Genese 15:1 - Iaai Bible 1901 (New Caledonia)

¹ HWABAN ta je ûnyi e ame o thö hofuc ho Iehova kö Aberama hnyi hna omanenâ, haingen, ka habe, Aberama lö, ca ot: inya ang becâm, me troban hobi köu ae ti gan hmâ.

Genese 15:1 ပူးပေါင်းရင်းမြစ်များ

Genese 15:2

Ke haingö Aberama, ka habe, Than Iehova lö, ie ûnyi u me he kahna könya, ke inya ang at ae ba nokon, ke haba at ame he ka hwö hwabök hnyi hnya-bak, me, Eliezera at Damaseko?

Genese 15:4

Ke wâ bi, ame o thö hofuc ho Iehova kâu, ka habe, ame ca he ka hwabâm at eling; ke so bi ame he ka hwabâm hing nokom.

Genese 21:17

Ke haba Khong ame löng hwan da; me angela anyin Khong ame hongot hnyi drany kö Hagara, ka habe, Hagara lö, ieû gam? ca ot bi, anyin a löng ut Khong hwan da hnyi hnen hna mokut.

Genese 22:1

KE hwaban ta je ûnyi e, haba Khong ame cubic Aberahama, me ha kâu, ka habe, Aberahama lö; me e ame thu, ka habe, Inya ang.

Genese 22:20

Ke hwaban ta je ûnyi e, adre me thumetu Aberahama, ka habe, Wâ bi, haba Mileka ame hia but hnokoâ nöku Nahora a liamekeiny möu;

Genese 26:24

Ke Iehova ame manen dut kâu hnyi hnyinghet eling, me ha, ka habe, Inya Khongu Aberahama a kâmâm: ca ot, anyin a tha inya möu, ke oge me he ka ohnahici u, me osehia ta je mâtrânâm can athnyabaik a Aberahama.

Genese 31:7

Ke a iyawö nya hnen kamöbu, me olibenyita wia hwabök; ke Khong ame ca hna but kâu he ka okongu nya.

II. Samuela 22:3

E Khongon kicik, oge me he ka labageju kâu; E becik, me faoiny meno hnân omeli nya, me tabök tap ae görany, me hnok hna he ka kec kâu: At ûhomeli nya lö, u je omeli nya ûnyi hnyi ûokonguny.

II. Je Than 1:15

Haba angela anyi Iehova ame ha kö Elia, ka habe, Tha utut mē; ca outen e. Me e ame tot me tha utut mē ka than.

I. Man Ûlabainy Je Than. 28:20

Ke Davita ame ha kö Solomona a nokon, ka habe, Hwege thö, me hnyok baga but, me ânyâ thö; ca ot bi, ke ca öbubuny bi: anyin ame he Iehova Khong, a Khonguk, ka tha e möu; e ame ca he ka hia unyâm, me hna degeci u, ke ne o but adre umo ta je ûnyi hia hnân huliwainy uma umö Iehova.

Salamo 115:10

Lap anyi Arona lö, labageju thʼ öbun kö Iehova: E thibi at ame hadruʼ ödra me becidra.

Salamo 119:114

U thibi hnok hna lubaduöng me becik: Oge me gejon hwâm hofuc.

Salamo 142:5

Iehova lö, oge me tenge köu; Haingök, ka habe, U thibi hnyeutök, Me jekhöûk hnyi hnyei iny tavat ae möt.

Salamo 18:2

Iehova thibi kicik, me hnok hnabâ, me at ame omeli nya; Khonguk, kicik ae hmâ, oge me he ka labageju kâu; Becik, me faoiny meno hnân omeli nya, me anyik tap ae beû goranyai.

Salamo 27:1

IEHOVA melamik me at ame omeli nya; oge ma outö ia? Iehova tang hwegien anyik möt; ia oge ma outen?

Salamo 3:3

Ke haba u, Iehova lö, u thibi bec igigili nya; Ke hmanenangik, me at ame ogöranyâ bok.

Salamo 3:4

Oge me hongot kö Iehova ge ifucik, Me e ame thâ könya ûnyi hnyi anyin bucen ae kap. [Sela.

Salamo 5:12

Anyin a u me he ka ohnahicâ at ae wisa; Iehova lö, u me he ka söng igigilöâ ge ibetengiö helâ me bec.

Salamo 58:11

Me me be bi tavat ka ha, ka habe, E hnathu e hu troban hobi kâu at ae wisa: E hnathu e hu Khong at ame owisa eang hmeledrany.

Salamo 84:11

Anyin a Iehova Khong seûno me bec: Ame he Iehova ka ham betenge me hmanenang: E ame ca he ka behânâ ke ûnyi ae so ge tavat adre me vheno wisa.

Salamo 84:9

Khong a becihmun lö, bwele but, Me wâ hnyimakan at u je hû.

Salamo 91:4

E ame be ka tubi u ge leûnen, Ke u me he ka lubaduöng hmelen li labenyin: Haba anyin hnathu, me, hnân bec me bec ae gan.

Esodo 14:13

Ke haba Mose ame ha ka tavat, ka habe, Ca ot, tot ju, me wâ ûhomeli anyi Iehova, wale ame he ka ânyâ hobi köbun hnyi bong ang: anyin a haba at Aigupito öbun e wâ hnyi bong ang, me öbun e ca he ka wâ hmetu nyiele balua.

Ta je Vejec 11:18

Ame bi huliwa iyawo hnen at ae kong: Ke haba at ame ta hwakecin ae wisa me hu hwaban ae hnathu.

Ta je Vejec 30:5

E kalaöt hia hofuc hwan Khong: E thibi becin tavat adre me labageju kâu.

Isaia 35:4

Ha thö kodra tavat ae sēnyin hnyok, ka habe, Hwege thö, ca ot bi: wâ bi, ame he ka o Khongubun tha e me hwaban, ame he Khong ka bi hwaban; e ame he ka o me omeli öbun.

Isaia 40:10

Wâ bi, ame he Than Iehova ka o helâ me at ae man, kʼ ame he benyin ka musi hobi kâu e bi: wâ bi, e unyin hwaban, ke e hnyi hnyimakan hwaban anyin huliwa.

Isaia 41:10

awe, ca ot bi, anyin a tha inya möu; ca hlohlo bi, anyin a inya Khongom: oge me he ka ohwegiö u; eke, oge me he ka hadruo u; eke, oge me he ka ci u ge hnyamök a metök ae wisa.

Isaia 41:14

Ca ot bi u Jekob a waahnyöng, ke öbun tavat Isaraela; haingö Iehova, ka habe, Oge me he ka hadruo u; ke haba at ûhomeli u, me Kabi Isaraela.

Isaia 43:1

KE walang ang, walang hna ha hnö Iehova at a up u Jekob, me at a huliwön u Isaraela, ka habe, Ca ot bi, anyin a oge hia but ûcö ânyâm möt; oge hia but hawâ iâm, anyin a atök ut u.

Isaia 43:5

Ca ot bi, anyin a tha inya möu: oge me he ka hom ta je mâtrânâm ûheny jimeio, me ûkhaca-köuö u ûheny jimeû;

Isaia 44:2

walang hna ha hnö Iehova at a huliwön u, at a up u hwân hnyi hnyekon hinyâm, at ame he ka hadruo u, ame ha, ka habe, Ca ot bi, Jekob a athnyabaik; me u Jesuruna, waleji oge ûca.

Isaia 44:8

Ca ot bi, ke ca öbubuny bi: hawa oge ca haimemenâ köu ehac, me omanenâ köu? ke öbun tavat ohnathu nya. Hawa, e hu ke Khong minya ju ke inya thibi? eke e ba ke Kic; e ca khanö nya khaca.

Isaia 51:12

Inya, inya at ame otubweli öbun: u ia, at ame outen at ame he ka mok, ke nokon at adre me he ka wia me me ûcû me hna önying:

Jeremia 39:17

Ke haingö Iehova, ka habe, Oge me he ka omeli u hnyi bong eling; ke adre me ca he ka hnö u ka hnyi hnyamen tavat waleji u je outen.

Je tenge anyi Jeremi 3:24

Haingen hnyekuk, ka habe, Jekhöûk Iehova; anyin a wale, oge me he ka geju kâu.

Ezekiela 1:1

HNYI huna a thote, hnyi tehi a vakiny, ke hnyi bong a thabûnginy tehi, ke tha inya me je bâ hnyi wagewe Kebara, me ame hmouca but drany, me oge me wâ je hna omanenâ ûnyi ge Khong.

Ezekiela 11:24

Ke haba hanu ame köp nya göranyai, me hum nya Kaledaia ai ka ta je bâ, hnyi hna omanenâ hnen hanon Khong. Me ame ölö thö gak hna omanenâ waleji oge me wâ.

Ezekiela 3:4

Ke e ame ha könya, ka habe, Nokon at lö, he thö ka lap anyi Isaraela, me ha kodra hok ta je hofuc.

Numera 12:6

Ke e ame ha, ka habe, Löng ju hok hofuc: a ne hu perofeta unyibun, me haba Inya Iehova oge me he ka omanenö nya kâu hnyi hna omanenâ, me fuc kâu hnyi bwi.

Numera 18:20

Ke Iehova ame ha kö Arona, ka habe, U me ca he ka hu em hnyi idra hnyei, ke u me ca he ka hu hwajekhom unyidra: inya bi a hwajekhom me em unyin lakon Isaraela.

Numera 24:4

Haingen at ame löng je hofuc hwan Khong Kʼ ame wâ hna omanenâ ge Ataekhanahia, Ke e ame ta hnyikânâi, me bwela bi li emakan:

Mataio 28:5

Haba angela ame thu me ha ka watamomo, ka habe, Ca ot bi: anyin ae khanö nya a öbun e elöm Iesu waleji adre osatauroâ.

Mataio 8:26

Me e ame ha ködrin, ka habe, Ieû gabun öbun e ot hnyat labageju ûhnyûkong? Me e ame todrö, me thawâ ang me köiö; me ame ta but hau ae gan hmâ.

Luka 1:13

Ke haingen angela ame ha kâu, ka habe, Zakaria lö, ca ot: anyin adre me löng hijâm hic, me ame he âiâm Elisabeth ka hnokoâ nokom, ke u me he ka hwenyi ien Ioane.

Luka 1:30

Ke haingen angela ame ha kâu, ka habe, Maria lö, ca ot: anyin a Khong ame betenge gam.

Luka 12:32

Hnahat mamoe ae wakhalet lö, ca ot bi, anyin ae weny Kamöbun he ka ham köbun dokhu.

Ta je huliwa 10:22

Ke haingödrin, ka habe, Haba Konelio, keneturio, at ae wisa hwakecin, me outen Khong, me hna haisoâ hnen at Juda hia, ame kû kâu hnen angela ae kap he ka hawo u ka hnyi umen uma, me me he ka long hofuc gam.

I. Korinito 3:22

ame ne Paulo, ame ne Apolo, ame ne Kefa, ame ne hmeledrany, ame ne möt, ame ne mok, ame ne ta je ûnyi walang ang, ame ne ta je ûnyi ame he ka o; anyibun hia thibut;

Deuteronomi 18:2

Ke ödrin e ca he ka hu hwajeköudrin unyin je liamekeiny mödrin: haba Iehova hwajeköudrin, helâ me hnen hna ha ködrin.

Deuteronomi 31:6

Hwege thʼ öbun me hnyok baga but, ca ot bi, ke ca öbubuny bi gadra: anyin a Iehova Khongom me e at ame tha he möu; e ame ca he ka hia unyâm, me hna degeci u.

Heberu 1:1

HABA Khong, at ame ha adrem ka lakamöta a deny ta je perofeta hnyi je hofuc ae ve bongon, ke je deny ae ve bongon,

Hna Omanenâ 1:17

Ke oge me wâ e, me oge me ta hnyi hmelen li can helâ me at a mokcu. Me e ame ip hnyamen a metân huk, me ha, ka habe, ca ot; Inya ang a bân me biliny,

Rutha 2:12

E so Iehova ame bi hwaban ânyâm huliwa, me e so ame he Iehova Khongu Isaraela he ka ti bi hwaban köu, wale at a u je he jem he ka laba hmelen li labenyin.

I. Samuela 15:10

Me ame o hofuc ho Iehova ko Samuela, ka habe,

I. Samuela 9:9

(Haba ehac hnyi Isaraela, e ka he at ka hnö unyin Khong, e ame ha, ka habe, Otin e he ka he ka at ame wâ: anyin a haba perofeta walang ang, adre hwenyi ien ehac, ka habe, At ame Wâ.)