Genese 18:23 - Iaai Bible 1901 (New Caledonia)

²³ Ke Aberahama ame hakekenyâ, me ha, ka habe, Hawa, u me he ka tha ohia wawisa me wamonu?

Genese 18:23 ပူးပေါင်းရင်းမြစ်များ

Genese 18:24

A ne hu fifte tavat ae wisa hnyi hnyei: hawa, u ma he ka ohia, me ca betenge ka hnyei can fifte tavat ae wisa hnyin e?

Genese 18:25

Ö u ca he ka ânyâ helâe, wale he ka tha omoko tavat ae wisa me tavat ae kong, me me tha ûcû at ae wisa me at ae kong. Ö u ca he ka helâe: hawa ame ca he at owisa hmeledrany hia ka ânyâ wisa?

Genese 20:4

Ke Abimeleke ame tiga ca ûhakekenyi më: ke e ame ha, ka habe, Than lö, u je he bi ka hlingâ hnyei ae wisa?

II. Samuela 24:17

Me Davita ame wâ angela at ame kot tavat, me e ame ha kö Jehova, ka habe, Me wâ ju, e kong hwakecik, ke oge me hia but ânyâ hwali: ke ieû a ânyâ je mamoe ang? ö u hai hnyamâm könya ke ûcon lap anyi cica.

Jobu 34:17

Hawa, ame he at ame höciâ wisa ka musi? Ke u me he ka haikongoâ e wale ae wisa me gan?

Jobu 8:3

Hawa, ame he Khong ka onua hna owisa? Ke ame he Ataekhanahia ka önua wisâ?

Salamo 73:28

Ke haba inya, e so könya he ka hakekeny ka Khong: Oge me hia but wia Than Iehova me me hnok hna lubaduöng, Mʼ oge me he ka omanenâ ânyâm ta je huliwa hia thithö.

Esodo 23:7

Ûsâkâûö u but me hofuc ae thoi; ke ca he ka kot at ae ba kongou, ke wisa hwakecin: anyin oge me ca he ka haiwisa at ae kong.

Jeremia 30:21

Ke ame he ka o than ûnyi gadra, ke ame he ka o ûnyi hnyi wanbödra at ama musi ödra; ke oge me he ka ohakekenyâ e könya: ke ie at ae hu tang hwegien he ka hakekenyi nya? haingö Iehova.

Numera 16:22

Ke ödru me ta ju hnyikânâi, me ha, ka habe, Khong lö, Khongon hanon tavat hia, ame ne kong hwakecin at a khaca, me hawa u me he ka hmönyin ka ûkhacaköu hia?

Heberu 10:22

e so ate me hakekenyâ ge hnyok ae hnathu ame kât hmâ labageju, ke je hnyekuta adre dukâiâ ûnyi hnyi ûnykûm sa ae kong, ke adre hneû je unyita hnyi köiö ae alai:

Iakobo 5:16

Anyin a wale, uomanenâköuâ anyibun ta je hulo, ke hic dö ke at hobi kâu ke at, mʼ öbun e he ka möt. E hu troban ae gan hmâ ûnyi hnyi hic hijin at ae wisa hwakecin.

Iakobo 5:17

At helâ mʼ öta Elia, ke e ame hic ûjöng me me ca he ka ta we; me ame ca ta we ka hnyi hon kânâ hnyi kun ta huna ke siks ta tehi.