe, U me he but ka mok.

Ezekiela 18:13

ke ame me ham mone ûnyi ge hwaban, ke ame hok hanen: hawa, e ame he ka möt? e ame ca he ka möt: e ame hia but ânyâ hia ta je ûnyi ae ikiki: e hnathu e ame he ka mok; ame he ka takoû e bi hnen dren.

Ezekiela 18:32

Anyin oge me ca senyin ge mok anyin at ame mok, haingen Than Iehova: anyin a wale hmetu ju öbun, mʼ öbun e möt.

Ezekiela 18:4

Wâ bi, haba je hanu hia, me anyik, anyik bi hanon kamen, ke anyik minya hanon nokon: ke haba hanu ame ânyâ hulo, me ame he bi ka mok.

Ezekiela 33:14

Ke haba khaca, iny ka ha ka ke at ae kong, ka habe, U me he ka mok; ke e ame hmetu bi ûnyi hnyi anyin monu, me ânyâ ûnyi ae wisa me ûnyi ae ûcû;

Ezekiela 33:8

Iny ka ha ka at ae kong, ka habe, At ae kong lö, u me he ka mok, ke u me ca he bi ka fuc me koû ka at ae kong hnyi deny gethen; awe, ame he at eling ae kong ka mekiny hwakecin ae kong, ke oge me he bi nya ka elâm dren gam.

Numera 26:65

Anyin a hia but Iehova ha gadra, ka habe, Adre me he ka mokcu hnyi hnyebuba. Me ba köluidra, ke so bi Kaleba nöku Jefune, me Josua nöku Nuna.

Roma 1:32

ke khanʼ ödra hna hûna hnen Khong, a e ûcû kodra he ka mok, ödra ka ânyâ ta je ûnyi e, ke adre me mâdrâ ta je ûnyi eling, kʼ adre me ogʼ ödra minya bi tavat adre me ânyâ.

Roma 6:16

E ca khanʼ öbun, a haba at öbun e ka hnʼ öbun kâu he ka bi athnyabainy me long hoton me je lathnyabainy jut öbun ka at öbun e long kâu; ame ne hulo, ka hnyi mok, kʼ ame ne ûling, ka hnyi hwakecin ae wisa?

Roma 6:23

Anyin a haba hwaban hulö, me mok; ke haba bwihlany a ham bâûâ hnen Khong, me möt ame ca ba balua, ûnyi ga Iesu Keriso a Tuhöta.

Roma 8:2

Anyin a haba hnanyibuiny Hanu me möt unyin Keriso Iesu, me ame hnö nya ûnyi hnyi hnanyibuiny hulo me mok.

I. Korinito 15:22

Anyin adre mok hia ga Adamu, helâe adre me ke ha omelö hia hmetu ge Keriso.

I. Korinito 15:56

Haba ûdöiny mok, me wale hulo; ke haba maniny hulo, me wale hnanyibu:

Galatia 3:10

Anyin a haba tavat adre me laba hnyi ta je huliwainy hnanyibu, me ödra but hnyi hmelen hnaûhango: anyin adre hia but sihnalimen, ka habe, E ve hnaûhango but ödra hia adre me ca tethmâ hnyi ta je ûnyi hia thithö adre me sihnalimen hnyi tusiny hnanyibu he ka ânyâ.

Efeso 5:14

Anyin a wale, e ame ha, ka habe, Hmak dö, u at ame mokut, ke tot hmetu thö ûhem hnyi hna mok, me ame he Keriso ka omelami u.

Deuteronomi 27:26

Hnaûhango at ame ca hnyi ohwâdâ hofuciny hnanyibu eang he ka ânyâ. Kʼ ame he tavat hia, ka habe, Amen.

Deuteronomi 30:15

Wâ bi oge hia but ip hnyi hnyimâkâm hnyi bong ang möt me hnahic, ke mok me hulö;

Deuteronomi 30:19

Inya oge me hawâ drany me hmeledrany hnyi bong ang he ka ohnatho köbun, a oge hia but ip hnyi hnyimâkâm möt me mok, ke hnahic me hnaûhangö: anyin a wale ûca thö möt mʼ u me möt a u me je mâtrânâm:

Kolose 2:13

Ke haba öbun waleji öbun e mok hnyi hwakecin ae kong, me ca peritomonâ je unyibun, e ame omeli öbun tha öbun më, ke e ame ohia anyita ta je hulo hia;

I. Timoteo 5:6

Ke haba momo ame elâm senyin hnyi unyin, me a mokcu bi, ke tiga möt unyin.

Iakobo 1:15

Ke e ka erkin dut weny ae kong me ame hnokoâ but hulo: ke e ka at hnathu but hulo me e ame hnokoâ but mok.

I. Ioane 5:16

A ne ke at ame wâ liamekeiny më ame ânyâ hulo adre me ca mekiny, me e ame he ka sumâtâ, ke Khong ame he! ka ham kâu möt hobi kâu at ame ânyâ hulo a ca hnân mekiny. E hu hulo hnân mekiny: oge me ca ha a e ame he ka khöûâ e.

Hna Omanenâ 2:11

Haba at ae hu hnyikonyen, long ju hna ha hnen Hanu ka ta je ekalesia. Haba at ae hwege, me ame ca he ka vec hnen mok a loiny.

Hna Omanenâ 20:14

Me adre me khûö mok me Hedis ka hnyi nem a meic. Wale mok a loiny, a nem a meic.

Hna Omanenâ 20:6

E hnahic ut me kap tavat adre me hnyi hanen möt hmetu a bân: e ba maniny mok a loiny ködrin; ke adre me he bi ka tavat bihut ka Khong me Keriso, ke adre me he ka tha musi mē ke ne o but hnyi je huna a wan thauzan.

Hna Omanenâ 21:8

Ke haba tavat adre me ot, ke tavat adre me ca labageju, ke tavat ae ikiki, ke tavat ûhlingö, ke tavat bi ûnyi monu, ke tavat tren khong, ke tavat adre me hmi ka je hnatheat, ke tavat hia adre me thoi, me ame he ka hu hwajekhöûdra hnyi nem ame hiâ ge meic me teio; wale mok a loiny.

Owisa 3:2

waleling me me khana je dö anyin lakon Isaraela he ka ûne vat ködrin, a tavat ödrin e ca hnyi wâ ehac:

I. Samuela 14:39

Anyin a kia inya Iehova at omelö at Isaraela, me ame ne e unyi Jonathana a nokuk me hamen he ka mok. Ke ame ca thu kâu ke at unyin tavat hia.

I. Samuela 14:44

Ke haingö Saulo, ka habe, Ame he Khong ka ânyâ helâe me bi hanen ke e hnathu u me he ka mok, Jonathana.

I. Samuela 20:31

Ke hnyi ta je ûen hia thithö e ka tiga möt bala bi eang hmeledrany nöku Jese, u me ca he ka tethmâ me dokhom dökhu. Ke ûkhûnöng dö walang ang me hom e könya, anyin e hnathu e ame he ka mok.

I. Samuela 22:16

Ke haingen than, ka habe, Ahimelek, u me he ka mok, u me lap hia anyin kâmâm.