Genese 18:11 - Iaai Bible 1901 (New Caledonia)

¹¹ Ke li hingat ut Aberahama me Sara, ke se hia ta je hunaidru, ke ba hmetu ga Sara hwakecin omomo.

Genese 18:11 ပူးပေါင်းရင်းမြစ်များ

Genese 17:17

Me Aberahama ame ta hnyikânâi, me hluma, me ha eû hnyi hnyekon, ka habe, Hawa, ama he at a khaca haded hunainy ka hnokoâ nokon? kʼ ame he Sara ka hnokoâ ke nainte but ta je hunainy?

Genese 17:24

Ke nainte nain ta je hunai Aberahama hnyi hna peritomonâ unen unyin.

Genese 21:7

Ke haingen momo, ka habe, Ia ame he ka ba ehac kö Aberahama, ka habe, Ama he Sara ka asen je wanakat? anyin a oge hia but hnokoâ nokon da ke hingat ut.

Genese 24:1

KE hingat ut Aberahama, me se hia je hunainy: ke Iehova ame hia but ohnahici Aberahama hnyi ta je ûnyi hia.

Genese 24:36

Ke haba Sara âiân tuhök e ame hnokoâ nokon tuhök a baga, ke somaca but: ke a hia but ham kâu anyin ta je ûnyi hia.

Genese 31:35

Ke haingen ka kamen, ka habe. Ca he tuhok ka hmönyâm wale ae ca kbanö nya köûö hnyi hnyimâkâm anyin a oge me hom bongon omomo. Ke e ame heleû, kʼ ame ca wâ bala bi ta je idola.

Levitiko 15:19

Ke ame ne ke momo ame hingölö, ke dra ame hingölö ûnyi gan, adre me he ka hake ip e hnyi je bong a seven: ke haba at ame kâlâ, ame he ka bo kong ke ne o but sahac.

Luka 1:18

Ke haba Zakaria ame ha ka angela, ka habe, Ame he ka kâmâu ka khanö nya e î anyin oge hingat ut ang, ke someca but ang öiök.

Luka 1:36

Ke wâ bi, haba liamekeiny möu a Elisabeth e erkin dut, ka someca but: ke siksiny ju ang je tehiny, waleji adre me ha me toûnyi.

Luka 1:7

Ke ba nökudru anyin ae toûnyi Elisabeth, ke ödre li hingat ut.

Heberu 11:19

ke e ame ûnykûme, ka habe, e khana Khong he ka omelö hmetu, ame ne mok ut at; ke e ame kap hmetu e ûheny e hnyi ûhoûcû.

Josua 13:1

KE a hingat ut Josua, ke se hia but hunainy; ke haba Iehova ame ha kâu, ka habe, U je hingat ut, ke se hia hunaiâm, ke se hia biju je hnyei öbun e tiga ca hûgûnâ.