Genese 14:22 - Iaai Bible 1901 (New Caledonia)

²² Ke haingö Aberama ka than Sodoma, ka habe, Oge hia but hai hnyamök kö Iehova, Khong ae Beönua, at a gan drany me hmeledrany,

Genese 14:22 ပူးပေါင်းရင်းမြစ်များ

Genese 14:21

Ke haingen than Sodoma kö Aberama, ka habe, ham ju könya tavat, ke hom dö ta je ûnyi me ânyâm.

Genese 17:1

KE nainte nain hunai Aberama, me ame manen dut Iehova kö Aberama, me ha kân, ka habe, Inya ang Khong Ataekhanahia; u ma he hnyi hnyimakök, ke wisa but.

Genese 21:33

Ke Aherahama ame ta ke ûö tarfa e Bere-seba, me hâwâ iö Iehova eling, Khong a Nyiele balua.

Genese 24:3

me oge me he ka ha köu he ka khemanyin könya hnyi hnyimakö Iehova, Khongon drany, me Khongon hmeledrany, a u me ca he ka hok âiân nökuk unyin je hlu lakon at Kanana, wale oge me laba unyidra:

II. Samuela 2:5

Haba Davita ame ûkhû-nöng ka at Jabesi-gileada, me ha ködrin, ka habe, E so öbun e hnahic ut ga Iehova anyin öbun e omanenâ ibetengiö e ka tuhöbun a Saulo, me konâm e.

II. Je Than 5:16

Ke haingen, ka habe, Kia inya Iehova at oge me tot hnyi hnyimakan, a oge me ca he ka hom ke ûnyi. Ke e ame ûjengö e he ka kap; ke e ame höcö.

I. Man Ûlabainy Je Than. 29:11

E unyâm, Iehova lö, ûganiny, me man, me hmanenang, me hwege, me musi: anyin a ânyâm ta je ûnyi hia ethö hnyi drany me eang hmeledrany; e unyâm dökhu, Iehova lö, ke adre oganö u me me ban ta je ûnyi hia thithö.

Salamo 144:11

Omeli nya me hûgûnö nya ûnyi hnyi hnyamen ta je atkanyua, Hnyat adre me fuc baû ge je hnyimödra. Ke haba je hnyamödra a metödra, me, uthumetu ae thoi.

Salamo 144:8

Hnyat adre me fuc baû ge je hnyimödra, Ke haba je hnyamödra a metödra, me, ûthumetu ae thoi.

Salamo 24:1

ANYI Iehova hmeledrany me ta je ûnyi ae unöngötiny; Me ta ogo hnyei, me tavat adre me laba hnyin.

Salamo 83:18

Me me khanʼ ödra a u thibi, wale a iâm Iehova, At ae Beönua hon hmeledrany hia thithö.

Esodo 6:8

Ke oge me he ka hum öbun ka hnyi hnyei waleji oge ogörânyâ hnyamok he ka ham kö Aberahama, me Isaaka, me Jekob; kʼ oge ma he ka ham köbun me hwajekhöubun: haba inya Iehova.

Isaia 57:15

Anyin a walang hna ha hnen At ae gorany me Beönua, at ame laba nyiele balua, ke E kap ien, ka habe, Inya oge me labā dok ae gorany me dok ae kap,, ke haba khaca, tha inya me at ae bewisa me hnyikânâ hanon, me me omelo hanon at ae hnyikânâ, me okaukahwa hnyekon at ae bewisa.

Daniela 12:7

Ke oge me long at ame khavâ lino, at ame laba hon köien wagawe, me ame ogöranyâ hnyamen a metân me hnyamen a meny ka hnyi drany, me khemanyin gan at ae möt nyiele balua a gʼ ame he ka hobi kâu ûen, me lo li ûen, me ûen me haf: ke e ka hia but oveseâ maniny hnyei ae kap, awe, ame he ka hwâdâ ta je ûnyi hia eling.

Daniela 4:34

Ke hwaban je bong, inya Nebukaneza oge me bwele thö goranyai ka hnyi drany, me ame hmetu könya hnyekuk, me oge me haisoi Beönua, ke ogânâ ke ogöranyâ e at ae möt nyiele balua: anyin a nyiele balua anyin musi, ke haba dokhon dokhu ame o but ka hnyi ta je dö hia:

Hagai 2:8

Haba sileva, me anyik, ke anyik gol, haingö Iehova tuhan sabaoth.

Deuteronomi 10:14

Wâ bi ûnyi anyi Iehova Khongom drany me draniny je drany, me hmeledrany, me ta je ûnyi hia thithö hnyin.

Deuteronomi 32:40

Anyin a oge me ogöranyâ hnyamok ka i hnyi drany, Me ha, ka habe, Inya oge me möt balua,

Owisa 11:35

Ke e ame wâ e, me e ame kia anyin ûkhaû, me ha, ka habe, Ekölö ge nokuk! u je hia but ohmakâ hnyekuk, ke iny vec ut gam: anyin a oge hia but fuc kö Iehova, ke ca khanö nya bi he ka hmetu.