Genese 14:12 - Iaai Bible 1901 (New Caledonia)

¹² Ke adre me hûgûnö Lota nokon liamekeiny me Aberama, waleji ame laba hnyi Sodoma, me anyin ta je ûnyi, me he but.

Genese 14:12 ပူးပေါင်းရင်းမြစ်များ

Genese 11:27

Ke walang ta je dö anyi Tera. Haba Tera ame hnöku Aberama, me Nahora, me Harana; ke Harana ame hnöku Lota.

Genese 11:31

Haba Tera ame hom Aberama a nokon, me Lota nöku Harana, a öbiny, me Sarai a ûngon, öiö Aberama a nokon; ke ödrin e tha he ûhedrin Ure hnyi Kaledaia ka he ka hnyi hnyei Kanana; ke ödrin e o but Karan me laba e.

Genese 12:5

Haba Aberama ame hum Sarai a âiân, me Lota a nokon liamekeiny më, me tang omjehedrin hia ödrin e hia but ûkböûna, me je hnyat ödrin e hia but hom unyidrin hnyi Karan; ke ödrin e he but ka hnyi hnyei Kanana; me Ödrin e o but hnyi hnyei Kanana.

Genese 14:11

Ke adre me hûgûnâ hia ta je omjeûiny Sodoma me Gomora, me anyidra ta je jeû hia, me he but.

Genese 14:14

Ke a löng ut Aberama a gʼ adre hom bâ thö keiny, me e ame oc dö vat adre hia but nâ wia, waleji adre hnöku ödrin hnyi hnyaban, wale ödrin kun ta haded ke eitin, me hnu hotudra ke ne o but Dana.

Genese 14:16

Ke e ame hom hmeto ta je ûnyi hia, ke ame hom hmetu minya Lota a keiny, me anyin ta je ûnyi, me omomo, me tavat.

Jobu 9:23

Adre me ne ie hlingâ ge osö, Me ame he ka hluma hna cubec at ae ba hnyikongon.

Numera 16:26

Ke e ame ha ka ûkhacaköu, ka habe, Öbun na vese but ûnyi hnyi je uma mano umen hnyat eang ae kong, ke ca kâlâ ke ûnyi gadrin, wâ öbun nye tha mok ge anyidrin je hulö.

Hna Omanenâ 18:4

Ke oge me löng ke hofuc minya hnyi drany ame ha, ka habe, Lakeik lö, he but ge momo, mʼ öbun e ca hnyi hanen anyin je hulo, me me ca o köbun anyin je mok:

Hna Omanenâ 3:19

Oge me nâ me kot tavat oge me betenge gadra: anyin a wale, hwege thʼ öbun me ietra ju.