Genese 18:14 - Iaai Bible 1901 (New Caledonia)

¹⁴ Ewa ke ûnyi ae hmak kö Iehova? Haba hnyi bong adre thu oge me he ka hmetu köu, e ka o but ûen, kʼ ame he Sara ka hnokoâ nokon da.

Genese 18:14 ပူးပေါင်းရင်းမြစ်များ

Genese 17:16

Ke oge me he ka ohnahicâ e, ke haba khaca, oge me he ka ham köu nokom da ûnyi gan: eke, oge me he ka ohnahicâ e, kʼ ame he ka hinyen ta je hnyei; kʼ ame he ka o ûnyi gan je thaniny ta je hnyei.

Genese 17:21

Ke haba anyik ûhihinyköu me, oge me he ka ohmâ e me Isaaka, at ame he Sara ka hnokoâ ûnyi gam hnyi ûen eang hnyi huna ame he ka o.

Genese 18:10

Ke e ame ha kâu, ka habe, Oge me he ka o hmetu köu e ka o but ûen; ke, wâ bi, ame he Sara âiâm ka hnokoâ da. Kʼ a löng ut Sara hnyi hwanumen uma mano hnyi hoton.

Genese 18:13

Ke Iehova ama ha kö Aberahama, ka habe, Ieû ga Sara ame hluma, me habe, Hawa e hnathu oge me he ka hnokoâ kʼ iny hingat ut?

Genese 18:15

Ke Sara ame ivinöâ, ka habe, Oge ca hluma; anyin a e ame ot. Ke haingen, Ohe, u je hluma.

Genese 21:1

KE haba Iehova ame senö Sara helâ me hnen hna ha, me Iehova ame ânyâ kö Sara helâ me hwan hofuc.

Genese 21:2

Ke ame erkin dut Sara, me ame hnokoâ nöku Aberahama baga ka hingat ut, hnyi hing ûen Khong ame hia but ha kâu.

II. Je Than 4:16

Me ame ha, ka habe, Cicö ûen ang hnyi huna ame he ka o, me u ma he ka delûâ ke da. Haingen momo, ka habe, Ohe, than a aten Khong u me ca he ka thoi ka athnyabaem.

Jobu 36:5

Wâ bi, e man Khong, ke ame ca hûkotiâ at: E at ae man hnyi hwegien oûnykûmanen.

Jobu 42:2

E khanö nya but ae khanö u he ka ânyâ ta je ûnyi hia. Ke haba hnâm hna ûnykûme me pason he ka thawâ.

Salamo 90:13

Iehova lö, metu ju; ke ne o but kehö? E so u ma ietra ge ta je lathnyabaem.

Salamo 93:1

IEHOVA ame musi; e ame khavâ ge hmanenang; Iehova ame khavâ, e ame oweikâ e ge hwege: Adre otethmâ minya hmeledrany, me ma ca khana he ka bwebwet.

Salamo 95:3

Anyin a Khong ae gan hmâ Iehova, Ke Than ae gan hmâ hon ta je khong hia thithö.

Isaia 50:2

Ieû can a e ba at hnyi ûen oge me o hnyin? ke oge me hongot ke ba at âme ieû? Hawa, e okhulit hnyamok me ca khanö nya he ka omelo? ke ba but manik man he ka hûgûnâ? Wâ bi, hnyi hnok hna thawâ oge me omada köiö, me wia je wagewe me me hnyebuba bi: ame bokong ut haledra je wâ anyin ae ba köiö, ke adre mok ut ge beic.

Jeremia 32:17

Ekölö Than Iehova! wâ bi, u je hia but op drany me hmeledrany ge manâm man ae gan hmâ me benyâm adre hai; ke ba ûnyi ae hmak köu:

Jeremia 32:27

Wâ bi, Inya Iehova Khongon tavat hia thithö: hawa, e hu ke ûnyi ae ca khanö nya he ka ânyâ?

Daniela 6:20

Ke e ame o but ka hnyi thop kö Daniela, me e ame hongot tenge goranyai: ke haingen than kö Daniela, ka habe, Daniela lö, athnyabainy Khong ae möt, hawa, e khana Khongom, wale at u je bi athnyabainy hnyi je bong he ka omeli u ûnyi ge je liona?

Mika 7:18

Ie ke Khong ae ûcû möu, at ame hna monu, kʼ ame ca oûnyihnathoâ hna hanyâûâ hnen je kolon jekhon? e ame ca tuö anyin hmonyin nyiele balua, anyin a e ame senyin he ka betenge.

Zakaria 8:6

Walang hna ha hnö Iehova tuhan sabaoth, ka habe, Ame ne hnân lâiâ ka je kolon tavat ang hnyi je bong eling, hawa e ca ûcû könya he ka hnyi lâiâ? haingö Iehova tuhan sabaoth.

Numera 11:23

Ke Iehova ame ha kö Mose, ka habe, Hawa, ame hwân ka okhulit hnyamö Iehova? u me he ka wâ walang ang, ame ne he ka āt, ame ne ca he ka āt hok hofuc.

Mataio 14:31

Me Iesu ame ie hinôbeny me kât e, me ha kâu, ka habe, At ame labageju ûhnyûkong lö, ieû gam u me hlohlo?

Mataio 19:26

Haba Iesu ame ō ʼdrin me ha, ka habe, E ca khana bi e hnen at; ke ba ke ûnyi ae pason ka Khong.

Mataio 3:9

ke ca ûnykûme he ka ha eû hnyi je hnyekubun, ka habe, Aberahama kamöta: anyin oge me ha köbun e khana Khong he ka okûâ lakon kö Aberahama ûnyi hnyi je veto ang.

Mareko 10:27

Iesu ame ō ʼdrin me e ame ha, ka habe, E pason hnen at, ke e khana bi, Khong: anyin ae khana Khong he ka ânyâ ta je ûnyi hia thithö.

Luka 1:13

Ke haingen angela ame ha kâu, ka habe, Zakaria lö, ca ot: anyin adre me löng hijâm hic, me ame he âiâm Elisabeth ka hnokoâ nokom, ke u me he ka hwenyi ien Ioane.

Luka 1:18

Ke haba Zakaria ame ha ka angela, ka habe, Ame he ka kâmâu ka khanö nya e î anyin oge hingat ut ang, ke someca but ang öiök.

Luka 1:37

Anyin ae ba hofuc ûnyi ge Khong ame he ka ba maniny.

Luka 8:50

Ke a long Iesu, me e ame thu kâu, ka habe, Ca ot bi: ke labageju ju, me e ame he ka möt.

Roma 4:21

ame ûnykûme hmâ a e khana he ka ohwâdâ hnen hna ha bânâ.

Efeso 3:20

Haba at ae khana ânyâ ta je ûnyi hia ae beönua hon hnöta hna sumâtâ me ûnykûme ka hnyin, hoton man at ame huliwa eû hnyi je hnyekuta,

Deuteronomi 30:3

awe, ame he Iehova ka ohmetu u ûnyi hnyi hna bâ, me betenge gam, me he hmetu ka ûkhacaköuö u ûnyi hnyi ta je hnyei hia wale Iehova ame hia but oveseiö u ka hnyin.

Deuteronomi 7:21

U ma ca he ka outʼ ödra, anyin a e bi unyâm Iehova Khongom, Khong ae gan me hnân outen.

Filipi 3:21

at ame he ka ohâtâ hmetoâ ta je unyita ae kong, mʼ adre me ûcû me unyin ae hmanenang, hoton man at ae khana he ka hom ûhnyûkongoâ ta je ûnyi hia thithö kâu bi.

Filipi 4:13

E khanö nya he ka ânyâ ta je ûnyi hia thithö hnen at ame ohwegiö nya.

Heberu 11:19

ke e ame ûnykûme, ka habe, e khana Khong he ka omelö hmetu, ame ne mok ut at; ke e ame kap hmetu e ûheny e hnyi ûhoûcû.

Owisa 13:3

Ke ame manen dut angela anyi Iehova ka momo, me ha kâu, ka habe, Wâ bi, u toûnyi walang ang, me ca hnokoâ bi; ke so bi u me he ka erkin, me hnokoâ da.

I. Samuela 14:6

Haba Jonathana ame ha ka hidröu, at ame hom tilâ omjehen vat, ka habe, Ötu he ka hanyâûâ ka hnyi lap tue anyin tavat eang adre ca peritomonâ: ame ne he ʼ Iehova ka huliwa hobi kötin: anyin a e ba at ame musi kö Iehova he ka omelö, ame ne ûnyi ge tavat ae se, ame ne ûnyi ge tavat ae wakhalet.