Genese 19:16 - Iaai Bible 1901 (New Caledonia)

¹⁶ Ke e ame bec; me haba li at ödru me lelö hnyamen, me hnyamen âiân, me hnyamen lakon li hlu; anyin a Iehova ame betenge gan: me ödru me su e me ip hnyi hoton taun.

Genese 19:16 ပူးပေါင်းရင်းမြစ်များ

Genese 19:15

Ke ame o thö hnyomakatu, me haba li angela Ödru me sihwegiö Lota, ka habe, Todrö hom dö âiâm, me lakom li hlu eang; wâ u nye hmunyi mokcu, at ka he ka bi hwaban ka hnyei.

Genese 43:10

anyin adre ne ca ovheli öhmun, mʼ öhmun e ne hmetu but ang aloiny.

I. Man Ûlabainy Je Than. 16:34

Ö e ole thö kö Iehova; anyin ae so: Anyin a nyiele balua anyin ibetengiö.

Salamo 103:13

Iehova ame betenge ge tavat adre me outen e, Helâ me kamen ame betenge ge lakon.

Salamo 106:1

OGANÖ Ja thʼ öbun. Oleâ ju kö Iehova, anyin ae at ae so: Anyin a nyiele balua anyin ibetengiö.

Salamo 106:8

Ke so bi e ame omeli ödra can ien bi, Me me he ka omanenâ maniny man.

Salamo 107:1

OLEÂ ju kö Iehova; anyin ae at ae so: Anyin a nyiele balua anyin betenge.

Salamo 111:4

E ame hia but wia me hnân ûnykûme anyin ta je huliwa hnân lâiâ: E menyik Iehova me unöngöt ge ibetengiö.

Salamo 118:1

OLEÂ ju kö Iehova; anyin a e at ae so: Anyin a nyiele balua anyin ibetengiö. E na he ju Isaraela ka ha, ka habe,

Salamo 119:60

Oge me mweimwei me ca bec bi, He ka tuö ânyâm ta je hnanyibu.

Salamo 136:1

OLEÂ ju kö Iehova; anyin a e at ae so: Anyin a nyiele balua anyin ibetengiö.

Salamo 32:10

E se hia ta je vec unyin at ae kong: Ke haba at ame labageju kö Iehova, me ame he tang betenge ka igigilöâ.

Salamo 33:18

Wâ bi, e bi emakö Iehova hon tavat adre me outen e, Wale tavat adre me halubahingen anyin tang betenge;

Salamo 33:19

He ka hûgûnâ je hanudra ûnyi hnyi mok, Me omeli ödra hnyi ûen hmiâ.

Salamo 34:12

Ie at ae bemöt, Ke weny ta je bong, me me wâ thö so?

Salamo 86:15

Than lö, u thibi Khongon ibetengiö me betenge baû, At ame ca ie hmonyin bi, ke ti hu gam ibetengiö me hnathu.

Salamo 86:5

Anyin a Than lö, u thibi at ae so, me at ame thang, Me se hia ibetengiö kodra hia adre me hongot köu.

Esodo 34:6

Ke haba Iehova ame he hnyi hnyimakan, me ha, ka habe, Iehova, Iehova, Khong a at ame kölu me betenge, at ame bec ka hmönyin ke gan hmâ anyin so me hnathu;

Esodo 34:7

at ame tuö ibetengiö hobi kâu ta je thauzan, me degecâ monu me hna hanyâûâ me hwakecin ae monu: kʼ ame ca he ka ha me ba hulö anyin tavat ae kong; kʼ ame bi hwaban monu anyin je kamen ka lakon, me laöbiny, ke ne o but hnyi dö a kuniny me vakiny.

Isaia 63:9

E ame tha vec mödra hnyi anyidra ta je vec hia, ke e ame omeli ödra ge angelainy hnyimakan: e ame ûcû ödra hnyi anyin ibetengiö, ke hnen hna betenge baû; ke ame hum ödra me kop ödra bala bi hnyi je bong ehac.

Je tenge anyi Jeremi 3:22

Iehova ame betenge, waleling me ca hiʼ ota, anyin ame ca um bi anyin ibetengiö.

Numera 14:18

At ae bec he ka hmönyin Iehova, ke gan hmâ anyin ibetengiö, kʼ ame degecâ hulö, me monu, kʼ ame ca he ka ha ae ba kongon at ae kong; ke e ame bi hwaban monu anyin je kamen ka je lakon, ke ne o but ka hnyi dö a kuniny me vakiny.

Luka 18:13

Ke haba telona ame tot sâkâû, e ame ca mē bwele bi hnyi drany ai, ke e ame khaû ûlainy me ha, ka habe, Khong lö, betenge ju gak at ae monu,

Ioane 6:44

E ba at ae khana he ka he könya, a ne ca lelo bi e hnen Kamen, a at a kunö nya: ke oge me he ka otilâ thö e hnyi bong a obiny.

Roma 9:18

Awe, e ame betenge ge at e ame! betenge gan, ke e ame onâkâ at e ame beonâkâ kâu.

II. Korinito 1:3

E so he ka ogânâ Khong a Kamen Tuhöta Iesu Keriso, me Kamen ta je ibetengiö, me Khongon hna okahwa hia;

Deuteronomi 4:31

anyin a haba Iehova Khongom me Khong ame betenge; e ame ca he ka hna degeci u, me ohiö u, me hnying anyin ûhihinyköu me lakâmâm, waleji e ame khemanyin ködrin,

Deuteronomi 5:15

Ke u me he ka ûnykûme a gʼ adre thaluö u hnyi hnyei Aigupito, ke haba Iehova Khongom ame hum u ûheny e ge hnyam ae hwege me benyin adre hai: anyin a wale Iehova Khongom ame hûna köu he ka tuö bong sabath.

Deuteronomi 6:21

awe u me he ka ha ka nokom, ka habe, Haba ohmun lathnyabai Farao hnyi Aigupito ehac; me Iehova ame hum ohmun ûheny Aigupito ge hnyam ae hwege:

Deuteronomi 7:8

ke so bi ûnyi hnyi ibetengiö anyi Iehova köbun, ke hnyi weny he ka oûnyihnathö hnen hna khemanyin ka lakamöbun, waleling me me hum öbun hnö Iehova ge hnyam ae hwege, me omeli öbun ûnyi hnyi hnyaba ae ûthaluo, a ûheny hnyi hnyamö Farao than Aigupito.

Tito 3:5

e ame omeli öta ca ûnyi hnyi ta je huliwa hnyi hwakecin ae wisa ate me ka ânyâ, ke ûnyi bi hnyi anyin ibetengiö baû, ûnyi ge hna hneû wale he ka hnokoâ hmetu me hna ohâtâ ge Hanu Kap,

Josua 6:22

Ke Josua ame ha ka li at ödre ecmâkâ hnyei, ka habe, He thʼ öbu ka hnyi uma umen momo hnyi gethen, me hom but momo mödrin hia thithö a tha ödrin mē, helâ me hnöbu hna khemanyin kâu.

II. Peteru 2:7

ke ame omeli Lota at ae wisa hwakecin, ame vec hnyekon ge hwakecin tavat ae kong ae ikiki

II. Peteru 2:9

e khana Than hwakecin hna omelö tavat ae wisa hwakecidra ae ûcû me Khong ûnyi hnyi ta je ûcûbic, me he ka ip me hnân hwaban tavat ae ca wisa hwakecidra ke ne o but hnyi bong owisa;