Genese 12:1 - Iaai Bible 1901 (New Caledonia)

¹ KE haba Iehova ame ha kö Aberama, ka habe, He but ûhem hnyi gam, me ânyâm lap, me hnyaban kâmâm, ka hnyi hnyei oge me he ka omanenâ köu:

Genese 12:1 ပူးပေါင်းရင်းမြစ်များ

Genese 15:7

Me e ame ha kâu, ka habe, Inya Iehova, at ame su u ûhem Ure hnyi Kaledaia, me me he ka ham köu hnyei ang hnân em.

Genese 20:13

ke haba hnyi ûen Khong ame ohei nya ûnyi hnyi hyaba cica, me oge me ha kâu, ka habe, Walang ânyâm ibetengiö u me he ka ânyâ könya, a haba hnyi ta je hnyei ötu me he ka o hnyin, u me he ka haiö nya, ka habe, Hanik ang.

Genese 24:38

ke u ma he ka hnyi hnyaba cica, me anyik lap, me hok âiân nökuk.

Genese 24:4

ke u ma he ka hnyi ik hnyei, me anyik lap, me hok âiân nökuk jia Isaaka.

Genese 24:7

Haba Iehova, Khongon drany, waleji at a hum nya ûhek hnyi hnyaba cica, me ûnyi hnyi hnyei adre hnöku nya hnyin, at ame ha könya me khemanyin könya, ka habe, Oge me he ka ham hnyei eang ka ta je mâtrânâm; haba at eling ame he ka kunâ anyin angela hnyi hnyimâkâm, ke u me he ka hok ûnyi eling âiân nökuk.

Genese 26:2

Ke Iehova ame manen dut kâu, me ha, ka habe, Ca he Aigupito ai; laba ju hnyi hnyei oge me he ka ha köu:

Nehemia 9:7

U thibi Iehova Khong, wale at ame ûco Aberama, me hom e ûheny Ure hnyi Kaledaia, me hwenyi ien Aberahama;

Isaia 37:12

Hawa, a hia but je khongon je hnyei omeli ödra waleji a ohia hnen lakamök, waleji Gozana, me Karan, me Rezef, me laku Edena hnyi Thalasa?

Isaia 41:9

a u at oge me kât ûnyi hnyi je can hmeledrany, ke hawâ ûnyi hnyi je ke keihen e, ke ha köu, ka habe, U thibi, athnyabaik oge ûco u ke ca hna degeci u;

Isaia 51:2

Wâ thö kamöbun a Aberahama, me Sara at a hnöku öbun: anyin oge hawâ e ke tiga khaca, ke oge me ohnahicâ me osehia e.

Ezekiela 33:24

Nokon at lö, ame ha tavat adre me labâ je dok ae hwahwacit ehele hnyi Isaraela, ka habe, Hake Aberahama thibi, ke e hu gan hnyei: ke ohmun se hia bi; ke adre hia but ha kohmun hnyei me me ihmun.

Numera 10:30

Ke e ame thu kâu, ka habe, Oge me ca he ka hnyi he, ke oge me he bi nya ka hnyi ik hnyei me anyik lap.

II. Korinito 6:17

Anyin a wale, haingen Than, ka habe, Didrut öbun gadra, ke ve laba but, Ke ca kâlâ bi ûnyi ae ikiki; Ke oge me he ka köp öbun,

Heberu 11:8

Hnen labageju Aberahama ame löng hoton, waleji adre hawâ he ka he ka hnyi ke hnyei e ame he ka hu me hnân hwajekhon; me e ame he thö ke ca khana dok e ame he ka hnyin.

Hna Omanenâ 18:4

Ke oge me löng ke hofuc minya hnyi drany ame ha, ka habe, Lakeik lö, he but ge momo, mʼ öbun e ca hnyi hanen anyin je hulo, me me ca o köbun anyin je mok: