Genese 19:9 - Iaai Bible 1901 (New Caledonia)

⁹ Ke haingödra, ka habe, Kec dö. Ke adre me ha, ka habe, Haba at ang a o but a atkanyua, ke beweny bi he ka at owisa: ke walang ang öhmun e he ka okongu u gan hmâ hudru. Ke adre me ûlûö kâu, wale Lota, me hakekenyâ he ka kia hlingeny hwanuma.

Genese 19:9 ပူးပေါင်းရင်းမြစ်များ

Genese 11:6

Ke Iehova ame ha, ka habe, Wâ bi, khaca thibi hnyei ödra, ke khaca thibi hwen hodra hia; ke walang ûnyi adre me hwân he ka ânyâ: ke haba walang ang, ame ca he ka hmak ködra ke ûnyi adre me beânyâ.

Genese 13:12

Haba Aberama ame laba hnyi hnyei Kanana, ke Lota ame laba je taun hnyi dok ae thahon, me sukhöûnâ umen uma mano ke ne o but Sodoma.

Esodo 2:14

Ke ame thu, ka habe, Ia otilö u hnân than me at owisa unyihmun? u me ûnykûme he ka hlingö nya heli me hnâm hna hlingâ at Aigupito? Ke Mose, ame ot, me habe, E hnatbu e manen dut ûnyi eling.

Ta je Vejec 14:16

Ame ot at ae metâ, me kec ge hulo: Ke haba at ae monu ame bi gan, me ka geju kâu bi.

Ta je Vejec 17:12

E so at ame he ka ûkhanö me bea adre hûgûnâ lakon, Hon he ka ûkhanö me at ae monu hnyi anyin hwen monu.

Ta je Vejec 27:3

E hmak veto, ke hmak minya öny; Ke haba hmonyin anyin at ae monu, e ti hmak bi hon li ûnyi e.

At Khet 10:13

Haba hofuc a bân ûnyi hnyi hnyimen me wale hwen monu; ke haba hofuc a biliny ûnji hnyi hnyimen, me ti hwen monu.

At Khet 9:3

Walang ûnyi ae kong hnyi ta je ûnyi adre ânyâ hmelen seûno, a khaca thibi ûnyi ame o ka tavat hia: eke, e ûnöngöt minya thö hnyekon tavat ge hulo, ke e bi hwen monu hnyi ta je hnyekudra, kʼ ödra tiga möt bi, ke hwaban e adre me he ka tavat adre mokcu.

Isaia 65:5

tavat adre me ha, ka habe, Tot ut hââng, ca hakekenyi nya anyin a iny kap hom: wale hai hnyi li hnyingöik, ke meic ame hiâ hnyi je bong hia.

Jeremia 3:3

Anyin a wale adre behânâ je uth we, ke ba but we a biliny; ke hu gam bariny momo hnyi gethen, u je ca hmehma bi

Jeremia 6:15

Hawa, ödra hmehma can ta je ûnyi ae ikiki adre me ânyâ? e ba, ke ba ong hmehma gadra, ke ca khanʼ ödra hmehma: anyin a wale adre me he ka tha ta me tavat adre me ta: hnyi ûen oge me he ka senʼ ödra adre me he ka haû, haingö Iehova.

Jeremia 8:12

Hawa, adre me hmehma hwaban hnödra hna ânyâ ûnyi ae ikiki? e ba, ödra ca hmehma bi, ke ca khanʼ ödra bi he ka hmehma: anyin a wale adre me he ka tha ta me tavat adre me ta: hnyi ûen adre me senʼ ödra, adre me he ka haû, haingö Iehova.

Ezekiela 16:49

Wâ bi, walang hulo anyi Sodoma a liamekeiny möu; haba eû hnyin e me lakon wahlu, bi gan, me gan hmâ jeû, me laba monu me sot; ke e ame ca hadruâ je hna ovecâ me tavat theduoc.

Mataio 7:6

Ca ham ûnyi ae kap ka ta je kuli, ke ca khûâ anyibun ta je penina ka hnyi hnyimakan ta je buaka, wâ ödrin nye uto but ge je cadrin, ke hwio me kiʼ öbun.

I. Samuela 17:44

Ke haingen at Filisiti kö Davita, ka habe, Aiö u könya, me oge me he ka ham unyâm ka omeno ame gâ, me omenoiny hnyot.

I. Samuela 2:16

Ke ame ne thu kâu hnen at, ka habe, ödrin e he eâu ka le pipikhenya, me waleling e khanö u he ka hom hoton wem bi; awe, e ame he ka ha, ka habe, Ohe, ke u me he ka ham walang ang: kʼ ame ne ba me oge me he ka hûgûnâ e.

I. Samuela 25:17

Ke walang ang khanö u thö me ûnykûme wia ûnyi u me he ka ânyâ, anyin ödrin e ip hnân ka tuhötin me anyin lap hia: anyin a e atö Belial me ca khana ke at ka fuc kâu.