Genese 17:8 - Iaai Bible 1901 (New Caledonia)

⁸ Me oge me he ka ham köu, me ta je mâtrânâm hwabâm, hnyei u me laba kanyua hnyin, a hnyei Kanana hia, hnân gam nyiele balua; ke oge me he ka Khongudrin.

Genese 17:8 ပူးပေါင်းရင်းမြစ်များ

Genese 12:7

Ke ame manen dut Iehova kö Aberama, ame ha, ka habe, Oge me he ka ham hnyei ang ka ta je mâtrânâm: me e ame otilâ eling taben hut kö Iehova at ame manen kâu.

Genese 13:15

anyin a haba hnyei hia u ma wâ, oga ma he ka ham köu, me je mâtrânâm nyiele balua.

Genese 13:17

Todrö, vheno thö hnyei hnyi ibeûen me ûlauen; anyin oge me he ka ham e köu.

Genese 23:4

Iny atkanyua me at ame më laba unyibun: e so öbun e ham könya ke utkânâ hnân khön komok hnyin unyibun mʼ inye konâm kokik mʼ iny ca wâ but.

Genese 26:24

Ke Iehova ame manen dut kâu hnyi hnyinghet eling, me ha, ka habe, Inya Khongu Aberahama a kâmâm: ca ot, anyin a tha inya möu, ke oge me he ka ohnahici u, me osehia ta je mâtrânâm can athnyabaik a Aberahama.

Genese 28:4

me ham köu hna hahnahici Aberahama, köu, me ka ta je mâtrânâm; mʼ u ma he ka hu bi hnyei u me laba kanyua hnyin, waleji hnen Khong hna ham kö Aberahama.

Genese 35:27

Ke Jekob ame o kö Isaaka a kamen e Mamere, hnyi Kiriath-areba (wale Heberona), waleji hnö Aberahama me Isaaka hna laba kanyua hnyin.

Genese 36:7

Ke ca khanʼ ödru he ka tha laba anyin ae ve gan dut anyidru ta je ûnyi; ke ca ûcû ödru hnyei ödru me laba kanyua hnyin, anyin ae ve se hia but ta je meno.

Genese 37:1

KE Jekob ame laba hnyi hnyei hnen kamen hna laba kanyua hnyin, wale hnyei Kanana.

Genese 48:4

me ha könya, ka habe, Wâ bi, oge me he ka ohâti u me osi u me wiö u, mʼ u ma je hnyei ae se, ke oge me he ka ham hnyei eang ka ta je mâtrânâm a hwâbâm me me em nyiele balua.

II. Samuela 23:5

Ke ca helâling anyik lap me Khong; Ke so bi e ame ânyâ mönya ûhihinyköu ame ca ba balua, Adre penapena ta je ûnyi hia thithö hnyin, ke hwege: Anyin a melik hia, me wek hia, Ke so bi e ame tiga ca okûâ e.

I. Man Ûlabainy Je Than. 16:18

Ka habe, Oge me he ka ham köu hnyei Kanana, A hwajeköû me hnân ibun:

Salamo 103:17

Ke hwân adrem balua ke ne o but nyiele balua ibetengiö anyi Iehova ka tavat adre me outen e, Ke e bi hwakecin ae wisa ka lakon ta je lakon;

Salamo 105:11

Haingen, ka habe, Oge me he ka ham köu hnyei Kanana, Wale hna ugleköp a hwajekhöubun:

Salamo 105:9

Waleji e ame ohmâ kö Aberahama, Me hnen hna khemanyin kö Isaaka;

Esodo 13:11

Ke e ka he Iehova ka hum u ka hnyi hnyei iny at Kanana, helâ me hnen hna khemanyin köu me lakâmâm me ham köu,

Esodo 21:6

hawe, ame he tuhan ka hom e ka hnyat owisa, me hom e ka hnyi hlinginy hwanuma, ame ne ut hwanuma; kʼ ame he tuhan ka koû hnyikonyen ge ûnyi hnân koû; kʼ ame he ka bi athnyabainy nyiele balua.

Esodo 29:45

Ke oge me he ka laba hnyi wanben lakon Isaraela, mʼ oge me he ka Khongudrin.

Esodo 32:13

Ûnykûme ju kö Aberahama, me Isaaka, me Isaraela, a lathnyabaem, waleji hnyat u je khemanyin gam bi ködrin, me ha, ka habe, Oge me he ka osehia je mâtrânibun helâ me je okhûiny drany, ke haba hnyei hia eang waleji oge ha köbun, oge me he ka ham ka je mâtrânibun hnân idrin nyiele balua.

Esodo 40:15

ke u me he ka hû odrin helâ me hnâm hna hû kamödrin, mʼ odrin e je at bihut könya: ke haba hna hû ödrin, me waleling me me hnyat bihut nyiele balua hnyi anyidrin ta je dö hia.

Esodo 6:4

Ke oge hia but ohmâ anyik ûhihinyköu inödrin, be ka ham ködrin hnyei Kanana, waleji hnyei odrin e labö he kanyua hnyin hnyi hnödrin hna be kanyua.

Esodo 6:7

kʼ oge me he ka hum öbun me me lakeik, kʼ oge me he ka Khongubun: kʼ ame he ka khanʼ öbun a inya Iehova Khongubun, at ame hum öbun ûnyi hnyi hmelen ta je hok anyin at Aigupito.

Jeremia 25:5

Haingodra, ka habe, Ve hmetu ju öbun ûnyi hnyi debun ta je gethen ae kong, me ûkonginy anyibun ta je huliwa, me öbun e he ka labā hnyei a ham köbun Iehova, me lakamöbun kâû ehac, ke ne o but nyiele balua:

Jeremia 31:1

HAINGÖ Iehova, ka habe, hnyi ûen eling, oge me he ka Khongon je lap hia anyin at Isaraela, ke adre me he ka lakeik.

Ezekiela 11:20

mʼ adre me he ka vheno anyik je hnanyibu, me tuö hnok je hna otilâ, me ânyâ e: ke adre me he ka bi lakeik, ke oge me he bi nya ka Khongudrin.

Ezekiela 33:24

Nokon at lö, ame ha tavat adre me labâ je dok ae hwahwacit ehele hnyi Isaraela, ka habe, Hake Aberahama thibi, ke e hu gan hnyei: ke ohmun se hia bi; ke adre hia but ha kohmun hnyei me me ihmun.

Levitiko 14:34

Öbun ka o hnyi hnyei Kanana, wale oge me ham köbun hnân ibun, ke oge ne okûâ mok lepera hnyi ke uma hnyi ibun hnyei;

Levitiko 16:34

Ke wale hnanyibu köbun nyiele balua, he ka bi hwaban möt anyin lakon Isaraela can anyidra je hulö, ûsa khaca ânyâ hnyi huna. Me e ame ânyâ helâ me Iehova ame hûna kö Mose.

Levitiko 26:12

Ke oge me he ka ngenu hnyi wanböbun, ko oge me he ka Khongubun, ke öbun e he ka lakeik.

Zakaria 8:8

ke oge me he ka hum ödra, mʼ adre me he ka laba hnyi wanben Jerusalema; ke adre me he ka lakeik, ke oge me he ka Khongudrin hnyi hnathu me hwakecin ae wisa.

Numera 10:29

Ke haba Mose ame ha hö Hobaba, nöku Reuela, at Midiana, a ûngu Mose, ka habe, Ohmun e he ka hnyi hnyei waleji Iehova ame ha, ka habe, Oge me he ka ham köbun; aiö u ötin e tha he, ke ohmun e he ka ânyâ so köu, anyin a hia but Iehova ha so kö Isaraela.

Numera 25:13

kʼ ame he ka e bi unyin, me je mâtrâniny a hwaban, me me ûhihinyköu he ka at bihut nyiele balua; anyin a e ame ciâ ge Khongon, me bi hwaban möt anyin lakon Isaraela.

Numera 27:12

Ke Iehova ame ha kö Mose, ka habe, Öliâ thö bucen eang a Abarima, me u me wâ hnyei waleji oge ham ka lakon Isaraela.

Ta je huliwa 7:5

ke e ame ca ham kâu ke hwajekhon hnyin, e ba hmonyin ke ong dok helâ me hwadeny hnyeûcan: ke e ame ha bânâ he ka ham kâu me hnân iny, me hnân iny je mâtrâniny hwaban, waleji ke tiga ba nokon.

Deuteronomi 14:2

Anyin a u hnyei ae kap kö Iehova Khongom, ke haba Iehova ame ûcö u hnân iny hnyei ae ke bongon kâu, ûnyi hnyi je hnyei hia thithö eang hmelen.

Deuteronomi 26:18

ke a hia but Iehova ha muâ hnyi bong ang a u hnyei ae ke bongon bi kâu, helâ me hnen hna ha bânâ köu, me u me he ka tuö hnen je hna hûna hia;

Deuteronomi 29:13

me e ame he ka ohmö u hnyi bong ang mʼ u me he bi ka iny hnyei, me e ame he ka Khongom, hoton hofuc e ame ha köu, ke hoton hofuc e ame khemanyin ka lakâmâm, a Aberahama, me Isaaka, me Jekob.

Deuteronomi 32:49

Öliâ thö bucen eang a Abarima, ka hnyi bucen Nebo, wale hnyi hnyei Moaba, cicö Jeriko; me wâ hnyeiʼ Kanana, wale oge me ham ka lakon Isaraela me me idrin:

Deuteronomi 32:8

Hnyi ûen waleji Beönua ame ha idrin ka ta je hnyei hnyin, Kʼ ame oveseâ lakon tavat, Me wale e ame kia je hnyigöulen tavat, Hoton ûganiny lakon Isaraela.

Deuteronomi 34:4

Ke Iehova ame ha kâu, ka habe, Walang hnyei oge me khemanyin kö Aberahama, me Isaaka, me Jekob, me ha, ka habe, Oge me he ka ham e ka ta je mâtrânâm: oge hia but omanenâ e ka hnyi li emâkâm, ke u me ca hnyi he bi ka hnyin.

Deuteronomi 4:37

Ke can anyin e ame betenge ge lakâmâm, waleling me e ame ûca je mâtrânidrin hwabödrin, me hum u ûheny Aigupito ge maniny man ae hwege, kʼ ame tot unyâm;

Deuteronomi 9:5

Ca ûnyi: ge hwakecâm ae wisa, me wisainy hnyekom, wale me u me he me hûgûnâ idra hnyei: ke so bi can hwakecin ae kong anyin tavat eling Iehova Khongom ame obʼ ödra hnyi hnyimâkâm, me me hwâdâ hofuc waleji a khemanyin Iehova ka lakâmâm, a Aberahama, me Isaaka, me Jekob.

Heberu 9:15

Ke anyin a wale, e thibi at ûsoköu hnyi ûhihinyköu ae teb ûnyi me me he tavat adre hawâ ka kap hna ha bânâ wale jekhoû ame ca ba balua, anyin ae hu mok hnân bi hwaban ta je hna hanyâûâ hmelen ûhihinyköu a bân.

Josua 1:2

A mokcu Mose athnyabaik; ke walang: ang todrö, he thö ka hanyâûâ Joridano eang, a u, me tavat eang hia thithö, ka hnyi hnyei oge me ham ködra, wale ka lakon Isaraela.

Hna Omanenâ 21:7

Ame he ka hu ta je ûnyi e hnen at ame ton; me oge me he ka Khongon, ke e ame he ka nokuk.