Genese 10:4 - Iaai Bible 1901 (New Caledonia)

⁴ Ke haba laku Javana; Elisa, me Tasesa, me Kitim, me Dodanima.

Genese 10:4 ပူးပေါင်းရင်းမြစ်များ

Genese 10:5

Unyi gadrin adre me khenâ ta je bomeneiny ta je dökhu hnyi idrin je hnyei, hoton je ve hwen hodra; hoton anyidrin je lap, hnyi dökhudrin je dökhu.

I. Man Ûlabainy Je Than. 1:7

Ke haba je baga laku Javana; Elisa, me Tasesa, me Kitim, me Dodanima.

Isaia 23:1

HOK honen Turo. Je huiny Tasesa lö, kuku tenge thö; anyin ae ba wan e, ke ba uma, ke ba hna dit: adre me omanenâ e kodra ûnyi hnyi Kitim.

Isaia 23:12

Ke e ame ha, ka habe, U me ca he hmetu ka hobelöu, u hluiny Ziona adre me okongu u: tödrö, he thö Kitim ai; ke ba bi hna menâ eling hobi köu.

Ezekiela 27:12

Tasesa ame ûcû omjehem anyin ae ti se hia je ve bongon omjeû hia; kʼ adre me ûcû sileva me fao me bras me led hnyi ânyâm je hna ûcû.

Ezekiela 27:25

Haba je huiny Tasesa hnân hauden omjehem adre ûco: ke adre me öunöngöti u, me ohmanenangi u hnyi wanben je köiö.

Ezekiela 27:6

Adre hia but ânyâ ânyâm je wi a je iwajoiny Basana; adre hia but tibet ânyâm je tap ge utö tasura adre me omecâ ge nyon elefan, ûnyi hnyi je bomeneiny Kitim.

Ezekiela 27:7

Mano lino ae ve bongon ûnyi Aigupito u je ulolo hnân hûnyû me me ânyâm boûdila; mano ae udrudrâ ke udrudrâ hlit ûnyi hnyi je bomeneiny Elisa ânyâm unyitung.

Daniela 11:30

Anyin ame he je huiny Kitim ka he ûcon; anyin a wale, e ame he ka hmak, me hmetu me hmonyin ka ûhihinyköu ae kap, me ânyâ weny bi: e ame he ka hmetu me tha ûhnenamö me tavat adre rae degec ûhihinyköu ae kap.

Numera 24:24

Ke ame he ka khöp je hu ûheny Kitim, Me adre me he ka oveci Asura, me oveci Heberu, Kʼ adre me he ka ohia e bi hnyi obiny