Genese 15:2 - Iaai Bible 1901 (New Caledonia)

² Ke haingö Aberama, ka habe, Than Iehova lö, ie ûnyi u me he kahna könya, ke inya ang at ae ba nokon, ke haba at ame he ka hwö hwabök hnyi hnya-bak, me, Eliezera at Damaseko?

Genese 15:2 ပူးပေါင်းရင်းမြစ်များ

Genese 14:15

Ke e ame kia but vat, e me je lathnyabainy hnyi hnyinghet, me kuc ödra, me hnu ödra ke ne o but Hoba, wale Damaseko, ke hwadrö.

Genese 15:1

HWABAN ta je ûnyi e ame o thö hofuc ho Iehova kö Aberama hnyi hna omanenâ, haingen, ka habe, Aberama lö, ca ot: inya ang becâm, me troban hobi köu ae ti gan hmâ.

Genese 15:3

Ke haingö Aberama, ka habe, Wâ bi, u je ca hia but ham könya ke mâtrânik: ke wâ bi ame he ka hwabök ju at adre hnokoâ hnyi hnyabak.

Genese 24:10

Ke haba athnyaba ame hom ke je kamela a libenyita hanen je kamela haleny tuhan, me he but; anyin a e ame musö ta je ûnyi hia anyin tuhan: ke e ame tot me he Mesopotamia ai, ka hnyi taun i Nahora.

Genese 24:2

Ke Aberahama ame ha ka athnyabainy, a hingatiny hnyaba, at ame musö anyin ta je ûnyi hia, ka habe, Inâ ju hnyamâm hmelen jevak:

Genese 25:21

Ke Isaaka ame khaweâ âiân kö Iehova, anyin ae toûnyi e: ke Iehova ame löng kâu, me ame erkin dut Rebeka a âiân.

Genese 39:9

ke ba at ae beönua huk hnyi hnyaba eang; ke e ame ca behânâ gak ke ûnyi ke u thiju, anyin a u bi âiân: oge ma hawa ka ânyâ monu e ae gan, ke kong ka Khong?

Genese 43:19

Kʼ ödrin e he ka at ame tuö hnyaba Josefa, me ûhuenamö më hnyi hwanumen uma,

Genese 44:1

KE e ame hûna ka at ame tuö hnyaban, ka habe, Öunöngötâ ju ta je tang tangen je hnyat ge jeû, me me hmak ka hijen, ke ve hitangen ju anyidrin je mone hnyi hnyimen je tang.

Salamo 127:3

Wâ bi, jekhöûta ûnyi ga Iehova ta je wanakat: Ke hwaban ûnyi gan, wale wan tangen hnöku.

Ta je Vejec 13:12

Haba geju adre bec ka ohwâdâ me ame omoko hnyok: Ke adre me ne ohwâdâ weny, me helâke ûöiny möt.

Ta je Vejec 17:2

Ame he athnyaba ae metâ ka muso wanakat amo ohmehma, Kʼ ame he ka tha hu jekhoû unyin je liamekeiny.

Isaia 17:1

HOK honen Damaseko. Wâ bi, adre me he ka degec Damaseko me me ca taun hmetu bi, kʼ ame he biju kahudrei.

Isaia 56:5

Oge me he ka ham kodra hnyi umök uma me hnyi hnyin hna up hagik hak ke haten, me ien ae so, hon lakudra a wainda me wahlu; oge me he ka ham kodra ien ae tethmâ, wale adre me ca he bi ka subâ degecâ.

Jeremia 49:23

Ge Damaseko. Ame hmehma but Hamath me Arefada; anyin adre me hia but long je uthumetu ae kong, kʼ ame oaû ödra but: e bi hlöuhlöu hon köiö, ke ca khana bi he ka ta hau.

Ta je huliwa 7:5

ke e ame ca ham kâu ke hwajekhon hnyin, e ba hmonyin ke ong dok helâ me hwadeny hnyeûcan: ke e ame ha bânâ he ka ham kâu me hnân iny, me hnân iny je mâtrâniny hwaban, waleji ke tiga ba nokon.

Rutha 2:6

Me haba athnyaba a homakan tavat subö bali, ame thu, ka habe, Wale hlu Moaba a tha o me Naomi ûheny Moaba:

I. Samuela 1:11

Ke e ame bi khöbi me ha, ka habe, Iehova tuhan sabaoth lö, u je ne he ka wâ vec anyin athnyabaem a momo, me ûnykûme könya, me ca hnying bi athnyabaem a momo, ke u je ne he ka ham könya a athnyabaem ke da, me oge me he ka ham e kö Iehova hnyi ta je bonginy hia thithö, ke ame ca he ka o heleûgi ka hnyi hon ban.