Genese 12:7 - Iaai Bible 1901 (New Caledonia)

⁷ Ke ame manen dut Iehova kö Aberama, ame ha, ka habe, Oge me he ka ham hnyei ang ka ta je mâtrânâm: me e ame otilâ eling taben hut kö Iehova at ame manen kâu.

Genese 12:7 ပူးပေါင်းရင်းမြစ်များ

Genese 12:8

Ke e ame he ûheny e ka hnyi bucen, Bethela ke e deiö, me otilâ umen uma mano, ke e jio Bethela, ke e deiö Ai: ke e ame otilâ ke taben hut kö Iehova eling, me hawâ iö Iehova.

Genese 13:15

anyin a haba hnyei hia u ma wâ, oga ma he ka ham köu, me je mâtrânâm nyiele balua.

Genese 13:17

Todrö, vheno thö hnyei hnyi ibeûen me ûlauen; anyin oge me he ka ham e köu.

Genese 13:18

Me Aberama ame oc umen uma mano, me o but me laba hnyi sawajo anyi Mamere, wale hnyi Heberona, kʼ ame otilâ eling ke taben hat kö Iehova.

Genese 13:4

me ka hnyi dok e ame otilâ hnyin taben hut a bân: ke hnyi dok eling Aberama ame hawâ iö Iehova.

Genese 15:18

Haba hnyi bong eling Iehova ame ha ûhihinyköu me Aberama, ka habe, Oge hia but ham hnyei ang ka ta je mâtrânâm, hwân hnyi wageweiny Aigupito keneo but wagewe ae gan, wale wagewe Euferate:

Genese 17:1

KE nainte nain hunai Aberama, me ame manen dut Iehova kö Aberama, me ha kân, ka habe, Inya ang Khong Ataekhanahia; u ma he hnyi hnyimakök, ke wisa but.

Genese 17:3

Ke Aberama ame ta hnyimakan hnyikânâi: ke Khong ame ha hofuc kâu, ka habe,

Genese 17:8

Me oge me he ka ham köu, me ta je mâtrânâm hwabâm, hnyei u me laba kanyua hnyin, a hnyei Kanana hia, hnân gam nyiele balua; ke oge me he ka Khongudrin.

Genese 18:1

KE Iehova ame manen dut kâu hnyi sawajo anyi Mamere, kʼ ame laba hnyi hwanumen umen uma mano hnyi jebigö;

Genese 22:9

Ke ödru me o but ka hnyi dok Khong ame ha kâu; ke Aberahama ame otilâ eling taben hut, me khutâ inyâ, me co Isaaka a nokon, me ip e hon ûtoiny taben hut.

Genese 24:7

Haba Iehova, Khongon drany, waleji at a hum nya ûhek hnyi hnyaba cica, me ûnyi hnyi hnyei adre hnöku nya hnyin, at ame ha könya me khemanyin könya, ka habe, Oge me he ka ham hnyei eang ka ta je mâtrânâm; haba at eling ame he ka kunâ anyin angela hnyi hnyimâkâm, ke u me he ka hok ûnyi eling âiân nökuk.

Genese 26:25

Ke e ame otilâ eling ke taben hut, me hawâ iö Iehova, me otilâ eling umen uma mano: me je lanyi Isaaka ödrin e khû an hnyi dok eling.

Genese 26:3

u ma laba kanyua hnyi hnyei eling, ke oge me he ka tha e möu, me ohnahici u; anyin oge me he ka ham köu me ta je mâtrânâm ta je hnyei hia eang, me oge me he ka ohwâdâ hnök hna ûhihinyköu kö Aberahama a kâmâm;

Genese 28:13

Ke wâ bi, ame tot Iehova ethö hon e, me ha, ka habe, Inya Iehova, Khongu Aberahama a kâmâm, me Khongu Isaaka: haba kânâ u me mokut hnyin, oge me he ka ham e köu, me je mâtrânâm;

Genese 28:4

me ham köu hna hahnahici Aberahama, köu, me ka ta je mâtrânâm; mʼ u ma he ka hu bi hnyei u me laba kanyua hnyin, waleji hnen Khong hna ham kö Aberahama.

Genese 32:30

Ke Jekob ame hwenyi ien dok e Peniela, haingen, anyin a oge iohnyimak me Khong, kʼ iny möt bi.

Genese 33:20

Ke e ame otilâ taben hut, me hwenyi ien e El-eloe-Isaraela.

Genese 35:12

ke haba hnyei waleji oge ham kö Aberahama me Isaaka oge me he ka ham köu, kʼ oge me he ka ham hnyei ka ta je mâtrânâm a hwâbâni.

Genese 35:7

Ke e ame otilâ taben but e, me hwenyi ien dok eling Ele-bethela: anyin a Khong ame manen kâu e, hnyi ûen e ame kec ge tuhan.

Genese 50:24

Ke haingö Josefa ka je liamekeiny me, ka babe, Oge me be but ang ka mok: ke e hnathu ame be Khong ka senʼ obun, me hum öbun tinyi hnyi hnyei eang ka hnyi hnyei e ame khemanyiuâ ko Aberahama, me Isaaka, me Jekob.

Genese 8:20

Ke Noa ame otilâ ke taben hnân bi hut kö Iehova; me hom ûnyi hnyi ta je meno hia a vak can ae bo so, me ta je meno hia ame gâ ae bo so, me hudo ta je hut adre le hon taben hut.

II. Samuela 24:25

Ke haba Davita ame otilâ taben bi hut kö Iehova eling, me hudo je hudiny leû, me je hudiny ole. Ke Iehova ame kap je hna khöû hobi kâu hnyei, me ame hia ju mok ae cap unyin at Isaraela.

I. Je Than 18:32

Haba e ame khon je veto hnân taben hut hnyi iö Iehova; ke e ame biny thop igigilö taben hut, haba kahmen thop wale ae ûcû ka ip eû hnyin lo li sea hwit.

I. Man Ûlabainy Je Than. 16:16

Waleji e ame ânyâ me Aberahama, Me hnen hna khemanyin kö Isaaka;

I. Man Ûlabainy Je Than. 16:18

Ka habe, Oge me he ka ham köu hnyei Kanana, A hwajeköû me hnân ibun:

II. Man Ûlabainy Je Than. 20:11

wâ bi, hnödrin hna bi hwaban kohmun, me o but ang he ka obʼ ohmu ûnyi hnyi em hnyei waleji u je ham kohmun.

II. Man Ûlabainy Je Than. 20:7

Hawa Khonguhmun lö, ca u at ame obâ tavat adre me labā hnyei ang hnyi hnyimakan lakem a at Isaraela, me ham e ka mâtrâni Aberahama a hânâm nyiele balua?

Ezera 3:2

Me ame todrö Jesua nöku Jozadaka me je liamekeiny mē a tavat bihut, me Zerubabela nöku Sealetiela, me je liamekeiny mē, me otilâ taben hut anyin Khongon Isaraela, hnân hudo je hudiny leû hon e, helâ me hna sihnalimen hnyi hnanyibu anyi Mose aten Khong.

Esodo 17:15

Ke Mose ame otilâ taben hut me hwenyi ien e Iehova-nisi:

Esodo 24:4

Ke haba Mose ame sihnalimen je hofuc ho Iehova, me vesâkong, me otilâ taben hut hmelen bucen, me je veto ame tot a twelv hoton je tribu a twelv anyin at Isaraela:

Esodo 32:13

Ûnykûme ju kö Aberahama, me Isaaka, me Isaraela, a lathnyabaem, waleji hnyat u je khemanyin gam bi ködrin, me ha, ka habe, Oge me he ka osehia je mâtrânibun helâ me je okhûiny drany, ke haba hnyei hia eang waleji oge ha köbun, oge me he ka ham ka je mâtrânibun hnân idrin nyiele balua.

Esodo 33:1

KE Iehova ame ha kö Mose, ka habe, Hna but dok ang, ke he thö ûhem ang me tavat waleji u je hom ûhedra hnyi hnyei Aigupito, ka hnyi hnyei oge ûhibinyköuâ kö Aberahama, me Isaaka, me Jekob, ka habe, Oge me he ka ham ka je mâtrânâm:

Esodo 6:3

ke oge manen dut kö Aberahama, me Isaaka, me Jekob, a inya Khong Aekhanahia, ke ca khanʼ odrin bi ehac a haba iök me iehova.

Esodo 6:4

Ke oge hia but ohmâ anyik ûhihinyköu inödrin, be ka ham ködrin hnyei Kanana, waleji hnyei odrin e labö he kanyua hnyin hnyi hnödrin hna be kanyua.

Jeremia 3:18

Hnyi je bong eling ame he lap anyi Juda ka tha he me lap anyi Isaraela, ke adre me he ka tha o ûnyi hnyi hnyei hnyi hwadro ka hnyi hnyei waleji oge ham ka lakamöbun me hnân ibun.

Numera 26:53

Adre me he ka khenâ hnyei ka tavat eling hoton ûseiny je ien.

Numera 32:11

Haba tavat adre he jem ûhedra Aigupito, hwân ge tavat a twente huna me gan hon e, me adre me ca he ka hnyi wâ hnyei waleji oge khemanyin kö Aberahama me Isaaka, me Jekob; anyin adre me ca hnu hotuk hnyi ta je ûnyi hia:

Ta je huliwa 7:5

ke e ame ca ham kâu ke hwajekhon hnyin, e ba hmonyin ke ong dok helâ me hwadeny hnyeûcan: ke e ame ha bânâ he ka ham kâu me hnân iny, me hnân iny je mâtrâniny hwaban, waleji ke tiga ba nokon.

Roma 9:8

Walang bongon, a haba je lakon unyin, me ca je lakon Khong bi ödra; ke haba je lakon hna ha bânâ, me, adre me ha wale je mâtrân.

Galatia 3:16

Ke adre ha ta je hna ha bânâ kö Aberahama me mâtrâniny. E ame ca ha, ka habe, Ka ta je mâtrân, helâke me se hia; ke helâke me khaca thibi, ka habe, Ka mâtrânâm, wale Keriso.

Galatia 4:28

Hnyat me lakeiny lö, öta ang lakon hna ha bânâ, helâji me Isaaka.

Deuteronomi 1:8

Wâ bi, oge hia but ip hnyei hnyi hnyimaköbun: he thʼ öbun me labā hnyei waleji ame khemanyin ka lakamöbun, a Aberahama, me Isaaka, me Jekob, he ka ham ködrin, me je mâtrânidrin hwabödrin.

Deuteronomi 30:20

me hnyok ju kö Iehova Khongom, me löng hoton hwan hofuc, me kece kâu; anyin a e melam, ke at ame osehia bongom je bong: mʼ u me he ka labā hnyei Iehova ame khemanyin ka lakâmâm, jia Aberahama, me Isaaka, me Jekob, he ka ham ködrin.

Deuteronomi 34:4

Ke Iehova ame ha kâu, ka habe, Walang hnyei oge me khemanyin kö Aberahama, me Isaaka, me Jekob, me ha, ka habe, Oge me he ka ham e ka ta je mâtrânâm: oge hia but omanenâ e ka hnyi li emâkâm, ke u me ca hnyi he bi ka hnyin.

Deuteronomi 6:10

Ke ka hum u hnö Iehova Khongom ka hnyi hnyei waleji e ame khemanyin ka lakâmâm, a Aberahama, me Isaaka me Jekob, he ka ham köu, a je taun ae gan me so wale u je ca op,

Deuteronomi 9:5

Ca ûnyi: ge hwakecâm ae wisa, me wisainy hnyekom, wale me u me he me hûgûnâ idra hnyei: ke so bi can hwakecin ae kong anyin tavat eling Iehova Khongom ame obʼ ödra hnyi hnyimâkâm, me me hwâdâ hofuc waleji a khemanyin Iehova ka lakâmâm, a Aberahama, me Isaaka, me Jekob.

Heberu 11:13

Adre mok hia ju tavat e hnyi labageju, ke tiga ca hwâdâ je hna ha bânâ, ke adre me wâ me senyinâ ta je ûnyi e ke tiga sâkâu bi, ke adre haimemenâ, ka habe, ödra ta je atkanyaua me tavat vhevhe eang hmelen.

Heberu 11:8

Hnen labageju Aberahama ame löng hoton, waleji adre hawâ he ka he ka hnyi ke hnyei e ame he ka hu me hnân hwajekhon; me e ame he thö ke ca khana dok e ame he ka hnyin.

Josua 1:6

Hwege thö, ke hnyok baga but: anyin a hamâm he ka ohuâ hnyei ka tavat eang, waleji oge me khemanyin he ka ham ka lakamödra.

Josua 22:10

Ke ödrin e o hnyi baten Joridano hnyi hnyei Kanana, me haba je laku Reubena, me je laku Gada, me hafiny tribu Manase ödrin e otilâ taben hut hnyi Joridano, tap ae gan hnân wâ.

Josua 8:30

Ke haba Josua ame otilâ taben hut kö Iehova, Khongon at Isaraela, hnyi bucen Ebala,

Owisa 6:24

Me haba Gideona ame otilâ taben hut eling kö Iehova, me hwenyi ien e Iehova-salom: ke ka e bi hnyi Ofera anyin at Ahiezera, ke ne o but hnyi bong ang.

I. Samuela 7:17

Ke e ame labö hmetu Rama ai, anyin a waleling umen uma; ke e ame owisa eling ka at Isaraela: ke e ame otilâ eling ke taben hut kö Iehova.