Genese 13:16 - Iaai Bible 1901 (New Caledonia)

¹⁶ Ke oge me he ka wia ta je mâtrânâm, me me helâ me sesâiny kânâ: waleling me a ne khana ke at he ka aû sesâing kânâ, me adre me he minya ka aû ta je mâtrânâm.

Genese 13:16 ပူးပေါင်းရင်းမြစ်များ

Genese 15:5

Me e ame su e kâ û, me ha, ka habe, Bwele thö hnyidranyai, me aû thö ta je ohkû, ame ne khanö u he ka aû e: me e ame ha kâu, ka habe, ame he ka helâe ta je mâtrânâm.

Genese 16:10

Ke haingen angela anyi Iehova kâu, ka habe, Oge me he ka ti osehia mâtrânâm, ke ca hnân öû ödra, anyin a ödra se hia.

Genese 17:16

Ke oge me he ka ohnahicâ e, ke haba khaca, oge me he ka ham köu nokom da ûnyi gan: eke, oge me he ka ohnahicâ e, kʼ ame he ka hinyen ta je hnyei; kʼ ame he ka o ûnyi gan je thaniny ta je hnyei.

Genese 17:2

Me oge me he ka ûhihinyköu möu, me oge me he ka ti osehia ta je mâtrânâm.

Genese 17:20

Ke so bi oge hia but ling u ga Isamaela: wâ bi, oge hia but hahnahicâ, me oge me he ka ohâtâ e, me ösiâ gânâ but e; e ame he ka hnokoâ ta jo taben a twelv, me oge me he ka wia e me me kamen ta je hnyei ae se hia.

Genese 17:6

Ke oge me he ka ti öei u, ke oge me he ka oâ ta je hnyei ûnyi gam, kʼ ame he ka o ûnyi gam ta je than.

Genese 18:18

anyin ame he Aberahama ka hnân hnyei ae gan me man, ke ame he ka hnahic ûnyi gan ta je hnyei hia eang hmelen?

Genese 21:13

Ke oge me he bi nya ka wia nokon momo adre ûco me hnân hnyei, anyin a e mâtrânâm.

Genese 22:17

anyin a wale oge me he ka ti ohnahici u, me ti osiâ je mâtrânâm, me me helâ me ta je okhûiny drany, me helâ me öny hnyi haten köiö; kʼ ame he mâtrânâm ha hu homagöuleiny ta je iwa-hnaimiöny më;

Genese 26:4

ke oge me he ka osiâ ta je mâtrânâm helâ me ta je okhûiny drany, me ham ta je hnyei hia thithö ang ka ta je mâtrânâm; ke adre me he ka ohnahicâ ta je hnyei hia eang hmelen ûnyi ge ta je mâtrânâm;

Genese 28:14

ke ame he ta je mâtrânâm ka helâ me sesâiny kânâ, ke u ma he ka lau jio, me deiö, me hwadrö, me hwaiöu: kʼ ame he ka hnahic ta je hnyei hia eang hmeledrany ûnyi gam me ûnyi ge ta je mâtrânâm.

Genese 28:3

Ke e so ame he Khong Ataekhanahia he ka ohnahici u, me odedu u, me osi u, me me se hia em je hnyei;

Genese 32:12

Ke u je hia but ha könya, ka habe, E hnathu oge me he ka ânyâ so köu, ke oge me he ka osehia je mâtrânâm me me helâ me Önyin köiö, wale me me ca hnân aû anyin ae se hia.

Genese 32:13

Ke e ame mokut eling hnyi hnyinghet; me e ame hom ûnyi hnyi anyin ta je ûnyi hnân bwihlany hobi kö Esau a tuhan:

Genese 35:11

Ke Khong ame ha kâu, ka habe, Inya Khong Aekhanahia: dudu but me si but; ame he ka o unyâm ke hnyei me ta je hnyei, ke ame he ka o ûnyi gam ta je than;

Genese 46:3

Ke e ame ha, ka habe, Inya Khong, a Khongon kâmâm: ca ot he ka he Aigupito ai; anyin oge me he ka wiö u eling me hnyei ae gan:

I. Je Than 3:8

Ke inya but ang a athnyabaem hnyi wanben lakem waleji u je uca, hnyei ae gan, ae pason he ka ha ûseiny, ke ca hnân aû anyin ae se hia.

I. Je Than 4:20

Ke e se hia at Juda me Isaraela, helâ me önyin köiö ûseiny, adre me han me ic me senyin.

II. Je Than 13:23

Ke haba Iehova ame betenge gadrin, me hmak gadrin, me ö drin, can anyin ûhibinyköu me Aberahama, me Isaaka, me Jekob; ke ca weny bi he ka ohiʼ ödrin, me digic ödrin bala ûnyi hnyi hnyimakan.

I. Man Ûlabainy Je Than. 21:5

Ke Joab ame ham kö Davita kahmen ûseiny tavat. Ke haba at Isaraela hia, Ödra eleven haded thauzan tavat hok hele vat: ke haba at Juda, me, foa haded ke sevente thauzan tavat hok hele vat.

I. Man Ûlabainy Je Than. 27:23

Ke a ca öû ödrin Davita tavat a twente huna me ûhnyûkong hon e: anyin a ga ha Iehova a e ame he ka osehia at Isaraela me me he ka helâ me je okhûiny drany.

II. Man Ûlabainy Je Than. 1:9

Ke walang, Iehova Khong lö, ö u ohmâ ju hwâm hofuc kö cica Davita: anyin a u je otilö nya he ka than hon tavat ae se helâ me sesâiny hmeledrany ûseidrin.

Jobu 5:25

Ke u me he ka wâ a gʼ ame he ka gan mâtrânâm; Ke ame he je sem ka helâ me ajilatiny hmeledrany.

Esodo 1:7

Ke ame dudu me si but ta je lakon Isaraela, me se hia, kʼ adre me hwege tot; ke unöngötö hnyei gadra.

Esodo 32:13

Ûnykûme ju kö Aberahama, me Isaaka, me Isaraela, a lathnyabaem, waleji hnyat u je khemanyin gam bi ködrin, me ha, ka habe, Oge me he ka osehia je mâtrânibun helâ me je okhûiny drany, ke haba hnyei hia eang waleji oge ha köbun, oge me he ka ham ka je mâtrânibun hnân idrin nyiele balua.

Jeremia 33:22

E ca khanʼ ödra he ka aû ta je ûnyi ethö hnyi drany, me tuluto je önyin köiö; ke helâe oge me he ka osehia je mâtrâni Davita athnyabaik, me at Levi a anyik tavat huliwa.

Numera 23:10

Ia ae khana he ka aû sesâi Jekob, Me ha ûseiny ke keihen a vakiny Isaraela? E na he ju mekik ka helâ me mekiny at ae wisa, Me obiny melik helâ me obiny melen.

Deuteronomi 1:10

hnö Iehova Khongubun hna osehiʼ öbun, ke wâ bi, helâ me je okhûiny drany ûsehiaibun hnyi bong ang.

Heberu 11:12

anyin a wale ame o but ûnyi ge at a khaca, ke helâke me e at ae mok, ödra se hia helâ me ta je okhûiny drany, ke helâ me önyin köiö, a ca hnân aû.

Hna Omanenâ 7:9

Hwaban ta je ûnyi e inya oge me wâ, ke wâ bi, tavat ae se hia hmonyin, wale ae ca khana ke at he ka aû, a ödra ûnyi hnyi ta je hnyei hia, me ta je tribu, me tavat, me je hwen hnyei, adre me tot hnyi hnyimakan theron, ke hnyimakan Arenio, kʼ adre khavâ je ûkhaû ae hau, ke e hnyi je hnyamödra je lan pama;

Owisa 6:3

Ke a hia but belökâ hnyei at Isaraela, me ame o at Midiana, me Amaleka, me tavat e deiö; adre meʼ o but he ka vat mödra;

Owisa 6:5

Anyin a adre me tha o me haledrin omeno, me umödra je uma mano, ke adre me o helâ me ûseiny hamon; ke ca hnân öû ödra me haledra je kamela: ke adre me o ka hnyi hnyei he ka ohiâ e.