Genese 10:10 - Iaai Bible 1901 (New Caledonia)

¹⁰ Ke haba hwâniny dokhon dökhu, me, Babela, me Ereka, me Akada, me Kalene, hnyi hnyei Sinara.

Genese 10:10 ပူးပေါင်းရင်းမြစ်များ

Genese 10:9

E at ae hwege he ka hnu ta je meno hnyi hnyimakö Iehova: waleling mʼ adre me ha, ka habe, Helâ me Nimeroda at hwege he ka hnu ta je meno hnyi hnyimakö Iehova.

Genese 11:2

Ke adre me tiga hok töt deiö, me adre me wâ ke dok ae thahon hnyi hnyei Sinara; ke adre me labā e.

Genese 11:9

Anyin a wale, adre me hwenyi ien e, Babela; anyin a Iehova ame omonoâ eling hwan hmeledrany hia: ke Iehova ame ovesei odra ûheny e ka hnyi hmeledrany hia.

Genese 14:1

KE haba hnyi je bong bongu Amerafela than Sinara, me Arioka than Elasara, me Kedalaoma than Elama, me Tidala than Goiim,

Isaia 10:9

Hawa, e ca tha ûcû Kalene me Kakemis? ke ca ûcû Hamath me Arepada? ke ca ûcû Samaria me Damaseko?

Isaia 11:11

Ke hnyi bong eling ame he hmetu Iehova ka olo inâ hnyamen he ka hom kolon lakeiny, wale a tiga laba, ûheny Asuria me Aigupito, me Patherusi, me Kuza, me Elama, me Sinara, me Hamath, me ûnyi hnyi ta je bomene hnyi köiö.

Isaia 39:1

HNYI ûen eling haba Merodaka-baladana nöku Baladana, than Babulona ame kunâ je tusi me je bwihlany kö Hezekia; anyin ame long ut a ga ne mokcu ke a möt hmetu thö.

Jeremia 21:2

Ö u hnei Iehova thö gatin; anyin a Nebukaneza than Babulona ame vat mötin: ame ne he Iehova ka ânyâ hobi kötin hoton anyin ta je huliwa hia hnân lâiâ, me me he ka he but gatin.

Jeremia 50:1

HOFUC ame ha Iehova ge Babulona me hnyei Kaledaia a deny Jeremia perofeta.

Jeremia 50:21

He thö ka hnyi hnyei Merathaim, he ka vat më, me ûcon tavat adre me laba hnyi Pekoda: hlingâ ju me ti ohia hwa-bödra, haingö Iehova, ke ânyâ hia thö helâji me hnok hna hûna köu.

Ezekiela 27:23

Karan me Kane me Edena tavat ûcû hnyi Sheba, me Asur, me Kalemada tavat adre me ûcû möu.

Daniela 1:2

Ke haba Than ame hnö Jehoiakima than Juda ka hnyi hnyamen, tha e me ke je omjehen uma umen Khong; me e ame sukhöûnâ ka hnyi hnyei Sinara ka hnyi uma umen khongon: ke e ame ip je omjehen ka hnyi uma omjeû umen khongon.

Amosa 6:2

He thö Kalene ai me wâ; ke ûhem e, he thö Hamath ai ae gan: ke utut minya Gatha ai anyin at Filisiti: hawa, ödra so hon je dokhu eling? ame ne gan je idra hon je ibun?

Mika 4:10

Vec dö, ke hnokoâ but, u hluiny Ziona, helâ me momo ame vec hnyekon: anyin a u me he ka he but walang ang ûnyi hnyi hnyin taun, me laba hnyi ta hnyei, me o ka hnyi Babulona; ke adre me he ka hûgûnö u ûhem e; kʼ ame he Iehova ka ûcû u eling ûnyi ge je iwahnaihmiöny möu.

Mika 5:6

Ke adre me he ka öba waniny hnyei Asuria ge hele vat, ke hnyei i Nimeroda hnyi je homagouleny; ke e ame he ka omeli öta ge at Asuria, e ka o ka hnyi ita hnyei me uto je ita.

Zakaria 5:11

Ke haingen könya, ka habe, Ödru me he ka bi umen uma hnyi hnyei Sinara: ke e ka penapena, adre me he ka ip momo hnyin wale hnyi hing taben lap.