Genese 1:28 - Iaai Bible 1901 (New Caledonia)

²⁸ Ke Khong ame hahnahici ödru: ke haba Khong ame ha ködru, ka habe, Si but, me dudu but me ödedoâ hmeledrany, me hom ûhnyûkongo; me musö thö ta je wâ eû hnyi köiö, me ta je meno ame gâ ethö, me ta je ûnyi hia ae möt ame iyâûâ hmeledrany.

Genese 1:28 ပူးပေါင်းရင်းမြစ်များ

Genese 1:22

Ke Khong ame hahnahici ödra, haingen, ka habe, Si but, me dudu but, me ounöngötâ thö köiö, kʼ e so e me dudu but je meno ame gâ hnyi hmeledrany.

Genese 17:16

Ke oge me he ka ohnahicâ e, ke haba khaca, oge me he ka ham köu nokom da ûnyi gan: eke, oge me he ka ohnahicâ e, kʼ ame he ka hinyen ta je hnyei; kʼ ame he ka o ûnyi gan je thaniny ta je hnyei.

Genese 17:20

Ke so bi oge hia but ling u ga Isamaela: wâ bi, oge hia but hahnahicâ, me oge me he ka ohâtâ e, me ösiâ gânâ but e; e ame he ka hnokoâ ta jo taben a twelv, me oge me he ka wia e me me kamen ta je hnyei ae se hia.

Genese 24:60

Me ödrin e ha hnahici Rebeka, me ha kâu, ka habe, Hanihmun lö, e so u ma he ka hinyen ta je thauzan me je libenyita ta je thauzan, ke so ame he je mâtrânâm ka laba hnyi ta je homagöuleny tavat adre me hûköti ödra.

Genese 26:24

Ke Iehova ame manen dut kâu hnyi hnyinghet eling, me ha, ka habe, Inya Khongu Aberahama a kâmâm: ca ot, anyin a tha inya möu, ke oge me he ka ohnahici u, me osehia ta je mâtrânâm can athnyabaik a Aberahama.

Genese 33:5

Ke e ame bwele me wâ je momo me je wanakat; me haingen, ka habe, Ie hnyat ang unyâm! Ke haingen, ka habe, wale je lakuk hnen Khong hna betenge gak a athnyabaem.

Genese 49:25

Wale ûnyi ge Khongon kâmâm, at ame hadruö u, Ke ûnyi ge Ataekhanahia, at ame he ka ohnahici u, Hnen ta je soiny drany ethö, Me soiny dok ae dit eû hnyikânâi, Me soiny basin, me hnyekon at ame hnokoâ.

Genese 5:2

e ame up ödru a baga me momo; ke e ame hahnahici ödru, me hwenyi iödru at, hnyi bong adre up ödru hnyin.

Genese 6:1

KE hnyi ûen ame hwân ka hu tavat ae se hia eang hmeledrany, ke adre hnokoâ lakudra je hlu,

Genese 8:17

Hom but ta je ûnyi hia ae möt a e unyâm wale je meno hia, a je meno ame gâ, me vak cadrin, me iyâû hia eang hmeledrany: mʼ adre me he ka si but eang hmelen, me se hia but, me dedo eang hmelen.

Genese 9:1

KE Khong ame hahnahici Noa, me je lakon, me ha ködrin ka habe, Si but, me dudu but, me dedo hmeledrany.

Genese 9:7

Ke haba öbun, si but, me dudu but; hnokoâ gânâ eang hmelen, me dedo hnyin.

I. Man Ûlabainy Je Than. 26:5

me Amiela a siksiny, me Isakara a seveniny, me Peulethai a eitiny: anyin a Khong ame ohnahicâ e.

I. Man Ûlabainy Je Than. 4:10

Ke haba Jabez ame hongot ka Khongu Isaraela me ha, ka habe, Ö u he ka ti ohnahici nya, me ogânâ ik, ke e na tha e ju mönya hnyamâm, me me tuö nya ge hulo, me inye ca vec bi gan! Me haba Khong ame ham kâu ûnyi e ame sumâtâ.

Jobu 39:11

U me he ka labageju kâu anyin ae gan hmâ hwegien? Ke u me he ka hna ânyâm huliwa kâu?

Jobu 42:12

Me Iehova ame gan hmâ oganö Jobu hnyi bongon je bong a biliny hon je bongon a bân: ke e hu gan ta je mamoe a fotin thauzan, ke siks thauzan je kamela, ke wan thauzan je ûcû lo bolok, ke wan thauzan je asina momo.

Salamo 107:38

E ame ohnahici ödra minya, mʼ adre me ti se hia; Kʼ ame ca hna haledra omeno he ka wakhalet.

Salamo 115:16

Haba ta je drany, me je drany anyi Iehova; Ke e ame ham hmeledrany ka ta je lakon at.

Salamo 69:34

E so e he drany me hmeledrany ka ogânâ e, Me köiö, me ta je ûnyi hia adre me he hnyin.

Salamo 8:6

U je otilâ e he ka muso ta je huliwa anyin li hnyamâm; U je hia but ip ta je ûnyi hia thithö eû hmelen li can:

Salamo 8:7

Ta je mamoe me ta je bolok hia, Eke, me ta je menoiny hnyot:

Isaia 45:18

Anyin a walang hna ha hnö Iehova at a op drany; e thibi Khong; at ame ânyâ hmeledrany me op e; e ame otethmâ e, kʼ ame ca op baûâ e, e ame mâdrâ e me me labā e: haingen, ka habe, Inya Iehova ka ba ju ke at.

Levitiko 26:9

Ke oge me he ka ogânʼ öbun me osiâ me osehiʼ öbun; me ohmâ anyik ûbihinyköu möbun.

I. Timoteo 4:3

adre me thawâ he ka faipoipo, me ca han ke je jeû, wale a op Khong, he ka kap oleâ hnen tavat adre me labageju me wâhmakhmetoâ hnathu.