Genese 19:5 - Iaai Bible 1901 (New Caledonia)

⁵ ke adre me hawo Lota me ha, ka habe, Ewa li at eja ödre o köu sahac? Hum ödru but köhmun e me ûkhanöhmunköu thö.

Genese 19:5 ပူးပေါင်းရင်းမြစ်များ

Genese 19:6

Ke Lota ame didrut ködra eû hnyi hwanuma, kʼ ame hlöng hwanuma ka hnyi hoton.

I. Je Than 14:24

ke e hu minya hnyi hnyei tavat adre me hwen Sodoma: ödrin e ânyâ hia hoton je hwakecin ae ikiki anyin je hnyei a obâ ga Iehova hnyi hnyimakan lakon Isaraela.

I. Je Than 22:46

Ke haba kolon tavat adre me hwen sodoma, a je kolon biju hnyi je bong bongu Asa a kamen, me e ame ohiʼ ödrin ûnyi hnyi hnyei.

Isaia 1:9

Haba Iehova tuhan sabaoth, a ne ca hia but bi kolon ae ûhnyûkong thibi köta, me ate me he ka helâ me Sodoma, me ate me he ka ûcû me Gomora.

Isaia 3:9

Ame omanenʼ ödra hnen ta je hnyimakodra; ke adre me omanenâ anyidra hulo helâ me Sodoma, adre ca ikhâlâ bi. Ekölö ge hanudrin! anyin adre me hia but bi hwaban hulo kodra bi.

Jeremia 3:3

Anyin a wale adre behânâ je uth we, ke ba but we a biliny; ke hu gam bariny momo hnyi gethen, u je ca hmehma bi

Jeremia 6:15

Hawa, ödra hmehma can ta je ûnyi ae ikiki adre me ânyâ? e ba, ke ba ong hmehma gadra, ke ca khanʼ ödra hmehma: anyin a wale adre me he ka tha ta me tavat adre me ta: hnyi ûen oge me he ka senʼ ödra adre me he ka haû, haingö Iehova.

Ezekiela 16:49

Wâ bi, walang hulo anyi Sodoma a liamekeiny möu; haba eû hnyin e me lakon wahlu, bi gan, me gan hmâ jeû, me laba monu me sot; ke e ame ca hadruâ je hna ovecâ me tavat theduoc.

Ezekiela 16:50

Ke adre me hop, me ânyâ hwakecin ae kong hnyi hnyimakök: anyin a wale oge me hum ödra helâji me hnok hna wâ.

Ezekiela 16:51

Ke haba Samaria ame ca hia but ânyâ hafiny ânyâm hulo; ke u je osehia je hwakecâm ae ikiki hudra, me haiwisa je liamekeiny möu hnyi ta je hwakecâm ae ikiki waleji u je ânyâ.

Levitiko 18:22

U me ca he ka tha mokut me ke baga, helâ me hwakecin tha mokut me momo: wale thibi ikiki.

Levitiko 20:13

Ke ame ne he ke baga ka tha mokut me ke baga helâ me hwakecin tha mokut me momo, ödru me ânyâ ûnyi ae ikiki: adre me he ka tha hlingʼ ödru; kʼ ame he ka takû ödru ge drödru.

I. Korinito 6:9

Ke ca khanʼ öbun a haba tavat ae ca wisa hwakecidra, me adre me ca he ka hnyi hanen dokhu dokhon Khong? Ca omonu öbun bi: haba tavat adre me bi ûnyi monu, me tavat adre me hmi ka hnatheat, ʼme tavat adre me venöu âiân ke at, me tavat wagelue, me tavat adre me hwen sodoma,

Deuteronomi 23:17

Ame ca he ka hu momo hnyi gethen a at Isaraela, kʼ ame ca he ka hu at hwen Sodoma unyin obagainy Isaraela.

I. Timoteo 1:10

ke tavat bi ûnyi monu, ke tavat adre me hwen Sodoma, ke tavat venöu at, ke tavat thoi, ke tavat khemanyin thoi, ke ame ne hu ke hwakecin ae ca ûcû me hna ûne ae wisa;

II. Timoteo 3:13

Ke haba tavat adre me ânyâ hwakecin ae kong, me tavat iyawo, adre me he ka kong tot bala, adre me omonoâ, me adre me ka omonu ödra bi.

II. Peteru 2:2

Ke se hia tavat adre me he ka hnu hoton anyidra hwen iwadedök; me adre me he ka haikongoâ hnathu ûnyi gadra.

II. Peteru 2:7

ke ame omeli Lota at ae wisa hwakecin, ame vec hnyekon ge hwakecin tavat ae kong ae ikiki

Juda 1:7

Helâ me Sodoma me Gomora me je taun igigilo adre me tha hwakecidra me bi ûnyi monu, kʼ adre me hnu hoton ke je unyin bi, me adre me ip ödra hnân haten, kʼ adre me hângʼ ödra ka hnyi meic ame ca he bi ka mok.

Owisa 19:22

Ke ödrin e tiga osenyinâ je hnyekudrin, wâ bi, je aten taun, a je atö Belial, ödrin e tot igigilo uma, me kot hwanuma; me ha ka at ae tren uma, wale hingat, ka habe, Hom but jem at a he ka hnyi umâm uma, me me ûkhanöhmumköu thö.