Genese 18:19 - Iaai Bible 1901 (New Caledonia)

¹⁹ Anyin a oge hia but wâhmakhmetoâ e, me me hamen he ka hûna ka lakon me anyin lap hwaban e, mʼ adre me he ka tuö de Iehova, he ka ânyâ wisa me owisa; me me he Iehova ka ohmâ kö Aberahama hna ha bânâ gan.

Genese 18:19 ပူးပေါင်းရင်းမြစ်များ

Genese 12:2

ke oge me he ka wiö u me me dökhu ae gan, ke oge me he ka ohnahici u, me ogânâ iâm; ke u ma he ka hnahic:

Genese 12:3

ke oge me he ka ohnahici ödra adre me ohnahici u, ke haba at ame hangö u oge me he ka hangâ: ke ame he ka hnahic ut ûnyi gam ta je hnyei hia eang hmelen.

Genese 17:9

Haba Khong ame ha kö Aberahama, ka habe, U ma he ka tuö anyik ûhihinyköu, u, me ta je mâtrânâm hwabâm, hnyi anyidra ta je dö.

Genese 22:18

ke ame he ka hnahic ûnyi ge mâtrânâm ta je hnyei hia thithö eang hmelen; anyin a u je löng hoton hok hofuc.

Genese 35:2

Ke Jekob ame ha ka anyin lap, mʼ ödra hia a tha e më, ka habe, Hna but ta je hnatheat kanyua unyibun, me obosoi öbun, me khaû ju öbun:

II. Samuela 22:22

Anyin oge me vheno je gethen de Iehova, Ke oge me ca saû degecâ bi Khong me be monu but.

II. Samuela 7:20

Ke ieû hmetu ame he Davita ka ha köu? anyin a u je wâhmakhmeto athnyabaem, Than Iehova.

I. Man Ûlabainy Je Than. 28:9

Ke haba u, Solomona nokuk, khanö u thö Khongon kâmâm, me bi athnyaba kâu ge hnyok ae bekhot me hanu ae weny: anyin a Iehova ame elâm ta je hnyok hia, me wâhmakhmeto ta je hna ûnykûme hia eû hnyi hnyok: u je ne elâm e, me u me he ka wâ e; ke u je ne hna degecâ e, me ame he ka digic u nyiele balua.

II. Man Ûlabainy Je Than. 14:3

anyin a e ame ohia je taben hut kanyua, me je dok ae gorany, me sö degecâ je Aseira;

Nehemia 9:7

U thibi Iehova Khong, wale at ame ûco Aberama, me hom e ûheny Ure hnyi Kaledaia, me hwenyi ien Aberahama;

Jobu 1:5

Ke ame um dö je bonginy tha han, me haba Jobu ame ûkhû-nöng he ka okabi ödrin, ke e ame vesâ hnyi hnyomakatu, me hudo je hudiny leû hoton ûseidrin: anyin a haingö Jobu, ka habe, Ame ne ânyâ hulo ge lakuk, me haikongoâ Khong eû hnyi je hnyekudrin. Haba Jobu ame ânyâ helâe bala.

Salamo 1:6

Anyin a haba Iehova ame wâ gethen deny tavat ae wisa: Ke haba gethen deny tavat ae monu, me ame he ka ba but.

Salamo 11:4

E bi Iehova hnyi umen uma ae kap, Wale Iehova, ethö hnyi drany anyin theron; Haba li emakan ame wâ, kʼ ame cubec lakon at hnen li bademakan.

Salamo 34:15

E bala li emakö Iehova hon tavat ae wisa, Ke haba li hnyikonyen ame long hodrin hwahongot.

Ta je Vejec 22:6

Nâ thö wanakat hnyi deny ae ûcû, Ke e ka hingat ut, me ame ca he bi ka sâû ûnyi hnyin.

Isaia 38:19

Ame he at ae möt ka oganö u, a at ae möt, helâ me hnok hna ânyâ hnyi bong ang: Hamen kamen he ka omanenâ ânyâm hnathu ka lakon.

Levitiko 14:42

kʼ adre me he ka hom ke je veto me op hwaban je veto eling; kʼ ame he ka hom ke dröu me botro hmetu uma.

Amosa 3:2

Oge hia but khanö nya thibi öbun hnyi ta je lap hia eang hmeledrany: anyin a wale oge me he ka bi hwaban ta je hwakecibun hia ae kong.

Mataio 25:17

Ke helâe me at a kap lo, e ame ûcû hanen ke lo hmetu.

Ioane 10:14

Inya ang at ame tuö wia ta je mamoe; ke oge me wâhmakhmetoâ halek ta je mamoe, kʼ ame wâhmakhmetu nya minya hnen halek,

Ioane 21:17

E ame ibi okun ba kâu, ka habe, Simona nöku Jona, u me hnyok könya? Peteru ame hmak hnyekon anyin a e okun dut ha kâu, kahabe, U me hnyok könya? Me e ame ha kâu, ka habe, Than lö u at ame wâ ta je ûnyi hia; u je wâ but a inya oge me hnyok köu. Iesu ame ha kâu, ka habe, Hān biju halek je mamoe.

Ta je huliwa 27:31

ke haba Paulo ame ha ka keneturio me ta je soja, ka habe, A ne ca laba hmâ hnyat e hon hu, me öbun e ca he ka möt.

Efeso 6:4

Ke haba öbun je kamen, ca okûâ bi hmonyin ka je lakubun: ke so bi he ka hat ödra hnyi hna nʼ ödra, me hna ûne ködra hnen Than.

Deuteronomi 32:46

me haingen ködra, ka habe, E so öbun e kong hnyekunâ ta je hofuc eang hia oge me ha köbun hnyi bong ang; wale mʼöbun e he ka ha ka je lakubun he ka wâ! wia me ânyâ ta je hofucin hia hnanyibu ang.

I. Timoteo 3:12

E so ka ta je dikona he ka ûsa khaca laöiödra, me muso soâ lakudra, me anyidra je lap.

II. Timoteo 1:5

ke inya oge me ûnykûme minya labageju unyâm ae ba thoi hnyin; waleji a bân unyin kibâm somaca Lois, ke hinyâm a Eunike; ke oge me wâ ûnykûme a e minya bi unyâm.

II. Timoteo 2:19

Ke ame tethmâ taben ae hwege anyin Khong, ae hu hna ohmâ haten eang, ka habe, A wâhmakhmetoâ but Than ta je aten: ke, Hamödra hia adre me hawâ ien Than he ka ûsâkâûö me hwakecin ae kong.

II. Timoteo 3:15

ke e khanö u ta je hna sihnalimen ae kap, kʼ u tiga mendreng, wale ae khana he ka ometö u ka hnyi möt a deny labageju ka Keriso Iesu.

Josua 24:15

Ke ame ne kong köbun he ka bi athnyabai Iehova, ûca thʼ öbun hnyi bong ang at öbun e he ka bi athnyabainy; ame ne je khong waleji a bi athnyabainy lakamöbun hoton Wagawe, ame ne je khong khongon at Amora, hnyi hnyei öbun e labā: ke haba inya me anyik lap, ohmun e he ka bi athnyabai Iehova.

Owisa 13:12

Ke haingö Manoa, ka habe, E na āt ju hwâm hofuc: ke ame he ka helâ ua wanakat? ke ieû hûdrân.