Genese 18:25 - Iaai Bible 1901 (New Caledonia)

²⁵ Ö u ca he ka ânyâ helâe, wale he ka tha omoko tavat ae wisa me tavat ae kong, me me tha ûcû at ae wisa me at ae kong. Ö u ca he ka helâe: hawa ame ca he at owisa hmeledrany hia ka ânyâ wisa?

Genese 18:25 ပူးပေါင်းရင်းမြစ်များ

Genese 18:24

A ne hu fifte tavat ae wisa hnyi hnyei: hawa, u ma he ka ohia, me ca betenge ka hnyei can fifte tavat ae wisa hnyin e?

I. Man Ûlabainy Je Than. 16:33

Ke ame he ka khumöng senyin dö je ûöiny hnyot hnyi hnyimakö Iehova. Anyin a e ame be jem he ka owisa hmeledrany.

II. Man Ûlabainy Je Than. 19:7

Anyin a wale outö Iehova ju öbun: wâ eaû ke ânyâ thö: anyin ae ba monu unyi Iehova Khongutin, ke e ame ca wâhmakhmetoâ at, kʼ ame ca kap hwaban.

Nehemia 9:33

Ke so bi u wisa hnyi ta je ûnyi hia thithö ame o kohmun; anyin ae wisa hnâm hna ânyâ, ke kong hnöhmun hna ânyâ:

Jobu 34:10

Anyin a wale, ling nya ju, öbun tavat wâhmakhmeto: E so e ûsâkâûö hulo me Khong; Ke hwakecin ae kong me Ataekhanahia.

Jobu 34:12

E hnathu ame ca he Khong ka ânyâ hulo, Ke ame ca he Ataekhanahia ka owhalö hna owisa.

Jobu 8:20

Wâ bi, ame ca he Khong ka hota degecâ at ae wisa, Kʼ ame ca he ka otethmâ tavat adre me ânyâ hulo.

Jobu 8:3

Hawa, ame he Khong ka onua hna owisa? Ke ame he Ataekhanahia ka önua wisâ?

Salamo 50:6

Ke ame he je drany ka omanenâ hwakecin ae wisa; Anyin a Khong thibi at ame owisa. [Sela.

Salamo 58:11

Me me be bi tavat ka ha, ka habe, E hnathu e hu troban hobi kâu at ae wisa: E hnathu e hu Khong at ame owisa eang hmeledrany.

Salamo 7:12

Ke ne a ne ca hwio hmetu at, me ame he ka khet anyin hele vat; E ame hia but oto anyin cafana me penapena e.

Salamo 75:3

Adre me okoiâ hmeledrany me tavat hia thithö adre me labâ e: Ke oge hia but otilâ je hmolominy [Sela.

Salamo 94:2

At ame owisa hmeledrany lö, todrö: Bi hwaban dö ka tavat adre me hnyok bi gan.

Salamo 98:9

Hnyi hnyimakö Iehova, anyin a e ame he ka o ka owisa hmeledrany; E ame he ka owisa hmeledrany hnyi wisa, Me ta je hnyei hnyi hnathu.

At Khet 3:17

Haingök hnyi hnyekuk, ka habe, Hamen Khong he ka owisa ka at ae wisa me at ae kong: anyin ae hu ûen ta je ûnyi hia me ta je huliwa hia.

At Khet 7:15

Wale hia wânök hnyi je bong bongon anyik hnyok baû: e hu at ae wisa ame mokcu hnyi hwakecin ae wisa, ke hu bi at ae kong ame möt beû hmâ hnyi hwakecin ae kong.

Jeremia 11:20

Ke Iehova tuhan sabaoth lö, at ame owisa wia, at ame cubec je ûnykûme me hnyok, e so oge me wâ hna bi hwaban kodra gam: anyin oge hia but omanenâ hok hofuc köu.

Jeremia 12:1

IEHOVA lö, u thibi at ae wisa, iny ka he ka ivino möu: ke so bi, oge me beûhnenamö möu ge hna owisa: ieû can ame sot gan gethen deny tavat ae kong? adre me laba so geû ödra hia adre me ti iyawo?

Ezekiela 18:25

Ke so bi, öbun e ha, ka habe, E ca ûcû hna ânyâ hnen Than. Lap anyi Isaraela lö, long ju walang ang: Hawa e ca ûcû hwakecik? hawa e ca hwali bi hwakecibun?

Malaki 3:18

Me öbun e he ka hmetu me wâhmakhmetoâ at ae wisa me at ae kong, ke at ame bi athnyaba ka Khong ke at ame ca ânyâ.

Numera 16:22

Ke ödru me ta ju hnyikânâi, me ha, ka habe, Khong lö, Khongon hanon tavat hia, ame ne kong hwakecin at a khaca, me hawa u me he ka hmönyin ka ûkhacaköu hia?

II. Korinito 5:10

Anyin adre me he ka omanenʼ öta hia hnyi hnyimakan taben owisa anyi Keriso; mʼ ate me he ka ve kap ta je ûnyi ate ânyâ hnyi unyin, hoton hna ve ânyâ, ame ne so, ame ne kong.

Deuteronomi 1:16

Ke oge me hûna ka tavat owisa hnyi ûen eling, ka habe, Öbun e he ka löng je iwatretra anyin je liamekeiny möbun, me owisa wia ka at me liamekeiny mē, me atkanyua unyin.

Deuteronomi 1:17

Ca he öbun ka wâhmakhmetoâ hnyi ûhnei; e so öbun e löng wia hofuc hwan at ae gan me at ae ûhnyûkong; ca he öbun ka ot hnyi hnyimakan at; anyin a ûnyi ge Khong hna owisa: ke haba ûnyi ae hmak köbun, öbun e he ka hom könya mʼinye löng dö.

Deuteronomi 32:4

E Kic, ke bekhöt anyin huliwa; Anyin a je deny hia, me hna owisa: E Khong ae hnathu, ke ba hnyikongon E wisa ke fâfâ.

Heberu 12:23

ke ka hnyi ûkhacaköu ae bekhöt, ke ekalesiainy watö wale adre me sihnalimi ʼdra hnyi drany, ke ka Khong At owisa tavat hia, me ka ta je hanon tavat ae wisa hwakecidra adre obekhötâ,

Owisa 11:27

Anyin a wale oge me ca okongu u, ke u me ânyâ könya ûnyi ae kong he ka vat mönya: hamö Iehova, At Owisa, he ka owisa ka lakon Isaraela me laku Amona hnyi bong eang.