Genese 10:22 - Iaai Bible 1901 (New Caledonia)

²² Haba laku Sema; Elama, me Asura, me Afasada, me Luda, me Arama.

Genese 10:22 ပူးပေါင်းရင်းမြစ်များ

Genese 10:21

Ke Sema ame hnokoâ lakon, haba e kamen laku Heberu hia, ke liamekeiny me Jafeta a atö.

Genese 11:10

Walang ta je dö anyi Sema, khaca haded hunai Sema, ke e ame knöku Afasada hnyi huna a loiny hwaban uoû:

Genese 9:26

Ke e ame ha, ka habe, Haisoi Iehova, Khongu Sema; Me hamö Kanana ka bi athnyabainy.

II. Je Than 15:19

Ke ame o but Pula than Asuria he ka vat me hnyei; ke haba Menahema ame ham kö. Pula khaca thauzan talan sileva, me me hadruâ e he ka ohmâ dökhu unyin.

Jobu 1:17

Ke e ame tiga fuc, me ame o but ke at me ha, ka habe, Haba at Kaledaia ödrin e vesâ me me kun ta deö vat, me utut ka ta je kamela, me hûgûnʼ ödrin, eke, me kot ta je athnyaba ge hele vat; ke inya thiju ang kolon oge me thumetu u.

Isaia 11:11

Ke hnyi bong eling ame he hmetu Iehova ka olo inâ hnyamen he ka hom kolon lakeiny, wale a tiga laba, ûheny Asuria me Aigupito, me Patherusi, me Kuza, me Elama, me Sinara, me Hamath, me ûnyi hnyi ta je bomene hnyi köiö.

Isaia 21:2

Adre thumetu nya ge hna omanenâ ae hmak; at ânyâ hwakecin iyawâ ame iyawâ, ke at sei ame söh. Elama lö, ölö thö; Madai lö, igigilo ju; oge hia but umo je bongon mâng hia.

Isaia 22:6

Ke Elama ame hom thi fana, me je kariota me tavat tabö hors: ke Kira ame uny ju hna tube bec.

Isaia 66:19

Ke oge me he ka ip unyidra haten, ke oge me he ka kunâ ka hnyi ta je hnyei tavat gadra adre me kec möt, Tasesa ai, me Pula ai me Luda ai, wale tavat hlic fana, me Tubala ai, me Heleni ai, me ka hnyi je bomene ae sâkâû, tavat adre me ca hnyi long ûthumetu gak, me ca wâ anyik hmanenang: ke adre ma he ka khetâ anyik hmanenang ka hnyi je hnyei.

Jeremia 25:25

me ta je thaniny hia Zimeri, me ta je thaniny hia Elama, me ta je thaniny hia Madai;

Ezekiela 32:24

E bi Elama me aten hia ae se igigilo anyin erkemok: tavat adre hlingʼ ödra, kʼ adre ta ge hele vat, kʼ adre me utut kâû ka hnyi kânâ a gʼ adre ca peritomonâ, waleji tavat adre ot gadra ödra tiga möt, kʼ adre me tha hmehma me tavat adre me utut ka hnyi thop.

Daniela 8:2

Ke inya oge me wâ hnyi hna omanenâ; ke hnyi ûen oge me wâ, me oge me laba hnyi Susani hnyi uma umen than hnyi ke keihen hnyei a Elama; ke oge me wâ hnyi hna omanenâ, ke inya but hnyi wagewe Ulai.

Numera 23:7

Me e ame ha anyin ûhöûcû, ka habe, Balaka ame hum nya ûhek Arama, Wale than Moaba ûnyi hnyi je bucen e Deiö: Aiö u, hangö Jekob hobi könya, Ke aiö u, me û Isaraela.

Numera 24:22

Ke so bi adre me he ka oaûâ at Keni, Ke ne o bût Asura ame hum u ka hnyi bâ

Luka 3:36

mâtrâni Kanana, mâtrâni Afasada, mâtrâni Sema, mâtrâni Noa, mâtrâni Lameka,

Ta je huliwa 2:9

At Parathia, me Madai, me Elama, me tavat adre me laba hnyi Mesopotamia, me Juda, me Kapadokia, me Ponoto, me Asia,