Genese 19:13 - Iaai Bible 1901 (New Caledonia)

¹³ anyin a ohmu me he ka ohia dok ang, anyin ae gan hmâ hwan anyidra tenge hnyi hnyimakö Iehova; ke a kunʼ öhmu Iehova he ka ohia e.

Genese 19:13 ပူးပေါင်းရင်းမြစ်များ

Genese 13:13

Ke e kong at Sodoma, ke beönua anyidra monu hnyi hnyimakö Iehova.

Genese 18:20

Ke Iehova ame ha, ka habe, E hnathu e gan hmâ but tenge anyin Sodoma me Gomora, ke e hnathu e ti hmak ut anyidrin hulö;

Genese 19:12

Ke haingen li at kö Lota, ka habe, Hawa, e hu je waem eang? haba ûngom baga, me; je lakom baga, me hlu, me ânyâm tavat hia hnyi hnyei; hum ödrin but ûheny ang:

Isaia 3:11

Ekölö ge at ae monu! ame he ka hu kong gan; anyin adre me he ka ham kâu hwaban li hnyamen.

Isaia 36:10

Ke hawa, oge me o but ka hnyei ang ka ohia e, ke a ca musi bi Iehova? Haba Iehova ame ha könya, ka habe, He thö ka hnyei eang me ohia e.

Isaia 37:36

Me ame he but angela anyi Iehova me kot hna hunuma anyin at Asuria, a wan haded ke eite faiv thauzan: ke hnyi ûen adre me vesâ hnyi hnyomakatu, me wâ bi, adre mok hia ju.

Jeremia 44:22

me me ca khanö Iehova hmetu bi he ka hokhnyokâ ûkongon anyibun ta je huliwa me ta je ûnyi ae ikiki öbun e ânyâ; anyin a wale a hnyot dö ibun hnyei, ke hnân lâiâ, me hnân hangâ, ke ba but at ame labā, helâ me hnyi bong ang.

Levitiko 26:30

Ke oge me he ka ohia anyibun je dok ae görany, me subâ degecâ hnöbun hna theati seûnö, me khûâ degecâ je unyibun a mokcu ka hnyi hon anyibun je idola ae mok; ke oge me he ka hûköti öbun.

Numera 16:21

Ûsâkâûö but öbun me ûkhacaköu eang, mʼ inya he ka ohiʼ ödrin hnyi thuthubademak.

Ta je huliwa 12:23

Me ame ie kot e angela anyin Than, anyin a e ame ca ogânâ Khong: me ame an e ge ahnyöng, me me mokcu.

Deuteronomi 28:45

Ke ame he ka o ta je hnaûhangö eling hia köu, me hnu u, me hom tilö u, ke ne o but ame hiö u but; anyin a u je ca löng hofuc ho Iehova Khongom he ka tuö anyin je hnanyibu me hnen je hna otilâ waleji e ame hûna köu:

Deuteronomi 4:26

awe, oge me hawâ drany me hmeledrany he ka ohnathoâ gabun hnyi bong ang, a gʼ adre me he ka ie ohiʼ öbun ûnyi hnyi hnyei wale öbun e hanyâûâ Joridano he ka hu gabun; kʼ ame ca he ka se hia bongubun je bong hnyin, kʼ adre me he ka ti ohiʼ öbun.

Iakobo 5:4

Wâ bi, ame hongot goranyai hwaban ae ûcû ka tavat adre me huliwa waleji adre me meno ibun je hnyei, ke öbun e behânâ ge iyawâ: ke ame aat dö hnyi li hnyikonyen Than tuhan sabaoth hwahongot hwan tavat meno.

Juda 1:7

Helâ me Sodoma me Gomora me je taun igigilo adre me tha hwakecidra me bi ûnyi monu, kʼ adre me hnu hoton ke je unyin bi, me adre me ip ödra hnân haten, kʼ adre me hângʼ ödra ka hnyi meic ame ca he bi ka mok.