Genese 14:11 - Iaai Bible 1901 (New Caledonia)

¹¹ Ke adre me hûgûnâ hia ta je omjeûiny Sodoma me Gomora, me anyidra ta je jeû hia, me he but.

Genese 14:11 ပူးပေါင်းရင်းမြစ်များ

Genese 12:5

Haba Aberama ame hum Sarai a âiân, me Lota a nokon liamekeiny më, me tang omjehedrin hia ödrin e hia but ûkböûna, me je hnyat ödrin e hia but hom unyidrin hnyi Karan; ke ödrin e he but ka hnyi hnyei Kanana; me Ödrin e o but hnyi hnyei Kanana.

Genese 14:10

Ke unöngöt Sidima hnyigöulen bucen ge ta je op hmudra; ke a kec ut li than Sodoma me Gomora, ke adre me ta ju eling, ke haba je kolon adre me kec ka hnyi bucen.

Genese 14:12

Ke adre me hûgûnö Lota nokon liamekeiny me Aberama, waleji ame laba hnyi Sodoma, me anyin ta je ûnyi, me he but.

Genese 14:16

Ke e ame hom hmeto ta je ûnyi hia, ke ame hom hmetu minya Lota a keiny, me anyin ta je ûnyi, me omomo, me tavat.

Genese 14:21

Ke haingen than Sodoma kö Aberama, ka habe, ham ju könya tavat, ke hom dö ta je ûnyi me ânyâm.

Deuteronomi 28:31

Adre me he ka hlingâ halem bolok hnyi hnyimâkâm, ke u me ca he bi ka hnyi han: adre me he ka hûgûnâ halem asina hnyi hnyimâkâm, kʼadre me ca he ka hom hmetu e köu: adre me he kaham halem je mamoe ka je iwahnaihmiony möu, ke ba at ame he ka omeli u.

Deuteronomi 28:35

Ame he Iehova ka kot li boucam me li cam ge ohuc ae vec, a at ae ca khana he ka metu, hwân hnyi hnyeûcam ke ne o but ka hnyi wanben bâm.

Deuteronomi 28:51

ke e ame he ka han wan halem je meno, me wan kânâm kânâ, ke ne o but ame hiö u but: ke e ame ca he ka bi kolon köu hwit, me waina, me wakaco, me ûsehiainy halem je kau, me lakon halem je mamoe, ke ne o but e ame ohiö u.