Genese 12:8 - Iaai Bible 1901 (New Caledonia)

⁸ Ke e ame he ûheny e ka hnyi bucen, Bethela ke e deiö, me otilâ umen uma mano, ke e jio Bethela, ke e deiö Ai: ke e ame otilâ ke taben hut kö Iehova eling, me hawâ iö Iehova.

Genese 12:8 ပူးပေါင်းရင်းမြစ်များ

Genese 13:18

Me Aberama ame oc umen uma mano, me o but me laba hnyi sawajo anyi Mamere, wale hnyi Heberona, kʼ ame otilâ eling ke taben hat kö Iehova.

Genese 13:3

Ke e ame hok tot ûheny hnyi Hwaiöu ke ne o but Bethela, ka hnyi dok adre ip umen uma mano hnyin a bân, wanben Bethela me Ai;

Genese 13:4

me ka hnyi dok e ame otilâ hnyin taben hut a bân: ke hnyi dok eling Aberama ame hawâ iö Iehova.

Genese 21:33

Ke Aherahama ame ta ke ûö tarfa e Bere-seba, me hâwâ iö Iehova eling, Khong a Nyiele balua.

Genese 22:9

Ke ödru me o but ka hnyi dok Khong ame ha kâu; ke Aberahama ame otilâ eling taben hut, me khutâ inyâ, me co Isaaka a nokon, me ip e hon ûtoiny taben hut.

Genese 26:25

Ke e ame otilâ eling ke taben hut, me hawâ iö Iehova, me otilâ eling umen uma mano: me je lanyi Isaaka ödrin e khû an hnyi dok eling.

Genese 28:19

Ke e ame hwenyi ien dok e, me, Bethela: ke Luza ien hnyei e a bân.

Genese 31:25

Ke Labana ame hom tilö Jekob. Ke a hia but Jekob otilâ umen uma mano hon bucen: ke haba Labana me je liamekeiny më ödrin e laba hnyi bucen Gileada.

Genese 33:20

Ke e ame otilâ taben hut, me hwenyi ien e El-eloe-Isaraela.

Genese 35:3

kʼ ate me tot me he thö Bethela ai; kʼ oge me he ka otilâ taben hut eling ka Khong, at ame ling nya hnyi bong oge me vec hnyin, me tha e mönya eû hnyi gethen oge me he hnyin.

Genese 35:7

Ke e ame otilâ taben but e, me hwenyi ien dok eling Ele-bethela: anyin a Khong ame manen kâu e, hnyi ûen e ame kec ge tuhan.

Genese 4:26

Ke haba Setha, adre hnokoâ nokon ke da; ke e ame hwenyi ien Enosa: wale ûen ame bi hwân tavat he ka hawâ iö Iehova.

Genese 8:20

Ke Noa ame otilâ ke taben hnân bi hut kö Iehova; me hom ûnyi hnyi ta je meno hia a vak can ae bo so, me ta je meno hia ame gâ ae bo so, me hudo ta je hut adre le hon taben hut.

Nehemia 11:31

Ke haba laku Beniamina, ödrin e laba hwân hnyi Geba, ke ne o but Mikemas, me Aia, me Beth-ela, me je tauniny;

Salamo 116:4

Me oge me hawâ iö Iehova, ka habe, Iehova lö, ö u omelo thö hanuk.

Esodo 17:15

Ke Mose ame otilâ taben hut me hwenyi ien e Iehova-nisi:

Isaia 10:28

E ame o but hnyi Aiath, e ame vheno Migeron; e ame ip anyin bi thatûnyi hnyi Mikemas:

Joela 2:32

Ke ame he ka e bi, a haba at ame he ka hawâ iö Iehova me e ame he ka mot: anyin ame he ka hu tavat kec mot hnyi bucen Ziona me Jerusalema, helâji me hna ha hnö Iehova, ke unyin je kolon, hnyat a hawʼ ödra ga Iehova.

Ta je huliwa 2:21

Ke ame he ka möt tavat hia adre me he ka hawâ ien Than.

I. Korinito 1:2

ohmu me sihnalimen ka ekalesia anyin Khong hnyi Korinito, wale tavat adre me okabi ödra unyi Iesu Keriso, kʼ adre me hawʼ ödra me wakap, tha ödra me tavat hia thithö hnyi je dok hia adre me hawâ ien Tuhöta a Iesu Keriso, a Tuhödra ke Tuhötin:

Heberu 11:9

Hnen labageju e ame laba kanyua hnyi hnyei adre ha bânâ, waleji a ca iny bi, me laba hnyi je uma mano, tha e me Isaaka me Jekob, ae tha hu hwajekhöudru më hnyi hna ha bânâ:

Josua 18:22

me Beth-araba, me Zemari, me Beth-ela;

Josua 22:10

Ke ödrin e o hnyi baten Joridano hnyi hnyei Kanana, me haba je laku Reubena, me je laku Gada, me hafiny tribu Manase ödrin e otilâ taben hut hnyi Joridano, tap ae gan hnân wâ.

Josua 7:2

Ke haba Josua ame kunâ ke je hnyat ûheny Jeriko Ai ai, wale ae hakekeny Beth-aven, hnyi ke keihen Beth-ela ke deiö, me ha ködra, ka habe, He thʼ öbun me ecmâkâ hnyei Me ame he je hnyat me ecmâkâ Ai.

Josua 8:12

Ke e ame hom helâ me faiv thauzan tavat me ip duöngi ödrin hnyi wanben Bethela me Ai, hnyi ke keihen taun ke e jio.

Josua 8:17

Ke ba at biju hnyi Ai me Bethela a ca hnyi he hoton at Isaraela; ke adre me hna taun adre khong, me hnu at Isaraela.

Josua 8:3

Me ame höhöi thö Josua me tavat vat hia thithö, he ka he Ai ai: ke Josua ame ûca thote thauzan tavat, je hnyat ae hwege vat, me kunʼ ödrin hnyi hnyinghet.

Josua 8:30

Ke haba Josua ame otilâ taben hut kö Iehova, Khongon at Isaraela, hnyi bucen Ebala,

Josua 8:9

Ke Josua ame kunʼ ödrin: ke ödrin e he ka hnyi dok hnân khöu mokut hnyin, me laba wanben Bethela me Ai, hnyi ke keihen e jio Ai: ke Josua ame mokut hnyi lit eling unyin tavat.

Owisa 6:24

Me haba Gideona ame otilâ taben hut eling kö Iehova, me hwenyi ien e Iehova-salom: ke ka e bi hnyi Ofera anyin at Ahiezera, ke ne o but hnyi bong ang.

I. Samuela 30:27

ködrin hnyi Beth-ela, me Bamoth hnyi hwaiöu, me Jatira;