Genese 18:1 - Iaai Bible 1901 (New Caledonia)

¹ KE Iehova ame manen dut kâu hnyi sawajo anyi Mamere, kʼ ame laba hnyi hwanumen umen uma mano hnyi jebigö;

Genese 18:1 ပူးပေါင်းရင်းမြစ်များ

Genese 12:7

Ke ame manen dut Iehova kö Aberama, ame ha, ka habe, Oge me he ka ham hnyei ang ka ta je mâtrânâm: me e ame otilâ eling taben hut kö Iehova at ame manen kâu.

Genese 13:18

Me Aberama ame oc umen uma mano, me o but me laba hnyi sawajo anyi Mamere, wale hnyi Heberona, kʼ ame otilâ eling ke taben hat kö Iehova.

Genese 14:13

Ke ame o but ke at a kec möt, me thumetu Aberama at Heberu: wale ame laba hnyi aawajo anyi Mamere at Amora, liamekeiny me Esekolo ke liamekeiny me Anere; wale hnyat ödrin e tha hien me Aberama.

Genese 15:1

HWABAN ta je ûnyi e ame o thö hofuc ho Iehova kö Aberama hnyi hna omanenâ, haingen, ka habe, Aberama lö, ca ot: inya ang becâm, me troban hobi köu ae ti gan hmâ.

Genese 17:22

Ke e ame um dö ûhnenamö më, me Khong ame ölö thö ûheny ûnyi Aberahama.

Genese 18:22

Ke a saû thö hnyat ûheny e, me he bala Sodoma ai: ke Aberahama ame tiga tot hnyi hnyimakö Iehova.

Genese 20:1

KE Aberahama ame hok tot ûheny e ka hnyi hnyei hnyi Whaiöu, me laba wanben Kadesi me Sura, me e ame laba kanyua e Gerara.

Genese 26:2

Ke Iehova ame manen dut kâu, me ha, ka habe, Ca he Aigupito ai; laba ju hnyi hnyei oge me he ka ha köu:

Genese 35:27

Ke Jekob ame o kö Isaaka a kamen e Mamere, hnyi Kiriath-areba (wale Heberona), waleji hnö Aberahama me Isaaka hna laba kanyua hnyin.

Genese 48:3

Ke haingö Jekob kö Josefa, ka habe, A manen dut Khong Aekhanahia könya ehac hnyi Luza hnyi hnyei Kanana, me hahnahici nya,

II. Man Ûlabainy Je Than. 1:7

Ke haba Khong ame manen hnyi lit eling kö Solomona, me ha kâu, ka habe, Sumâtâ thö ûnyi oge me he ka ham köu.

Esodo 4:1

KE haba Mose ame thu me habe, Wâ bi adre me ca he ka köp nya, me löng ifucik: anyin adre me he ka ha, ka habe, A ca manen köu Iehova.

Ta je huliwa 7:2

Me e ame ha, ka habe, Hnyat me lakeiny me lakamök lö, long ju. Haba Khong ae hmanenang ame manen dut kö Aberahama a kamöta, waleji ke tiga e bi hnyi Mesopotamia, ke tiga ca laba bi hnyi Karan,

Heberu 11:9

Hnen labageju e ame laba kanyua hnyi hnyei adre ha bânâ, waleji a ca iny bi, me laba hnyi je uma mano, tha e me Isaaka me Jekob, ae tha hu hwajekhöudru më hnyi hna ha bânâ:

Heberu 13:2

Ca hnying bi he ka betenge ge ta je atkanyua: anyin a haba keihen, me adre me kap ta je angela helâe, kʼ adre me ca ûnykûme bi.

Josua 5:13

Ke e Josua hnyi Jeriko, me e ame bwele me wâ, ke wâ bi, ame tot cicö e at ame tot me hele vat adre oc hnyi hnyamen: ke haba Josua ame he kâu me ha kâu, ka habe, U me tha hiâm möhmun, hawa, me je iwahnaihmiony möhmun?