Genese 14:8 - Iaai Bible 1901 (New Caledonia)

⁸ Me ame he but than Sodoma, me than Gomora, me than Adema, me than Zeboim, me than Bela (wale Zoara); me adre me tet metâ he ka vat mödra hnyi Sidima hnyigöulen bucen;

Genese 14:8 ပူးပေါင်းရင်းမြစ်များ

Genese 10:19

Ke haba hnyigöulen at Kanana, me, ûheny Zidona, gethen ame he Gerara ai, ke ne o but Gaza: deny ka he Sodoma ai, me Gomora, me Adema, me Zeboim, ke ne o but Lasa.

Genese 13:10

Haba Lota ame bwele me wâ dok ae thahon hia hnyi Joridano, a gʼ ame hu köiö hnyi je ke keihen hia, ke tiga ca ohia Sodoma me Gomora hnö Iehova, helâke hnyei i Iehova, helâke hnyei Aigupito, gethen Zoara ai.

Genese 14:10

Ke unöngöt Sidima hnyigöulen bucen ge ta je op hmudra; ke a kec ut li than Sodoma me Gomora, ke adre me ta ju eling, ke haba je kolon adre me kec ka hnyi bucen.

Genese 14:9

wale Kedalaoma than Elama, me Tidala than Goiim, me Amerafela than Sinara, me Arioka than Elasara; wale vak ta than ûcon thabûng.

Genese 19:20

wale bi eû taun ae hakekeny ka kec kâu, ke ûhnyûkong thibi: iny na kec ut kâ e, (hawa e ca ûhnyûkong e?) mʼ inye möt.

Genese 19:22

Logotö, kec dö kâ e, anyin ae ca khanö nya ka ânyâ ke ûnyi u ka tiga ca o e. Anyin a wale adre me hwenyi ien taun e, me Zoara.

Hosea 11:8

Eferaima lö, oge me he ka kâmâu ka hna degeci u? Isaraela lö, oge me he ka kâmâu ka hnö u? oge ma kâmâu ka wiö u helâ me Adema? me ip u helâ me Zeboim? kʼ ame hwio oûnykûmik eû hnyi hnyekuk, kʼ ame tha kû gan hmâ thö anyik je tang betenge.