Genese 1:6 - Iaai Bible 1901 (New Caledonia)

⁶ Ke Khong ame ha, ka habe, E so e me hu ke bwang hnyi wanben je köiö, me me bi hnyigöulen je köiö ûnyi hnyi ke je köiö.

Genese 1:6 ပူးပေါင်းရင်းမြစ်များ

Genese 1:14

Haba Khong ame ha, ka habe, E so he ka hu ta je melam hnyi bwanginy drany ethö, me me bi hnyigöulen lany me lit; ke haba je ûnyi e me hnân ta je haten, me ta je ûen, me ta je bong, me ta je huna:

Genese 1:20

Haba Khong ame ha, ka habe, E so ame he je köiö ka odedo ta je ûnyi ame bwebwet ae hu mot, ke so ame gâ ethö hon kânâ je meno ame gâ, hnyi bwanginy drany ethö.

Jobu 26:13

E ame osoâ drany ge hanon; Ke hnyamen ame dâ on ame kec.

Jobu 37:11

Eke, e ame ip khömetiny hon ûlâ ae khot; E ame olauâ ûlâiny anyin hucuce,

Jobu 37:18

Hawa, e khanö u he ka tha ulolo mē drany, Waleji ae hmâ helâ me uselat bras adre okoiâ?

Salamo 104:2

U je tubi u ge melam helâ me ûkhaû; Me ulolo drany helâ me imano:

Salamo 148:4

Ogânâ thö e öbun je draniny drany, Me öbun ta je köiö ethö hon drany.

Salamo 150:1

OGANÖ Ja thʼ öbun. Ogânâ thö Khong hnyi umen uma ae kap: Ogânâ thö e hnyi drany ethö a hnyaban maniny man.

Salamo 19:1

AME omanenâ je drany mec anyin Khong; Ke haba hnen ang ethö ame omanenâ huliwa anyin li hnyamen.

Salamo 19:2

Ame fuc ke bong ka ke bong, Ke ke lit ame omanenâ metâ ka ke lit.

Salamo 33:6

Adre me op drany ge hofuc ho Iehova; Ke ta je ûnyi hia hnyin ge homenâiny hnyimen.

Salamo 33:9

Anyin a e ame fuc, me ame aat: E ame hûna, me ame tethmâ.

At Khet 11:3

Ame ne unöngöt je ûlâ ge we, me ame ta we ka hnyi hon kânâ: ke ame ne ta ûö, ame ne ka hnyi hwaiöu, ame ne ka hnyi hwadro, haba hna ta hnen ûö, me ame he ka mokut hnyi dok eling.

Isaia 40:22

E at ame laba hon wathelabainy hmeledrany, ke helâ me ta je wahamon tavat adre me labā e; at ame ulolo drany helâ me imano, kʼ ame ulolo e me helâ me uma mano adre me laba hnyin:

Jeremia 10:10

Ke Iehova Khong ae hnathu, e thibi Khong ae mot, me Than nyiele balua: ame öbubuny hmeledrany hnyi anyin hmonyin, ke ca khana ta je hnyei ka tot hmâ hnyi anyin wathethot.

Jeremia 51:15

E ame hia but op drany ge maniny man, me otilâ hmâ ta je hnyei ge anyin metâ, me ulolo drany hnen anyin wâhmakhmeto:

Zakaria 12:1

WALANG hok, wale hofuc ho Iehova ge Isaraela.

II. Peteru 3:5

Anyin ae wedra bi he ka hnying ûnyi eang, ka habe, walethö drany kâû adrem, me hmeledrany minya, waleji adre tretraoâ ge köiö ke ûnyi hnyi köiö hnen hofuc hwan Khong;