Genese 15:18 - Iaai Bible 1901 (New Caledonia)

¹⁸ Haba hnyi bong eling Iehova ame ha ûhihinyköu me Aberama, ka habe, Oge hia but ham hnyei ang ka ta je mâtrânâm, hwân hnyi wageweiny Aigupito keneo but wagewe ae gan, wale wagewe Euferate:

Genese 15:18 ပူးပေါင်းရင်းမြစ်များ

Genese 12:7

Ke ame manen dut Iehova kö Aberama, ame ha, ka habe, Oge me he ka ham hnyei ang ka ta je mâtrânâm: me e ame otilâ eling taben hut kö Iehova at ame manen kâu.

Genese 13:15

anyin a haba hnyei hia u ma wâ, oga ma he ka ham köu, me je mâtrânâm nyiele balua.

Genese 2:14

Ke haba ien wagewe a kuniny, me, Hidekela: wale ame he deiö Asuria ai. Ke Euferate wagewe a vakiny.

Genese 24:7

Haba Iehova, Khongon drany, waleji at a hum nya ûhek hnyi hnyaba cica, me ûnyi hnyi hnyei adre hnöku nya hnyin, at ame ha könya me khemanyin könya, ka habe, Oge me he ka ham hnyei eang ka ta je mâtrânâm; haba at eling ame he ka kunâ anyin angela hnyi hnyimâkâm, ke u me he ka hok ûnyi eling âiân nökuk.

Genese 26:4

ke oge me he ka osiâ ta je mâtrânâm helâ me ta je okhûiny drany, me ham ta je hnyei hia thithö ang ka ta je mâtrânâm; ke adre me he ka ohnahicâ ta je hnyei hia eang hmelen ûnyi ge ta je mâtrânâm;

Genese 28:4

me ham köu hna hahnahici Aberahama, köu, me ka ta je mâtrânâm; mʼ u ma he ka hu bi hnyei u me laba kanyua hnyin, waleji hnen Khong hna ham kö Aberahama.

Genese 35:12

ke haba hnyei waleji oge ham kö Aberahama me Isaaka oge me he ka ham köu, kʼ oge me he ka ham hnyei ka ta je mâtrânâm a hwâbâni.

Genese 50:24

Ke haingö Josefa ka je liamekeiny me, ka babe, Oge me be but ang ka mok: ke e hnathu ame be Khong ka senʼ obun, me hum öbun tinyi hnyi hnyei eang ka hnyi hnyei e ame khemanyiuâ ko Aberahama, me Isaaka, me Jekob.

II. Samuela 23:5

Ke ca helâling anyik lap me Khong; Ke so bi e ame ânyâ mönya ûhihinyköu ame ca ba balua, Adre penapena ta je ûnyi hia thithö hnyin, ke hwege: Anyin a melik hia, me wek hia, Ke so bi e ame tiga ca okûâ e.

II. Samuela 8:3

Ke Davita ame kot minya Hadadeza, nöku Rehoba, than Zoba, wale me me he ka hûgûnâ hmetu iny hnyei hnyi Wagewe.

I. Je Than 4:21

Ke haba Solomona ame muso je dökhu hia hwân hnyi Wagewe ke ne o but hnyi hnyei iny at Filisiti, ke ne o but hnyi hnyiguölen Aigupito: ke adre me ham bwihlany me huliwa kö Solomona hnyi bongon ta je bong hia thithö.

I. Je Than 5:1

KE haba Hirama thaniny Turo ame kunâ lathnyabainy kö Solomona; anyin a e ame long a gʼ adre hû me me than hwaban kamen: anyin a Hirama ame labö hnyokö Davita.

I. Man Ûlabainy Je Than. 16:16

Waleji e ame ânyâ me Aberahama, Me hnen hna khemanyin kö Isaaka;

I. Man Ûlabainy Je Than. 5:9

ke e ame laba e deiö ke ne o but hnyi gethen ame he ka hnyi hnyebuba hnyi wagewe Euferati: anyin ame si but haledrin je meno hnyi hnyei Gileada.

II. Man Ûlabainy Je Than. 7:8

Ke haba hnyi ûen eling haba Solomona ame ânyâ bijeû hnyi seven ta bong, tha e me Isaraela hia, ûkhacaköu ae gan hmâ hmonyin, hwân hnyi homagouleny Hamath ke ne o but wageweiny Aigupito.

II. Man Ûlabainy Je Than. 8:7

Ke haba tavat hia a kolon a at Heth, me Amora, me Perizi, me Hivi, me Jebusi, wale a ca at Isaraela;

II. Man Ûlabainy Je Than. 9:26

Ke e ame musi hon ta je than hia thithö hwân hnyi Wagewe ke ne o but hnyi hnyei iny at Filisiti, me ke ne o but hnyi hnyigöulen Aigupito.

Ezera 4:20

Ke haba ehac e hu je than ae hwege hnyi Jerusalema, kʼ ödrin e muso je hnyei hia thithö hoton wagewe; kʼ adre me labö fâtâ omjeû, me jeû, me bi öhnyei ködrin.

Nehemia 9:8

ke u je wâ hnyekon ae wisa but hnyi hnyimakâm, me u je ûhihinyköu mē he ka ham kâu hnyei iny at Kanana, me Heth, me Amora, me Perizi, me Jebusi, me Girigasa, he ka ham ka je mâtrâniny, me ohwâdâ hwâm hofuc; anyin a u wisa.

Salamo 105:11

Haingen, ka habe, Oge me he ka ham köu hnyei Kanana, Wale hna ugleköp a hwajekhöubun:

Esodo 13:11

Ke e ka he Iehova ka hum u ka hnyi hnyei iny at Kanana, helâ me hnen hna khemanyin köu me lakâmâm me ham köu,

Esodo 2:24

Ke Khong ame löng anyidra mâng, kʼ ame ûnykûme Khong hnen hna ûhihinyköu me Aberahama, me Isaaka, me Jekob.

Esodo 23:23

Anyin ame he anyik angela ka hnyimakan ânyâm bunyen, me hum u ka at Amora, me Heth, me Perizi, me Kanana, me Hivi, me Jebusi: kʼ oge me he ka ohiʼ odra.

Esodo 3:8

kʼ oge me utut ang he ka hûgûnʼ ödra ûnyi hnyi hnyamen at Aigupito, me hum ödra ûnyi hnyi hnyei eling ka hnyi ke hnyei ae so me au, a hnyei ame di hnyin debai me hane; a hnen at Kanana, me at Heth, me at Amora, me Perizi, me Hivi, me Jebusi.

Esodo 32:13

Ûnykûme ju kö Aberahama, me Isaaka, me Isaraela, a lathnyabaem, waleji hnyat u je khemanyin gam bi ködrin, me ha, ka habe, Oge me he ka osehia je mâtrânibun helâ me je okhûiny drany, ke haba hnyei hia eang waleji oge ha köbun, oge me he ka ham ka je mâtrânibun hnân idrin nyiele balua.

Esodo 34:11

Wâ wia hnök hna hûna köu hnyi bong ang: wâ bi, oge me he ka obâ hnyi hnyimâkâm at Amora, me Kanana, me Heth me Perizi, me Hivi, me Jebusi.

Esodo 34:24

Anyin oge me he ka obâ ta je hnyei hnyi hnyimâkâm, me ogânâ je hnyegöulâm: ke ame ca he ke at ka behnyekon em hnyei, u ka he ka manen hnyi hnyimakö Iehova Khongom, hnyi kun ta ûen hnyi huna.

Esodo 6:4

Ke oge hia but ohmâ anyik ûhihinyköu inödrin, be ka ham ködrin hnyei Kanana, waleji hnyei odrin e labö he kanyua hnyin hnyi hnödrin hna be kanyua.

Esodo 6:8

Ke oge me he ka hum öbun ka hnyi hnyei waleji oge ogörânyâ hnyamok he ka ham kö Aberahama, me Isaaka, me Jekob; kʼ oge ma he ka ham köbun me hwajekhöubun: haba inya Iehova.

Isaia 27:12

Hnyi bong eling ame he Iehova ka tau wan, hwân hnyi wadutöiny Wagewe, ke ne o but hnyi wageweiny Aigupito, kʼ adre me he ka hlu öbun a ûsa khaca, öbun lakon Isaraela.

Isaia 55:3

Tevehlöng ju, ke ai öbun könya; löng ju me me möt je hanubun: ke oge me he ka ânyâ ûhihinyköu möbun a nyiele balua, wale tang betenge ae hnathu unyi Davita.

Jeremia 32:22

ke u je ham kodra hnyei ang, waleji u je khemanyinâ ka lakamödra he ka ham kodra, hnyei ame di hnyin debai me hani;

Jeremia 32:40

ke oge me he ka ânyâ mödra ûhihinyköu a nyiele balua, a oge me ca he ka hwiö gadra, wale he ka ânyâ kodra so; ke oge me he ka ip eû hnyi hnyekudra he ka ot könya, mʼ adre me ca he ka digic nya.

Levitiko 26:42

awe, oge me he ka ûnykûme hnok hna ûhihinyköu me Jekob; me hnok hna ûhihinyköu me Isaaka; ke oge me he ka ûnykûme hnok hna ûhihinyköu me Aberahama; ke oge me he ka ûnykûme ka hnyei.

Levitiko 26:45

ke oge me he ka ûnykûme ködrin, cadrin bi, waleji hnok hna ûhihinyköu me lakamödrin, tavat oge me hom ûnyi hnyi hnyei Aigupito hnyi hnyimakan aten ke je hnyei, mʼ inye he ka Khongudrin: Inya Iehova.

Numera 34:5

ke ame he ka khenyi hnyigöulen ûheny Azemona ke ne o but hnyi wageweiny Aigupito, kʼ ame he ka umo hnyi köiö.

Ta je huliwa 7:5

ke e ame ca ham kâu ke hwajekhon hnyin, e ba hmonyin ke ong dok helâ me hwadeny hnyeûcan: ke e ame ha bânâ he ka ham kâu me hnân iny, me hnân iny je mâtrâniny hwaban, waleji ke tiga ba nokon.

Deuteronomi 11:24

Ame he ka ibun je dok hia ame he ka uto ge je hnyeûcabun: hwân hnyi hnyebuba, me Lebanona, hwân hnyi wagewe, a wagewe Euferate, ke ne o but hnyi köiö e jio, me wale hnyigöulöbun.

Deuteronomi 12:20

Ke e ka he Iehova Khongom ka ogânâ je hnyigöulem, helâji me hnen hna ha köu, ke u je ne he ka ha, ka habe, Oge me he ka han meno, anyin a iny behan meno; awe, u me he ka han hoton wem.

Deuteronomi 19:8

Ke ame ne he Iehova Khongom ka olauâ em hnyei, helâji me hnen hna khemanyin ka lakâmâm, me ham köu hnyei hia waleji e ame ha bânâ he ka ham ka lakâmâm;

Deuteronomi 34:4

Ke Iehova ame ha kâu, ka habe, Walang hnyei oge me khemanyin kö Aberahama, me Isaaka, me Jekob, me ha, ka habe, Oge me he ka ham e ka ta je mâtrânâm: oge hia but omanenâ e ka hnyi li emâkâm, ke u me ca hnyi he bi ka hnyin.

Deuteronomi 7:1

E KA hia but Iehova Khongom hum u ka hnyi hnyei wale u me he ka hnyin he ka hu e, ke e ka hia but oc degecâ je hnyei ae se hia hnyi hnyimâkâm, a at Heth, me Girigasa, me Amora, me Kanana, me Perizi, me Hivi, me Jebusi, wale seven je hnyei ae gan me hwege hom;

Heberu 13:20

Ke haba Khongon ûsoköu, waleji at ame hom hmetu but Tuhöta Iesu ûheny hnyi hna mok, wale at ae nua ame tuö ta je mamoe, hnen dren ûhihinyköu a nyiele balua,

Josua 13:3

hwân hnyi Sihora cicö Aigupito, ke ne o but hnyigöulen Ekerona ka hnyi hwadrö, kʼ adre me aû e, me hnyei iny at Kanana: ödrin thabûng je thaniny at Filisiti; ke at Gaza me at Asedoda, me at Asekelona, me at Giti, me at Ekerona,

Josua 15:4

kʼ ame he Azemona ai, me o ka hnyi wageweiny Aigupito; kʼ ame um ju hnyigöulen eling hnyi köiö: me wale hnyigöulöbun ka hnyi hwaiöu.

Hna Omanenâ 9:14

ame ha ka angela a siksiny ae hu trutru, ka habe, Thang ut ta je angela a vak adre ca hnyi wagewe ae gan a Euferate