Genese 10:15 - Iaai Bible 1901 (New Caledonia)

¹⁵ Ke Kanana ame hnöku Zidona a atö, me Heth;

Genese 10:15 ပူးပေါင်းရင်းမြစ်များ

Genese 23:3

Kʼ ame todrö Aberahama unyin kokiny komok, me ha ka je laku Heth, ka habe,

Genese 24:3

me oge me he ka ha köu he ka khemanyin könya hnyi hnyimakö Iehova, Khongon drany, me Khongon hmeledrany, a u me ca he ka hok âiân nökuk unyin je hlu lakon at Kanana, wale oge me laba unyidra:

Genese 49:13

Ame he Zebulona ka laba hnyi wasaû: Kʼ ame he ka khöp unyin ta je hu; Kʼ ame he ka o hnyigöulen hnyi Zidona.

II. Samuela 11:3

Ke Davita ame ûkhûnöng he ka hnei ge momo. Ke haingen ke at, ka habe, hawa, ca Bathe-seba e a nöku Eliama, öiö Uria at Heth?

II. Samuela 24:6

ke ödrin e o but hnyi Gileada, me hnyei Tati-hodesi; ke ödrin e o hnyi Dana-jaan, me wadrâ Zidona,

I. Man Ûlabainy Je Than. 1:13

Ke haba Kanana ame hnöku Zidona atö, me Heth;

Esodo 3:8

kʼ oge me utut ang he ka hûgûnʼ ödra ûnyi hnyi hnyamen at Aigupito, me hum ödra ûnyi hnyi hnyei eling ka hnyi ke hnyei ae so me au, a hnyei ame di hnyin debai me hane; a hnen at Kanana, me at Heth, me at Amora, me Perizi, me Hivi, me Jebusi.

Esodo 34:11

Wâ wia hnök hna hûna köu hnyi bong ang: wâ bi, oge me he ka obâ hnyi hnyimâkâm at Amora, me Kanana, me Heth me Perizi, me Hivi, me Jebusi.

Isaia 23:4

Zidona lö, hmehma ju: anyin a hia but fuc hnen köiö, haingen hnabâiny köiö, ka habe, A ca vec hnyekuk, me hnokoâ, ke oge me ca hat je hidröu, me tuö wahlu.

Jeremia 47:4

can bong ame o he ka söh at Filisiti hia, me subâ degecâ e hnyi Turo me Zidona ta je ûhadruo a laba biju: anyin ame he Iehova ka söh at Filisiti, ta je kolon bomene Kafetori.

Ezekiela 27:8

Aten Zidona me Arevadi ânyâm tavat galu, Turo lö, haba tavat ae metâ hnyi wanbâm, me wale tavat adre me kû deny je hu.

Ezekiela 28:21

Nokon at lö, hnyimâkâm dö ka Zidona, me perofeta ûcon,

Josua 11:8

Ke Iehova ame hnʼ ödra ka at Isaraela, me adre me kuc ödra, me hnu ödra ke ne o but Zidona ae gan, ke ne o but Miserefo-maim, me hnyigöulen bucen Mizepa e deiö; me adre me kuc ödra ke ne o but ame ba but kolon.

I. Samuela 26:6

Ke Davita ame ha kö Abimelek at Heth, me Abisai nöku Zeruia, liamekeiny me Joab, ka habe, Ie at ame he ka tha utut mönya kö Saulo ka hnyi hna hunuma? Haingö Abisai, ka habe, Ötu he.