Genese 1:29 - Iaai Bible 1901 (New Caledonia)

²⁹ Ke Khong ame ha, ka habe, Wâ bi, oge hia but ham köbu ta je ûö hia ae ometu ae hu önyen hnyin, a hnyi hon hmeledrany hia thithö, me ta je ûö hia ae wa me hu önyen hnyin; wale me hnân ö ʼbu:

Genese 1:29 ပူးပေါင်းရင်းမြစ်များ

Genese 2:16

Ke Iehova Khong ame hûna ka at, ka habe, U me he ka han monu ûnyi hnyi ta je ûö hia thithö hnyi hna belök:

Genese 6:21

Ke u ma he ka hom köu ûnyi ge ta je jeû hia thithö hnân han, me ûkhöûnâ unyâm; kʼ ame he ka âm, me ö ʼdrin minya.

Genese 9:3

Haba ta je ûnyi hia ame bwebwet ae möt ame he ka hnân ö ʼbun; oge hia but ham köbun hia helâji me ta je ûö ae ometu ae hat.

Jobu 36:31

Anyin a e ame owisa tavat ge ta je ûnyi eling; Me han gânâ.

Salamo 111:5

E ame hia but ham jeû ka tavat adre me outen e: E ame he ka ûnykûme anyin ûhihinyköu nyiele balua.

Salamo 115:16

Haba ta je drany, me je drany anyi Iehova; Ke e ame ham hmeledrany ka ta je lakon at.

Salamo 136:25

E ame hia but ham han ka ta je ûnyi hia ae möt: Anyin a nyiele balua anyin ibetengiö.

Salamo 146:7

At ame ânyâ wisa ka tavat adre me oveci ödra; Kʼ ame ham jeû ka tavat a ödra mekihnânem: Iehova ame thang tavat adre cʼ ödra;

Salamo 147:9

E ame ham ka ta je meno ö ʼdra jeû, Me ka je lakou oreba ame kuku.

Salamo 24:1

ANYI Iehova hmeledrany me ta je ûnyi ae unöngötiny; Me ta ogo hnyei, me tavat adre me laba hnyin.

Isaia 33:16

awe, e ame he ka laba hnyi dok ae gorany: ke hnen hna lubaduöng bi je kic a je hnabâ: adre me he ka hûn e; ame he ka tethmâ hna habelen e.

Hosea 2:8

Anyin ae ca khana bi momo a oge me ham kâu hwit, me waina, me wakaco, me osehia kâu sileva, me gol, wale ödrin e bi Baala kâu.

Mataio 6:11

Ham but kohmun hnyi bong ang jeû ae ûcû kohmun.

Ta je huliwa 14:17

Ke e bala bi anyin hna ohnatho, anyin a e ame mâdrâ so, wale ame ham köbun we ûnyi hnyi drany, me je ûen ae widrany, me osekunâ je hnyekubun ge jeû me senyin.

Ta je huliwa 17:28

anyin a öta möt me bwebwet, me e bi unyin; helâ me hna ha hnen keihen adre sit khumöng gabun, ka habe, Anyin a je mâtrâniny öta.

I. Timoteo 4:3

adre me thawâ he ka faipoipo, me ca han ke je jeû, wale a op Khong, he ka kap oleâ hnen tavat adre me labageju me wâhmakhmetoâ hnathu.

I. Timoteo 6:17

Hûna thö ka tavat tren omjeû eang hmeledrany ka habe, Ca he ödra bi ka bi gan, me ca he ka gejon ta je omjeû wale ame ca tethmâ, ke so bi ka Khong ae möt at ame ham köta hia ta je ûnyi hnân osenyini öta;