Genese 16:5 - Iaai Bible 1901 (New Caledonia)

⁵ Ke haingö Sarai kö Aberama, ka habe, Ûnyi gam hna okongu nya: oge ham köu anyik hlu, ke a löng ut a ga erkin dut, me e ame hûkötiö nya: bamö Iehova he ka owisa kötu.

Genese 16:5 ပူးပေါင်းရင်းမြစ်များ

Genese 16:4

Ke e ame hum Hagara, me e ame erkin dut: ka löng ut e a ga erkin dut, me e ame hûkötiâ momo at a musö e.

Genese 31:53

E so e he Khongu Aberahama me Khongu Nahora minya, a Khongon kamödru ka owisa kötu. Ke Jekob ame khemanyin me ha Hna outen hnö Isaaka a kamen.

II. Man Ûlabainy Je Than. 24:22

Haba Joasa than ame ca ûnykûme ibetengiö anyi Jehoiada a kamen, kʼ ame hlingâ nokon bi. Ke ame tiga he but ka mokcu, me haingen, ka habe, E na wâ ju Iehova me bi hwaban.

Salamo 35:23

Bwebwet dö, ke todrö he ka owiso nya, Hnyi hnok hna ivino, Khonguk me Tuhok.

Salamo 43:1

KHONGUK lö, owiso nya, ke ivino ju hobi könya ka hnyei ame ca ot: Ö u omeli nya thö ûnyi ge at iyawö me at ae ca wisa.

Salamo 7:8

Iehova ame owisa ka ta je hnyei: Iehova lö, owiso nya ju helâ me hwakecik ae wisa, me hwakecik ae ba hnyikongon,

Esodo 5:21

ke haingödrin ködru, ka habe, Hamö Iehova he ka ö ʼbu me owisa, anyin a öbe obokongi öhmum kö Farao, me lathnyabainy, he ka ham hele vat ka hnyi hnyamödrin he ka hlingʼ ohmun.

Jeremia 51:35

Ame he ka ha hnen at ame laba hnyi Ziona, ka habe, E so ame he ka mokut hon Babulona hna okongu nya me je liamekeiny mönya; kʼ ame he Jerusalema ka ha, ka habe, Ame he drök ka mokut hon tavat adre me laba hnyi Kaledaia.

Owisa 11:27

Anyin a wale oge me ca okongu u, ke u me ânyâ könya ûnyi ae kong he ka vat mönya: hamö Iehova, At Owisa, he ka owisa ka lakon Isaraela me laku Amona hnyi bong eang.

I. Samuela 24:16

Ke a hia but Davita ha ta je hofuc eling kö Saulo, me haba Saulo ame ha, ka habe, Hawa ifucâm e Davita, nokuk? Me Saulo ame tenge goranyai.