Genese 10:19 - Iaai Bible 1901 (New Caledonia)

¹⁹ Ke haba hnyigöulen at Kanana, me, ûheny Zidona, gethen ame he Gerara ai, ke ne o but Gaza: deny ka he Sodoma ai, me Gomora, me Adema, me Zeboim, ke ne o but Lasa.

Genese 10:19 ပူးပေါင်းရင်းမြစ်များ

Genese 10:18

me at Arevadi, me Zimari, me Hamath, ke hwaban dö e, adre oveseâ je lap anyi Kanaba.

Genese 10:20

Wale je laku Hama, hoton anyidrin je ve lap, me je hwen gadrin hnyi idrin je hnyei, me dökhudrin je dökhu.

Genese 14:2

Ödrin e vat me Bera than Sodoma, me Biresa than Gomora, me Sinaba than Adema, me Semeba than Zeboim, ke than Bela minya (wale Zoara).

Genese 14:3

Haba tavat hia eling adre me iouny dö hnyi Sidima hnyigöulen bucen (wale Nem ae Hiny).

Genese 18:20

Ke Iehova ame ha, ka habe, E hnathu e gan hmâ but tenge anyin Sodoma me Gomora, ke e hnathu e ti hmak ut anyidrin hulö;

Genese 20:1

KE Aberahama ame hok tot ûheny e ka hnyi hnyei hnyi Whaiöu, me laba wanben Kadesi me Sura, me e ame laba kanyua e Gerara.

Genese 26:1

HE hmiâ thö hnyei, ke ke hmiâ ehac hnyi bong bongu Aberahama. Ke Isaaka ame he Gerara ai kö Abimeleke thaniny at Filisiti.

II. Man Ûlabainy Je Than. 14:12

Me haba Iehova ame kot at Aithiope hnyi hnyiinakö Asa, me Juda; me ame kec dö at Aithiope.

II. Man Ûlabainy Je Than. 14:13

Ke haba Asa me tavat unyin ödrin e hnu ödrin ke ne o but hnyi Gerara: me ame ta but at Aithiope ae se hia me me ba hmetu manidrin; anyin adre ohi ʼödrin hnyi hnvimakö Iehova, me anyin utbavat; ke ti gan ta je ûnyi adre so.

Jobu 38:20

Me u me he ka hom e ka hnyi hnyigöulen e, Me wâhmakhmeto je gethen ka hnyi umen uma?

Isaia 23:11

E ame hia but hai hnyamen hon köiö, e ame oöbubunyâ je dokhu: a hia but hûna Iehova ge Kanana, mʼ adre me he ka ohia je hnabâiny.

Isaia 23:4

Zidona lö, hmehma ju: anyin a hia but fuc hnen köiö, haingen hnabâiny köiö, ka habe, A ca vec hnyekuk, me hnokoâ, ke oge me ca hat je hidröu, me tuö wahlu.

Jeremia 25:20

me ke je tavat bi ae ve bongon hia, me ta je than hia thithö hnyei Uza, me ta je than hia thithö hnyi hnyei Filisiti, me Asekelona, me Gaza, me Ekerona, me je kolon hnyi Asedoda;

Jeremia 47:1

WALANG hofuc ho Iehova ame o kö Jeremia perofeta ge at Filisiti, kʼ ame tiga ca kot Gaza ga Farao.

Ezekiela 28:21

Nokon at lö, hnyimâkâm dö ka Zidona, me perofeta ûcon,

Hosea 11:8

Eferaima lö, oge me he ka kâmâu ka hna degeci u? Isaraela lö, oge me he ka kâmâu ka hnö u? oge ma kâmâu ka wiö u helâ me Adema? me ip u helâ me Zeboim? kʼ ame hwio oûnykûmik eû hnyi hnyekuk, kʼ ame tha kû gan hmâ thö anyik je tang betenge.

Ta je huliwa 8:26

Haba angela anyin Than ame ha kö Filipo, ka habe, Todrö, he thö ka hnyi hwaiöu, ka hnyi gethen ûheny Jerusalema Gaza ai: wale hnyebuba.

Deuteronomi 2:23

ke haba at Avi tavat adre me laba hnyi je ong taun ke ne o but Gaza, a at Kafetori, a tavat adre o ûheny Kafetori, adre me ohiʼ ödra me laba hnyi hnödra.)

Deuteronomi 32:8

Hnyi ûen waleji Beönua ame ha idrin ka ta je hnyei hnyin, Kʼ ame oveseâ lakon tavat, Me wale e ame kia je hnyigöulen tavat, Hoton ûganiny lakon Isaraela.

Josua 19:28

me Heberona, me Rehoba, me Hamona, me Kana, ke ne o but Zidona ae gan;

Owisa 16:1

KE Samasona ame he Gaza ai, me e ame wâ eling momo hnyi gethen, ke e ame didro kâu.

Owisa 6:4

me adre me hunuma cici ödra, me okongoâ jeûiny kânâ ke ne o but Gaza, ke ba hmetu omelen at Isaraela, ame ne mamoe, me kau, me asina.

I. Samuela 13:18

ke ke bunyen ame saû hnyi gethen ûheny Bethe-horona: ke ke bunyen bi ame saû ka hnyi getheniny hnyigot cicö hnyigöulen bucen Zeboim hnyi hnyebuba.