Genese 15:5 - Iaai Bible 1901 (New Caledonia)

⁵ Me e ame su e kâ û, me ha, ka habe, Bwele thö hnyidranyai, me aû thö ta je ohkû, ame ne khanö u he ka aû e: me e ame ha kâu, ka habe, ame he ka helâe ta je mâtrânâm.

Genese 15:5 ပူးပေါင်းရင်းမြစ်များ

Genese 12:2

ke oge me he ka wiö u me me dökhu ae gan, ke oge me he ka ohnahici u, me ogânâ iâm; ke u ma he ka hnahic:

Genese 13:16

Ke oge me he ka wia ta je mâtrânâm, me me helâ me sesâiny kânâ: waleling me a ne khana ke at he ka aû sesâing kânâ, me adre me he minya ka aû ta je mâtrânâm.

Genese 16:10

Ke haingen angela anyi Iehova kâu, ka habe, Oge me he ka ti osehia mâtrânâm, ke ca hnân öû ödra, anyin a ödra se hia.

Genese 17:2

Me oge me he ka ûhihinyköu möu, me oge me he ka ti osehia ta je mâtrânâm.

Genese 22:17

anyin a wale oge me he ka ti ohnahici u, me ti osiâ je mâtrânâm, me me helâ me ta je okhûiny drany, me helâ me öny hnyi haten köiö; kʼ ame he mâtrânâm ha hu homagöuleiny ta je iwa-hnaimiöny më;

Genese 26:4

ke oge me he ka osiâ ta je mâtrânâm helâ me ta je okhûiny drany, me ham ta je hnyei hia thithö ang ka ta je mâtrânâm; ke adre me he ka ohnahicâ ta je hnyei hia eang hmelen ûnyi ge ta je mâtrânâm;

Genese 28:14

ke ame he ta je mâtrânâm ka helâ me sesâiny kânâ, ke u ma he ka lau jio, me deiö, me hwadrö, me hwaiöu: kʼ ame he ka hnahic ta je hnyei hia eang hmeledrany ûnyi gam me ûnyi ge ta je mâtrânâm.

Genese 32:13

Ke e ame mokut eling hnyi hnyinghet; me e ame hom ûnyi hnyi anyin ta je ûnyi hnân bwihlany hobi kö Esau a tuhan:

I. Je Than 3:8

Ke inya but ang a athnyabaem hnyi wanben lakem waleji u je uca, hnyei ae gan, ae pason he ka ha ûseiny, ke ca hnân aû anyin ae se hia.

I. Man Ûlabainy Je Than. 27:23

Ke a ca öû ödrin Davita tavat a twente huna me ûhnyûkong hon e: anyin a ga ha Iehova a e ame he ka osehia at Isaraela me me he ka helâ me je okhûiny drany.

Nehemia 9:23

Ke u je osehia je lakudrin helâ me je okhûiny drany, me hum ödrin ka hnyi hnyei, waleji u je ha ka lakamödrin, mʼ ödrin e he ka he ka hnyin he ka hu.

Jobu 35:5

Bwele thö ka hnyi drany me wâ; Ke wâ bi je ûlâ ae gorany hom.

Salamo 147:4

E ame aû ta je okhû; Me hwenyi ien hia.

Esodo 32:13

Ûnykûme ju kö Aberahama, me Isaaka, me Isaraela, a lathnyabaem, waleji hnyat u je khemanyin gam bi ködrin, me ha, ka habe, Oge me he ka osehia je mâtrânibun helâ me je okhûiny drany, ke haba hnyei hia eang waleji oge ha köbun, oge me he ka ham ka je mâtrânibun hnân idrin nyiele balua.

Isaia 51:2

Wâ thö kamöbun a Aberahama, me Sara at a hnöku öbun: anyin oge hawâ e ke tiga khaca, ke oge me ohnahicâ me osehia e.

Jeremia 33:22

E ca khanʼ ödra he ka aû ta je ûnyi ethö hnyi drany, me tuluto je önyin köiö; ke helâe oge me he ka osehia je mâtrâni Davita athnyabaik, me at Levi a anyik tavat huliwa.

Roma 4:18

Waleji ae ba hnân gejon unyin, ke e ame labageju me gejon a e ame he ka kamen ta je hnyei ae se hia, hoton hna ha, ka habe, Ame he ka helâe je mâtrânâm.

Deuteronomi 1:10

hnö Iehova Khongubun hna osehiʼ öbun, ke wâ bi, helâ me je okhûiny drany ûsehiaibun hnyi bong ang.

Deuteronomi 10:22

Ame he lakâmâm Aigupito ai ehac a ödrin sevente tavat ke walang ang Iehova Khongom ame wiö u mʼ u me helâ me je okhûiny drany ae se hia.

Heberu 11:12

anyin a wale ame o but ûnyi ge at a khaca, ke helâke me e at ae mok, ödra se hia helâ me ta je okhûiny drany, ke helâ me önyin köiö, a ca hnân aû.

Josua 24:3

Ke oge me hom kamöbun Aberahama ûnyi hnyi ke keihen Wagewe, me lelö e he ka vheno hnyei Kanana hia thithö, me osehia je mâtrâniny, me ham kâu Isaaka.