Genese 13:10 - Iaai Bible 1901 (New Caledonia)

¹⁰ Haba Lota ame bwele me wâ dok ae thahon hia hnyi Joridano, a gʼ ame hu köiö hnyi je ke keihen hia, ke tiga ca ohia Sodoma me Gomora hnö Iehova, helâke hnyei i Iehova, helâke hnyei Aigupito, gethen Zoara ai.

Genese 13:10 ပူးပေါင်းရင်းမြစ်များ

Genese 11:27

Ke walang ta je dö anyi Tera. Haba Tera ame hnöku Aberama, me Nahora, me Harana; ke Harana ame hnöku Lota.

Genese 13:11

Me haba Lota ame ûca hobi kâu bi dok ae thahon hia hnyi Joridano: me Lota ame hok tot deiö, ke ödru me ûsâkâûö but.

Genese 13:9

Hawa, e ca e hnyei hnyi hnyimâkâm? e so ötu na ûsâkâûö: u ka he but ka hnyi ke keihen a me, awe, oge ma he bi nya ka hnyi ke keihen a metâ; ke u ka he ka hnyi ke keihen a metâ, awe, oge ma he bi nya ka hnyi ke keihen a me.

Genese 14:2

Ödrin e vat me Bera than Sodoma, me Biresa than Gomora, me Sinaba than Adema, me Semeba than Zeboim, ke than Bela minya (wale Zoara).

Genese 14:8

Me ame he but than Sodoma, me than Gomora, me than Adema, me than Zeboim, me than Bela (wale Zoara); me adre me tet metâ he ka vat mödra hnyi Sidima hnyigöulen bucen;

Genese 3:6

Ke a wâ but momo ûö, a e so hnân han, me hmanenang at ka wâ, me ûö ae ûnyi hnathu, me hnân ometâ at, me haba momo ame tau wan, me han; kʼ ame ham minya ka âiân a tha e mē, me e ame munyi han.

Genese 47:6

waleû hnyei Aigupito hnyi hnyimâkâm; olabā ju kâmâm me je liamekeiny möu hnyi kânâ ae hoso; e so ödrin e laba hnyi hnyei Gosena: ke e ka khanö u ke je hnyat ae meta unyidrin, otilʼ ödrin dö he ka musi hnyi ta je hnahat a halek.

Genese 6:2

ke haba je lakon Khong adre me wâ je lakon tavat a je hlu a ödra hmanenang; me adre me hom me laöiödra je hlu ae ve wedra.

I. Je Than 7:46

Haba than ame oköiâ e hnyi dok ae tha hon hnyi Joridano, hnyi kânâ ae keci, wanben Sukotha me Zaretana.

Jobu 40:23

Wâ bi, e ka he wagewe ka bahihingölö, e ame ca öbubuny bi: E hwege hnyekon e ka di Joridano ke ne o but hnyi hnyimen.

Salamo 107:34

Me kânâ ae wa me me hnyebubainy sâlt, Can hulo anyin tavat adre me labâ e.

Isaia 15:5

Ame tenge hynekuk ge Moaba; ame kec anyin je taben Zoara ai, wale Egelath-selisia: ke adre me vheno gethen ûheny Luhith me tenge tot; anyin a haba hnyi gethen ûheny Horonaim adre me hongot goranyai tenge ae imekiny.

Isaia 51:3

Anyin ame hia but Iehova otubweli Ziona; e ame hia but otubwelâ je dok hia thithö unyin ae ba wan, me wia hnyebubainy me me ûcû me Edena, me iny hnyei baga me me helâ me hna belök hnö Iehova; adre me he ka wâ hnyin e senyin me hobâ, me ole, me hwan khumöng.

Jeremia 48:34

Hwân hnyi Hesebona ke ne o but hnyi Eleala, me Jahaza, adre hia but hongot goranyai, ke hwân hnyi Zoara ke ne o but Horonaim ke ne o but hnyi Egelath-selisia, anyin ame he ka hme je aniny Nimera minya.

Ezekiela 16:46

Ke haba tuhâm Samaria, e me je lakon adre me laba hnyi ke keihen a men: ke haba kem a wakeiat at ame laba hnyi ke keihen a metâm, jia Sodoma me lakon wahlu.

Ezekiela 16:49

Wâ bi, walang hulo anyi Sodoma a liamekeiny möu; haba eû hnyin e me lakon wahlu, bi gan, me gan hmâ jeû, me laba monu me sot; ke e ame ca hadruâ je hna ovecâ me tavat theduoc.

Ezekiela 28:13

U je mwi but Edena hnyi hnyaban Khong; adre tubi u ge je veto hia ae ûnyi hnathu, wale sadio, me topazio, me aloma, me berulo, me soama me jasepi, me safairo, me semerado, me bereketh, me gol: e bi unyâm hna huliwan ânyâm je pate me je utkowi; adre penapena hnyi wanbâm hnyi bong adre up u hnyin.

Ezekiela 31:8

Ame ca ikâlâ e hnen ta je arasi hnyi hnyaban Khong: e ca ûcû ta je köp me ta je anginy, ke ca ûcû ta je aremoni me ta je vheiny; ke ba ûö hnyi hnyaban Khong ae ûcû mē hnyi hmanenanginy.

Ezekiela 31:9

Oge me omecâ e ge ta je anginy ae se hia: me me ciâ gan ta je ûö hia hnyi Edena, hnyi hnyei iny Khong.

Ezekiela 47:18

Ke haba hnyi ke keihen e deiö, wanben Hauran, me Damaseko, me Gileada, me hnyei Isaraela, me e bi Joridano; öbun e he ka tuluto hwân hnyi hnyigot ka hnyi hwadrö ke ne o but köiö e deiö. Wale ke keihen o deiö.

Joela 2:3

Ame han meic hnyi hnyimakodra, ke haba bâhlân ame hlâ hwabödra: haba hnyei hnyi hnyimakodra, me helâ me hnyei Edena, ke hnyebuba ae ba wan hnyi hwabödra; eke, ke ba at ame kec mot ge ioidra.

Deuteronomi 34:3

me Hwaiöu, me Dok ae tha hon hnyi hnyigöulen bucen e Jeriko, tauniny je ûö pama, ke ne o but Zoara.